Nambas 13:3 - Kriol Baibul

^3-15 Brom det deset kantri gulum Paran, Mosis bin duwit en imbin jandim sambala lida, en dijan na detlot neim blanga olabat en detlot klen. Blanga det Rubin klen det lida bin neim Shamuwa det san blanga Sekura. Blanga det Simiyan klen det lida bin neim Shafat det san blanga Horai. Blanga det Juda klen det lida bin neim Keilab det san blanga Jefana. Blanga det Isaka klen det lida bin neim Aigal det san blanga Josef. Blanga det Ifreiyim klen det lida bin neim Hosheiya det san blanga Nan. Blanga det Benjamin klen det lida bin neim Palti det san blanga Refu. Blanga det Sebyulan klen det lida bin neim Gediyel det san blanga Sadi. Blanga det Manesa klen det lida bin neim Gedai det san blanga Susi. Blanga det Den klen det lida bin neim Amiyel det san blanga Gemalai. Blanga det Esha klen det lida bin neim Sethura det san blanga Maikul. Blanga det Neftali klen det lida bin neim Neibai det san blanga Bofsi. Blanga det Ged klen det lida bin neim Giyuwel det san blanga Mekai.

Nambas 13:3 Iomraidhean Croise

Nambas 10:12

En detlot Isreil pipul bin stat gowei brom det deset kantri gulum Sainai, en bambai det klaud bin stap langa det deset kantri gulum Paran.

Nambas 12:16

Afta na deibin libum Heiseroth en deibin pudumap kemp langa det deset kantri gulum Paran.

Nambas 13:2

“Yu garra pikimat twelbala lida, wanbala brom ebri klen, en jandim olabat blanga go en lukaran snikinbalawei langa det kantri gulum Keinan. Ai garra gibit det kantri langa ola Isreil pipul.”

Nambas 32:8

Lagijat na yumob fathamob bin dum wen aibin jandim olabat brom Keidishbaniya blanga lukaran det kantri.

Nambas 34:17

“Eliyeisa det serramonimen en Joshuwa det san blanga Nan garra kadimat det kantri blanga detlot pipul,

Dyudaranami 1:19

Wal Mosis bin kipgon tok, “Wal wibin dum wanim YAWEI det trubala God blanga wi bin dalim wi strongbalawei. Wibin libum det hil gulum Sainai en wibin go thru langa det nogudwan deset kantri en wibin kamat langa det taun gulum Keidishbaniya.

Dyudaranami 1:23

“Wal aibin jinggabat tharran en aibin reken im gud aidiya en aibin pikimat 12 men, wanbala men brom ebri klen.

Dyudaranami 9:23

En yumob nomo bin teiknodis langa im wen imbin jandim yumob brom Keidishbaniya en imbin dalim yumob blanga go en teikoba det kantri weya imbin wandi gibit yumob. Yumob bin gibit bekboun langa im.

Fes Semyul 25:1

Bambai na Semyul bin dai, en ola Isreil pipul bin majurrumap miselp, en deibin kraikrai blanga im, en afta deibin berrim im bodi langa im ronwan kemp deya langa det taun gulum Rema.