Nambas 10:12 - Kriol Baibul

¹² En detlot Isreil pipul bin stat gowei brom det deset kantri gulum Sainai, en bambai det klaud bin stap langa det deset kantri gulum Paran.

Nambas 10:12 Iomraidhean Croise

Jenasis 14:6

en deibin bidim ola Horait pipul langa det hil kantri gulum Idam, en deibin kipgon rijim detlot Horait pipul raidap langa det pleis gulum Elparan gulijap langa det deset kantri.

Jenasis 21:21

Bambai na im mami bin faindim waif blanga im brom im ronwan kantri gulum Ijip.

Fes Kings 11:18

Deibin libum det kantri gulum Midiyan en deibin go langa det najawan kantri gulum Paran, en najalot men bin joinap garram olabat. Brom deya olabat bin go langa Ijip langa det boswan king, en imbin gibit Heided sambala kantri en haus en det king bin oldei gibitbat im daga.

Eksadas 13:20

Wal detlot Isreil pipul bin gowei brom det taun gulum Sukait, en deibin kemp wansaid langa det deset kantri deya langa det pleis gulum Itham,

Hebakak 3:3

“Yu na det brabli holiwan God hubin kaman brom det deset kantri wen olabat grengrenfatha bin jidan langa det hil gulum Sainai. Det shainiwan lait blanga yu gaburrumap det skai, en pipul tok brabli gudbalawei blanga yu ebriweya iya langa dijan wel.

Nambas 1:1

Wal YAWEI det trubala God bin tok langa Mosis deya langa det deset kantri gulum Sainai, insaid langa det Seikridwan Tent. Dijan bin det fes dei langa det sekan manth brom det sekan yiya wen ola Isreil pipul bin kamat brom det kantri gulum Ijip.

Nambas 10:33

Wen detlot Isreil pipul bin gowei brom Sainai, det seikridwan hil, deibin wokwokbat blanga thridei. Det Libai klen bin oldei garrimap det Seikridwan Boks blanga YAWEI deibin oldei go lida langa olabat blanga faindim pleis blanga kemp.

Nambas 12:16

Afta na deibin libum Heiseroth en deibin pudumap kemp langa det deset kantri gulum Paran.

Nambas 13:3

Brom det deset kantri gulum Paran, Mosis bin duwit en imbin jandim sambala lida, en dijan na detlot neim blanga olabat en detlot klen. Blanga det Rubin klen det lida bin neim Shamuwa det san blanga Sekura. Blanga det Simiyan klen det lida bin neim Shafat det san blanga Horai. Blanga det Juda klen det lida bin neim Keilab det san blanga Jefana. Blanga det Isaka klen det lida bin neim Aigal det san blanga Josef. Blanga det Ifreiyim klen det lida bin neim Hosheiya det san blanga Nan. Blanga det Benjamin klen det lida bin neim Palti det san blanga Refu. Blanga det Sebyulan klen det lida bin neim Gediyel det san blanga Sadi. Blanga det Manesa klen det lida bin neim Gedai det san blanga Susi. Blanga det Den klen det lida bin neim Amiyel det san blanga Gemalai. Blanga det Esha klen det lida bin neim Sethura det san blanga Maikul. Blanga det Neftali klen det lida bin neim Neibai det san blanga Bofsi. Blanga det Ged klen det lida bin neim Giyuwel det san blanga Mekai.

Nambas 2:34

Wal detlot Isreil pipul bin dum ebrijing wanim YAWEI bin dalim Mosis. Deibin kemp gulijap langa olabat ronwan fleig. En deibin wok garram olabat ronwan klen du.

Nambas 9:1

Wal YAWEI det trubala God bin tok langa Mosis deya langa det deset kantri gulum Sainai langa det feswan manth langa det sekanwan yiya afta detlot Isreil pipul bin libum Ijip. Imbin tok,

Nambas 9:17

Ebritaim det klaud bin oldei gidap, detlot Isreil pipul bin libum det kemp, en wen det klaud bin oldei stap, wal deibin sabi olabat garra stap deya igin.

Nambas 9:5

En sangodantaim langa det namba 14 dei langa det feswan manth olabat bin dum lagijat na deya langa det deset kantri gulum Sainai. Detlot pipul bin dum ebrijing wanim YAWEI bin dalim Mosis.

Dyudaranami 1:1

Wal langa dijan buk na ola wed wanim Mosis bin tok langa detlot Isreil pipul wen deibin redi blanga go langa det kantri gulum Keinan najasaid langa det Jodan Riba. Deibin jidan deya langa det deset kantri sanraiswei brom det Jodan Riba deya langa det kantri gulum Moweb. Deibin jidan gulijap langa det taun gulum Suf. Det taun gulum Paran bin jidan wansaid langa olabat en detlot fobala taun gulum Tofel, Leiban, Heiseroth en Daisaheb bin jidan najasaid. Basdam YAWEI det trubala God bin bidim King Saihan brom det taun gulum Heshban blanga detlot Emarait pipul, en King Og du hubin jidan bos blanga det dubala taun gulum Eshtaroth en Idrei deya langa det kantri gulum Beishan. Wal enibodi sabi haufa brom det bigwan hil gulum Sainai thru langa det hil kantri blanga Idam blanga go raidap langa det taun gulum Keidishbaniya? Maitbi oni 11 dei, bat detlot Isreil pipul bin lafta wokwok 40 yiya brom wen deibin libum Ijip. Wal langa det feswan dei langa det namba 11 manth langa det namba 40 yiya afta deibin libum Ijip deibin redi na blanga go langa det kantri gulum Keinan. Langa det dei na Mosis bin toktok langa detlot Isreil pipul. Imbin dalim olabat ebrijing weya YAWEI bin dalim im strongbalawei blanga tok langa olabat.

Dyudaranami 1:19

Wal Mosis bin kipgon tok, “Wal wibin dum wanim YAWEI det trubala God blanga wi bin dalim wi strongbalawei. Wibin libum det hil gulum Sainai en wibin go thru langa det nogudwan deset kantri en wibin kamat langa det taun gulum Keidishbaniya.

Dyudaranami 1:7

Yumob meigim ola ebrijing redibala na blanga kipgon. Yumob garra go langa det hil kantri blanga detlot Emarait pipul en langa detlot najalot kantri raidaran deya en langa det Jodan Riba kantri en langa det hil kantri en langa det plein kantri en langa det sauthsaid deset kantri en langa det kantri wansaid langa det solwoda gulum Medatareiniyan. Kipgon langa det kantri gulum Keinan en raidoba langa det hil kantri gulum Lebanan en raidap langa det bigbala riba gulum Yufreitis.

Dyudaranami 33:2

Imbin tok, “Wal YAWEI det trubala God bin kaman brom det hil gulum Sainai. Imbin gidap jis laik det san brom Idam, en imbin shain langa im pipul olabat brom det hil gulum Paran. Bigismob einjul bin deya garram im, jis laik bigbala faiya langa im raidensaid bingga.

Fes Semyul 25:1

Bambai na Semyul bin dai, en ola Isreil pipul bin majurrumap miselp, en deibin kraikrai blanga im, en afta deibin berrim im bodi langa im ronwan kemp deya langa det taun gulum Rema.