Nambas 13:20 - Kriol Baibul

²⁰ Yumob garra faindat if det graun im gudwan en if det kantri garram loda tri, en yumob garra bringimbek sambala frut daga weya grogro deya.” Lagijat na Mosis bin tok. En imbin det taim wen ola greip daga bin kukwan du.

Nambas 13:20 Iomraidhean Croise

Fes Kranakuls 22:11

“Wal main san, YAWEI im jidan langa yu, en im garra kipum det pramis blanga albumbat langa yu wen yu garra bildimap det Serramoni Pleis blanga im.

Niyamaiya 9:25

Deibin teikoba detlot taun garram haibala wol, en det gud kantri garram blendibala daga. Deibin teikoba detlot kemp garram detmatj gudbala enijing, en ola wel weya detlot pipul bin grajim. Deibin teikoba ola greip gadin, en ola gudwan olibtri, en ola frut tri. En deibin abum detmatj blanga dagat en deibin meigim miselp gro fetwan. Deibin jidan gudbinjiwei dumaji yubin dum ola gudbala ting blanga olabat.

Niyamaiya 9:35

Yubin gibit olabat ronwan kantri. Yubin gibit olabat ola king blanga lidim olabat, bat dei nomo bin irrim yu, Yubin gibit olabat bigwan kantri garram loda daga, bat dei nomo bin libum ola nogudbalawei blanga olabat.

Isikiyel 34:14

Olabat garra jidan seifwan wen dei garra dagat loda grinwan gras langa det hil kantri.

Denyul 11:24

Im garra deigimoba ola ritjwan kantri nomo garram eni woning. Im grengrenfathamob nomo bin dumbat tharran. En afta im garra kadimat ola gudbala ebrijing en gibit langa im frenmob. Im garra meigim plen blanga fait langa detlot strongbala taun, bat det plen kaan wek blanga im.

Maika 7:1

Wal aibin tok na, “Bobala! Mi jis laiga hanggribala men hu kaan faindim eni daga langa tri en langa gadin, dumaji olredi sambodi bin gajimbat ola daga.

Nambas 13:19

Yumob garra faindat if det kantri im gudwan o nogudwan, en if detlot pipul jidan langa ola taun garram bigwan strongbala wol.

Dyudaranami 1:24

Deibin go langa det hil kantri raidap langa det pleis gulum Eshkol Beli en deya na deibin lukaran snikinbalawei wotkain det kantri.

Dyudaranami 1:25

Deibin bringimbek sambala frut daga weya deibin faindim deya langa det kantri. En deibin dalim melabat det kantri weya YAWEI garra gibit langa melabat im brabli gudwan graun blanga growimapbat olkain daga.

Dyudaranami 31:23

Wal YAWEI bin dalim Joshuwa det san blanga Nan, “Yu garra jidan brabli strongbala en nomo bradin en nomo gibap. Yu garra lidim dislot Isreil pipul langa det kantri weya aibin pramisim olabat, en ai garra jidan garram yu.” Lagijat na YAWEI bin tok.

Hibrus 13:6

Lagijat na God bin tok en blanga tharran na, wi garra meigim miselp strongbala blanga tok, “Det Bos na oldei albumbat mi. Ai kaan bradin blanga enibodi, dumaji nobodi kaan dum enijing langa mi.” Lagijat na wi garra tok.

Joshuwa 1:6

Wal yu garra jidan strongbala en nomo bradin, dumaji yu na garra deigim ola Isreil pipul langa det kantri weya aibin pramis langa yumob grengrenfatha olabat basdam.

Joshuwa 1:9

“Wal yu irrim mi brabliwei na. Mi na YAWEI, en mi na dalimbat yu blanga jidan strongbala en nomo bradin, dumaji ai garra jidan garram yu nomeda wujei yu go.” Lagijat na God bin tok langa Joshuwa.

Joshuwa 2:1

Brom deya Joshuwa bin dalim dubala men, “Yunbala garra krosim det riba, en yunbala garra go en lukaran det kantri snikinwei, en yunbala garra lukaran det taun gulum Jeriko brabliwei.” Wal det dubala men bin gowei brom det pleis gulum Akeisha weya ola Isreil pipul bin kemp, en wen dubala bin kamat langa Jeriko, dubala bin go langa det haus blanga wan nogudbala gel neim Reiheb. Det gel bin oldei larram eni men kaman en silip garram im. Bat det dubala men bin go langa im haus blanga blandim miselp.

Joshuwa 2:3

Wal det king bin jandim sambala solja langa det haus blanga det gel. Bat bifo deibin kamat langa im haus, det gel bin blandim det dubala men ontop langa im haus weya imbin oldei draiyimbat sambala speshalwan gras. Bambai na detlot solja bin kamat langa det haus blanga det gel, en deibin jandap atsaid langa det haus, en deibin jingat langa det gel, “Yu bringimap detlot men hubin kaman langa yu haus, dumaji deibin kaman blanga lukaran wi kantri snikinwei.”