Nambas 14:1 - Kriol Baibul

¹ Wal, wen detlot Isreil pipul bin lisin tharran, deibin kraikraibat olnait.

Nambas 14:1 Iomraidhean Croise

Ola Saam 106:25

Deibin jidan insaid langa olabat tent en deibin grambulbat, en olabat nomo bin teiknodis langa YAWEI.

Ola Saam 78:32

Nomeda ol detlot ting bin hepin, detlot pipul bin kipgon dumbat ola nogudbala ting. Nomeda imbin dum klebabala ting dei nomo bin stil trastim im.

Eksadas 13:17

Wal wen det king bin larramgo ola Isreil pipul brom Ijip, God nomo bin deigim olabat streit langa det kantri weya imbin pramisim olabat. Det shotkat roud bin go thru langa det kantri blanga ola Filastain pipul, en detlot pipul bin oldei fait langa enibodi hubin go langa olabat kantri. En nomeda detlot Isreil pipul bin abum ebrijing blanga fait, bat stil God nomo bin wandim olabat blanga fait langa detlot Filastain pipul, dumaji imbin sabi dei mait tjeinjim olabat main en gobek langa Ijip. En blanga tharran na God bin deigim olabat langa det roud deya langa det deset kantri weya im kamat langa det solwoda gulum Redsi.

Eksadas 33:4

“Ol detlot Isreil pipul olabat adbala pipul. Wal yu dalim olabat wanim aibin tok, en yu dalim olabat blanga deigimat ola nekleis en ring weya dei werrimbat, en ai garra jinggabat wanim ai garra dum langa olabat dumaji if ai go garram olabat, ai mait gitwail langa olabat en binijimap olabat brabliwei.” Lagijat na God bin tok. Wal wen ola Isreil pipul bin irrim det wed, deibin stat kraikrai, en deibin deigimat ola nekleis en ola ring deya langa det hil gulum Sainai, en nobodi bin oldei werrimbat detkain ting na.

Nambas 13:33

En wibin luk loda longwan men deya du, detlot biginini blanga Einak. Wibin jidan lilwan, jis laik grashopa, en lagijat na olabat bin luk langa wi.”

Nambas 14:2

Olabat bin grambulbat langa Mosis en Eran, en deibin tok, “Im mobeda melabat bina dai langa Ijip, o iya langa dijan deset kantri.

Dyudaranami 1:26

“Bat yumob bin gibit bekboun langa YAWEI det trubala God blanga wi, en yumob nomo bin wandi go langa det kantri.

Dyudaranami 1:45

Wal yumob bin jingat langa YAWEI blanga album yumob, bat im nomo bin lisin langa yumob o teiknodis langa yumob.”

Dyudaranami 9:23

En yumob nomo bin teiknodis langa im wen imbin jandim yumob brom Keidishbaniya en imbin dalim yumob blanga go en teikoba det kantri weya imbin wandi gibit yumob. Yumob bin gibit bekboun langa im.

Joshuwa 14:8

Bat detlot najalot men hubin go garram mi bin meigim ola pipul bradin blanga kaman langa dijan kantri. “Wal mi, aibin oldei dum wanim YAWEI bin dalim mi blanga dum,