Nambas 11:10 - Kriol Baibul

¹⁰ Mosis bin irrim detlot pipul bin stat grambulbat wen deibin jandap mijamet langa det dowawei langa olabat tent. Mosis bin brabli nogudbinji, dumaji YAWEI bin brabli wail langa olabat na.

Nambas 11:10 Iomraidhean Croise

Ola Saam 106:25

Deibin jidan insaid langa olabat tent en deibin grambulbat, en olabat nomo bin teiknodis langa YAWEI.

Ola Saam 139:21

Ai heidim detlot pipul hu heidim yu, YAWEI. Ai nomo laigim detlot hu gibit yu bekboun.

Ola Saam 78:21

Blanga tharran na YAWEI bin brabli wail wen imbin irrim olabat toktok lagijat. Imbin fait langa im pipul olabat garram faiya. Imbin barn binji langa olabat brabliwei, jis laiga hotwan faiya,

Ola Saam 78:59

God bin wail wen imbin luk wanim deibin dumbat, en blanga tharran na God bin tjakidawei olabat.

Aisaiya 5:25

Wal yumob blanga YAWEI pipul, indit? Bat yumob bin meigim im brabli wail na, en im garra panishim yumob garram im brabli strongbala pawa. Ol detlot bigwan hil garra sheiksheik nomo lilbit, en ola dedwan bodi garra leidan oloba langa det strit, wulijim ola rabish. YAWEI garra kipgon panishimbat yumob. Lagijat na im garra dum.

Jeramaiya 17:4

Yumob garra lafta gibap en libum det kantri weya aibin gibit langa yumob, dumaji ai garra meigim yumob wek blanga yumob enamimob na langa det kantri weya yumob nomo sabi, dumaji mi brabli wail na, jis laik det faiya weya oldei barnbarnbat, en im garra kipgon barnbarn lagijat olagijawan na.”

Nambas 11:1

Wal wandei detlot pipul bin stat grambulbat langa YAWEI det trubala God na blanga olabat trabul. Wen YAWEI bin irrim olabat imbin brabli wail en imbin jandim faiya langa detlot pipul. Det faiya bin barnbarn wansaid langa det kemp.

Nambas 11:11

Mosis bin tok langa YAWEI, “Wotfo yu dum lagijat langa mi? Wotfo yu oldei trikimbat mi? Wotfo yubin meigim mi jidan lida blanga ol dislot pipul?

Nambas 12:3

Bat Mosis bin jidan lobala men, mowa lobala langa enibodi langa dijan wel.

Nambas 12:9

YAWEI bin brabli wail langa dubala, en afta imbin gowei na.

Nambas 16:27

Wal ol detlot pipul bin gowei brom detlot tent blanga Kora, Deithan en Ebiram. En Deithan en Ebiram bin kamat en jandap langa det dowawei langa dubala tent garram dubala waif en biginini olabat.

Mak Bin Dalim Ola Stori Blanga Jisas 10:14

Wal wen Jisas bin luk detlot wekinmen blanga im bin lagijat, imbin gitwail langa olabat, en imbin tok, “Yumob nomo andimwei ol detlot biginini. Yumob larram olabat kaman iya langa mi, dumaji ola pipul hu meigim miselp lobala jis laik dislot biginini garra jidan garram God. Yumob lisin langa mi na.

Mak Bin Dalim Ola Stori Blanga Jisas 3:5

Wal Jisas bin lukaran langa detlot pipul, en nomeda imbin gitwail langa olabat, bat imbin stil fil sori blanga olabat, dumaji dei nomo bin wandi lisin langa enijing. Wal Jisas bin tok langa det men garram det kripulwan bingga na, “Yu pudumat yu bingga.” En det men bin pudumat im bingga, en streidawei im bingga bin gudwan.

Dyudaranami 32:22

Mi brabli wail en mi garra barnbarn jis laiga faiya. Ai garra barnimap ebrijing deya langa graun. Det faiya garra spredat weya ola dedbala pipul jidan, en barnimap det graun andanith langa detlot bigwan hil.