Nambas 12:6 - Kriol Baibul

⁶ en YAWEI bin tok, “Yunbala irrim mi na. Wen ai jandim speshalwan mesinja langa yumob, mi oldei shoum miselp en tok main speshalwan wed langa im langa drim.

Nambas 12:6 Iomraidhean Croise

Jenasis 15:1

Bambai na wantaim YAWEI det trubala God bin tok langa Eibram langa im drim, “Yu nomo bradin blanga enijing Eibram, dumaji mi na garra oldei lukaftumbat yu, en mi na garra gibit yu ebrijing.”

Jenasis 20:7

Wal yu jandimbek det gel langa im hasbin na, dumaji im raidenmen blanga mi. Im speshalwan mesinja blanga mi, en im garra tok langa mi blanga yu, en ai garra larramgo yu fri brom dijan ting. Bat if yu kaan deigimbek det gel langa im hasbin, wal yu en ola pipul blanga yu garra ol dai.” Lagijat na God bin tok.

Jenasis 28:12

en wen imbin dedsilip, imbin abum drim, en langa det drim imbin luk step bin kamdan brom hebin wansaid langa im, en ola einjul bin wok apendan langa det step.

Jenasis 28:16

Afta na wen Jeikob bin gidap brom silip, imbin jinggabat, en imbin tok, “YAWEI im iya orait. Im rait iya langa dijan pleis na. Bat ai nomo bin sabi.”

Jenasis 37:5

Brom deya wan nait wen Josef bin silip, imbin abum drim,

Jenasis 37:9

Bambai na Josef bin abum najawan drim, en imbin dalim im braja olabat, “Aibin abum najawan drim. Wal yumob lisin langa mi na. Langa det drim aibin luk det san en det mun en lebenbala sta, en deibin ol baudan langa mi.”

Jenasis 46:2

Wal wen imbin naitaim, God bin tok langa Jeikob garram drim. Imbin jingat, “Jeikob! Jeikob!” En Jeikob bin tok, “Yuwai! Mi iya.”

Sekan Semyul 7:4

Wal afta na midulnait YAWEI bin dalim Neithan,

Fes Kings 3:15

Bambai na Salaman bin gidap brom silip en imbin sabi streidawei YAWEI bin tok langa im langa det drim. Brom deya Salaman bin go langa Jerusalem en deya imbin jandap lida langa det Seikridwan Boks blanga YAWEI, en imbin gibit detlot barnapwan en feloship ofring. En afta imbin abum bigwan padi garram ola haibala wekinmen blanga im.

Fes Kings 3:5

Wen imbin naitaim YAWEI bin kaman langa im langa drim en imbin askim im, “Wanim yu wandim mi blanga gibit langa yu?”

Job Wotfo Gudbala Pipul Abum Trabul? 33:15

Maitbi God tok langa wi naitaim garram nogudwan drim weya bradinim wi blanga gibit wi woning.

Job Wotfo Gudbala Pipul Abum Trabul? 4:13

wen aibin silip, bat main drim bin bradin mi.

Ola Saam 105:15

Imbin tok, “Nomo ardim ol main pipul weya aibin pikimat. Nomo tatjim ol main mesinjamob.”

Ola Saam 89:19

YAWEI, longtaim langa drim yubin tok langa ol yu trubalawan wekinmen, “Aibin meigim dijan solja jidan strongbala garram big neim. Aibin pikimat dijan yangmen brom ola pipul blanga jidan haiwan king.

Eksadas 7:1

Wal YAWEI bin tok, “Ai garra meigim yu jidan bos langa det king jis laik mi jidan bos langa yu, en yu braja Eran garra jidan speshalwan mesinja blanga yu.

Jeramaiya 23:25

“Aibin irrim detlot mesinja tok, ‘Irrim! Ai garra dalim yumob blanga drim weya God bin gibit langa mi naitaim.’ Lagijat na dei oldei kipgon yusumbat main neim blanga dalimbat laiya. Wal wotaim diskain ting garra stap?

Jeramaiya 23:28

Det mesinja hubin abum drim, garra tok, ‘Im oni drim,’ bat det mesinja hubin irrim main mesij garra tok det mesij trubalawei. Det draiwan gras im nomo gudwan wen yu garram gudwan sid daga blanga dagat.

