Nambas 11:15 - Kriol Baibul

¹⁵ If yu garra tridim mi lagijat, yu sori langa mi en kilim mi, wulijim ai kaan abum eni mowa krulbala wed brom yu.” Lagijat na Mosis bin tok.

Nambas 11:15 Iomraidhean Croise

Fes Kings 19:4

Langa det wandei Ilaija bin wok langa det draiwan kantri. En imbin stap en jidan andanith langa wanbala tri en imbin jinggabat blanga dai. Ilaija bin tok, “YAWEI, mi nogudbinji. Larram mi dai iya na.”

Job Wotfo Gudbala Pipul Abum Trabul? 7:15

Ai lafta jugum miselp garram roup en nomo jidanbat garram dijan bodi. Yu libum mi na, en larram mi dai. Main laif im najing na.

Eksadas 32:32

Wal yu larramgo olabat fri brom det ting. En if yu kaan larramgo olabat, wal yu garra rabumat main neim brom det buk weya yubin raidimdan ola neim blanga yu pipul olabat.”

Jeramaiya 15:18

Wotfo mi kipgon abumbat adtaim? Wotfo main sowa nomo gitbeda? Wotfo ai kaan jidan gudwei? Yu garra album mi o najing? If yu nomo album mi, im jis laik wen ai go langa det riba weya jidan draiwan hotwethataim.”

Jeramaiya 20:18

Wotfo aibin bon? Aibin bon blanga abumbat trabul en fil sori olataim, en jidan brabli sheimwan?”

Jona 4:3

“Wal YAWEI, yu lafta meigim mi dai na, dumaji ai nomo wandi jidan laibala. Mi nogudbinji, dumaji yubin dalim mi blanga dalim olabat yu garra panishim olabat. Bat najing. Yu nomo bin panishim olabat.” Lagijat na Jona bin tok.

Sefanaiya 3:15

Det taim garra kaman wen YAWEI garra stap panishimbat yumob. Im garra andimwei yumob enami olabat. YAWEI, det trubala God, im det king blanga yumob Isreil pipul en im garra jidan deya garram yumob. Yumob kaan bradin blanga eni nogud ting mowa na.

Jeims 1:4

Wal wen trabul testimbat yumob, yumob garra meiksho yumob garra kipgon trastimbat God, dumaji det trabul weya testimbat yumob garra meigim yumob jidan brabli gudwei nomo garram enijing rong langa det laif blanga yumob.