Isikiyel 1:1

Wal mi na Isikiyel, det serramonimen, en mi na det san blanga Busi. King Nebakanesa bin gajim mi en King Jehoiyakin en ola Juwish pipul, en imbin meigim melabat jidan wansaid langa det riba gulum Keba langa im kantri gulum Bebalon. Melabat bin jidan iya blanga 5 yiya. Bambai langa det namba 30 yiya langa det namba 4 manth langa det namba 5 dei aibin abum drim. Langa det drim aibin luk det skai bin opinap en YAWEI det trubala God bin shoum imselp langa mi, en imbin tok langa mi, en deya na aibin filim det pawa blanga im.

Denyul 10:8

Aibin deya miselp lukinatbat det drim en aibin gida shok nomo lilbit. Main win bin stap streidawei, en aibin jidan brabli wikwan.

Denyul 2:19

Wal det nait na Denyul bin abum drim en imbin sabi imbin det seimwan drim weya det king bin abum, en imbin preisimbat God langa top.

Denyul 7:1

Wal langa det feswan yiya wen Belshesa bin jidan king langa Bebalon, wal mi na Denyul, aibin abum drim naitaim. Aibin raidimdan det drim langa peipa, en dijan na det drim. Aibin luk fobala bigbala win bin bloblobat brom ebriweya, en det win bin sterrimap det bigiswan solwoda.

Denyul 8:2

Langa det drim aibin luk miselp jandap langa det taun gulum Susa langa det kantri gulum Elam. Det taun bin abum bigwan wol raidaran langa im. Aibin jandap wansaid langa det riba gulum Yulai.

Hoseiya 12:11

Bat yumob bin stil weshipbat ola drimin sheip deya langa det pleis gulum Giliyad, en yumob oldei abumbat nogudwan sekrifais serramoni langa det pleis gulum Gilgel. “En blanga tharran na ol yumob pipul hu jidan deya langa Giliyad garra dai, en ai garra bitsimap ol detlot seikridwan ston deya langa Gilgel, en ai garra pailimap detlot ston ebriweya langa ola fam.” Lagijat na YAWEI bin tok.

Jowal 3:1

Wal YAWEI det trubala God bin kipgon tok, “Det taim na ai garra gibitbek ola gudbala ting langa main pipul olabat deya langa Jerusalem en Juda.

Sekaraiya 1:8

Aibin luk wanbala men raidimbat redwan hos. Imbin jandap insaid langa detlot tri gulum metiltri langa wan beli, en najalot hosis bin biyain langa im, redwan, greiwan en waitwan.

Nambas 24:4

Aibin irrim dijan wed dumaji God bin dalim mi. En aibin luk dijan dumaji det boswan God bin shoum langa mi.

Methyu 1:20

Wal wen Josef bin jinggabat lagijat, God bin gibit im drim, en langa det drim wan einjul bin kamat langa im, en det einjul bin tok, “Josef! Grengrensan blanga Deibid! Yu nomo libum det yanggel. Yu garra gajim im blanga yu waif, dumaji det Holi Spirit bin gibit im det beibi.

Methyu 2:19

Bambai na King Herod bin dai, en afta God bin gibit drim langa Josef deya langa Ijip, en langa det drim wan einjul bin kamat langa im.

Methyu 23:31

Wal wen yumob tok lagijat, yumob agri yumob grengrenfatha olabat na bin kilim detlot speshalwan mesinja.

Methyu 23:34

“Trubala ai dalim yumob. Ai garra jandim speshalwan mesinja en mishanri en titja langa yumob, en yumob garra kilim sambala en neilimap sambala langa kros en beldim sambala garram wip langa ola Juwish Miting Pleis en ranimap sambala langa ebri taun.

Methyu 23:37

Afta na Jisas bin tok, “Jerusalem! Ol yumob pipul langa Jerusalem! Yumob oldei kilimbat ola speshalwan mesinja blanga God! Yumob oldei stonimbat detlot Speshalwan Men weya God bin jandim langa yumob! Lodataim aibin wandi majurrumap ol yumob pipul langa mi jis laik det mamiwan jukjuk oldei majurrumap ola biginini blanga im. Bat yumob nomo bin larram mi majurrumap yumob!

Methyu 27:19

en wen Pailat bin jidanbat deya toktok langa olabat, im waif bin jandim wed langa im. Imbin tok, “Yu nomo wandi tatjim det gudbala men, dumaji aibin abum drim en imbin meigim mi brabli nogudbinji.”

Luk Bin Dalim Ola Stori Blanga Jisas Langa Wan Jintail Men 1:11

Wal wen Sekaraiya bin deya insaid langa det haus, wan einjul brom God bin kamat langa im, en det einjul bin jandap raidensaid langa det teibul blanga ofring weya dei oldei barnim det gudsmelwan medisin,

Luk Bin Dalim Ola Stori Blanga Jisas Langa Wan Jintail Men 1:22

Bambai na wen Sekaraiya bin kamat, im nomo bin tok enijing, en ol detlot pipul bin sabi imbin luk samting deya insaid langa det Serramoni Pleis, en imbin tok langa olabat garram im bingga, dumaji im nomo bin tok garram im mawus na.

Luk Bin Dalim Ola Stori Blanga Jisas Langa Wan Jintail Men 20:6

Bat wi kaan dalim im Jon bin gedim det rait brom men.” Lagijat na deibin tok gija, dumaji ola pipul bin reken Jon bin speshalwan mesinja brom God, en detlot bosmen bin bradin detlot pipul mait stonimbat olabat ded if dei tok Jon bin gedim det rait brom men.

Eks Hau Det Gudnyus Blanga Jisas Krais Bin Spredat Ebriweya 10:11

en langa det drim imbin luk hebin bin opinap, en samting jis laiga bigwan kaliko taidap langa ola kona bin kamdan,

Eks Hau Det Gudnyus Blanga Jisas Krais Bin Spredat Ebriweya 10:17

Wal wen Pida bin jinggabat det drim en wanim imbin min, detlot thribala men brom Koniliyas bin faindim det haus blanga Saiman, en deibin jandapbat deya langa det geit,

Ifishans 4:11

Wal Jisas Krais na bin gibit pawa langa im ronwan pipul olabat blanga dum im wek. Im pikimat wujan pipul im garra meigim jidan speshalwan mishanri, en wujan pipul garra jidan speshalwan mesinja, en wujan pipul garra dalimbat det Gudnyus langa ebribodi, en wujan pipul garra lukaftumbat ola Kristjan pipul en titjimbat olabat.

Dyudaranami 18:15

en im na garra jandim wanbala speshalwan mesinja brom yumob ronwan kantrimen en im garra jidan jis laik mi, en yumob garra teiknodis langa im.

Dyudaranami 18:18

Mi na, YAWEI garra faindim sambodi brom yumob Isreil pipul blanga jidan speshalwan mesinja blanga yumob, jis laik yu na Mosis. Ai garra dalim im wanim im garra tok en im garra dalim ola pipul ebrijing wanim aibin tok langa im.

Hibrus 1:1

Orait, God bin oldei tok langa wi grengrenfatha olabat. Lodataim imbin tok langa olabat, en imbin yusum olkainwei blanga gibit im wed thru ol detlot speshalwan mesinja blanga im.

Rebaleishan 11:10

en ola pipul brom ebri kantri garra laf langa dubala, dumaji olabat garra brabli gudbinji dubala bin dai. Dei garra abum bigiswan padi en gibit miselp enijing, dumaji det dubala witnis hubin bringimap loda trabul langa olabat bin binij na.

Rebaleishan 11:3

Wal mi, ai garra jandim dubala witnis langa det taun. Dubala garra werrimon sekbeigwan klos, en dubala garra spredimat speshalwan wed main. Dubala garra dum lagijat olawei langa det 4 yiya.” Lagijat na det sambodi bin tok.

Fes Semyul 28:6

en imbin askim YAWEI det trubala God wanim im garra dum. Bat God nomo bin gibit im ensa. Im nomo bin gibit im drim, en im nomo bin shoum im det ensa garram det dubala speshalwan ston gulum Yuram en Thamam, en im nomo bin gibit im eni wed thru langa detlot speshalwan mesinja du.

Fes Semyul 3:15

Wal Semyul bin leidan langa im sweig raidap ailibala, en afta imbin gidap, en imbin opinim det dowa langa det Seikridwan Tent blanga YAWEI. Imbin bradin blanga tok langa Ilai blanga det ting weya bin hepin langa im.

Fes Semyul 3:21

Brom det taim na God bin oldei shoum miselp deya langa det Seikridwan Tent langa Shailo, en deya na imbin oldei tok langa Semyul, en ola Isreil pipul bin oldei teiknodis langa det wed weya Semyul bin oldei tok.