Nambas 10:1 - Kriol Baibul

¹ Wal YAWEI det trubala God bin dalim Mosis,

Nambas 10:1 Iomraidhean Croise

Jenasis 42:13

Wal olabat bin tok, “Melabat jidan twelbala braja gija garram wanbala dedi langa melabat kantri. Wanbala braja blanga melabat bin dai, en det yangiswan braja im jidan deya langa melabat dedi.”

Jenasis 46:15

Imbin deigim ol detlot san blanga im en im doda Daina du hubin bon langa im waif Liya langa det kantri gulum Mesapoteimiya. Ol detlot 33 biginini en grenkid blanga Liya bin go langa Ijip garram Jeikob.

Sekan Semyul 6:15

en im en ol detlot Isreil pipul bin jinginatbat gudbinjiwei, en deibin blowimbat wisul olawei raidap deibin gajimap Jerusalem garram det Seikridwan Boks.

Sekan Kings 11:14

En deya na imbin luk det nyuwan king jandapbat wansaid langa det longwan stonwan pol deya weya yu gowin insaid langa det Serramoni Pleis, dumaji imbin det pleis weya ola nyuwan king garra jandap. Ola boswan solja en ola pipul hubin blowimbat ola longwan wisul bin jandap olaran langa im, en ola pipul deya bin singsing gudbinjiwei en blowimbat ola longwan wisul. Ethalaiya bin brabli nogudbinji. Imbin terrimap im klos en imbin jingat, “Yumob bin trikimbat mi. Mi na det boswan, nomo dijan lilboi. Yumob bin trikimbat mi.”

Sekan Kranakuls 23:13

En deya na imbin luk det nyuwan king langa det Serramoni Pleis, jandapbat wansaid langa det longwan stonwan pol, deya na langa det pleis weya ola nyuwan king garra jandap. Ola boswan solja en ola pipul hubin blowimbat ola longwan wisul bin jandap olaran langa im. Ola pipul deya bin singsing gudbinjiwei en blowimbat ola longwan wisul. Ol detlot hubin plei det myusik langa det Serramoni Pleis bin lidimbat olabat langa det hepi taim. Kwin Ethalaiya bin brabli nogudbinji. Imbin breigimap im klos en imbin jingat, “Yumob bin trikimbat mi brabliwei. Yumob bin trikimbat mi brabliwei.”

Sekan Kranakuls 7:6

Wal ola serramonimen bin ol jandap langa olabat ron pleis, en deibin luk langa ola Libai pipul en deibin preisimbat YAWEI garram detlot myusik ebrijing weya King Deibid bin gibit. Deibin singim det song gulum Im Laigim Olabat Olagijawan, laik Deibid bin dalim olabat. Detlot serramonimen bin blowim detlot longwan wisul en ola pipul bin jandap.

Esra 3:10

Wal wen detlot men bin stat dumbat det flopat blanga det Serramoni Pleis, detlot serramonimen garram longwan kout bin jandap redibala garram wisul langa olabat bingga, en det najalot femili gulum Eisaf brom det Libai klen bin jandap deya garram simbul. Deibin preisim YAWEI det trubala God jis laik deibin dum langa det taim blanga King Deibid.

Ola Saam 47:5

Wen God im gowap langa im speshalwan tjeya, ola pipul jingat gudbinjiwei, en olabat blowim ola hon adbala.

Ola Saam 81:3

Blowim detlot hon blanga abum det dubala serramoni blanga nyumanth en wen im fulmun.

Ola Saam 98:6

Blowim ola longwan wisul en hon en jingat gudbinjiwei langa YAWEI det bos blanga wi.

Nambas 1:52

En ebri femili blanga ola Isreil pipul garra sabi wujei olabat garra pudumap olabat ronwan kemp gulijap langa olabat ronwan fleig. En ebri klen grup garra jidan gulijap langa olabat ronwan fleig.

Nambas 10:2

“Yu meigim dubala longwan wisul brom silba wulijim yu garra yusumbat blanga jinginatbat wen olabat garra midap, en blanga det taim wen olabat garra binij kemp.

Nambas 29:1

Wal Mosis bin kipgon tok, “Wen yumob irrim detlot longwan wisul jingat langa det feswan dei langa det namba 7 manth, yumob garra majurrumap miselp blanga weship, en yumob kaan dum eni wek.

Nambas 7:2

Brom deya detlot boswan brom ola klen hubin jidan lida blanga detlot Isreil pipul bin kaman langa det Seikridwan Tent. Olabat bin ola seimwan men hubin jidan lida blanga kaundimap en raidimdan ola neim blanga ola pipul.

Nambas 9:23

Olabat bin stap, en olabat bin go, en deibin oldei duwit wanim YAWEI bin oldei dalim langa Mosis blanga dum.

Methyu 24:31

God bin pikimat sambala pipul langa ebri kantri, en wen det longwan wisul garra jingat adbala, ai garra jandim main einjul olabat ebriweya langa ola kantri blanga gajimbat ol detlot pipul blanga God.

Joshuwa 6:4

en sambala serramonimen garra go garram yumob garram det Seikridwan Boks garram ola lowa, en sebenbala serramonimen garra go lida langa det Seikridwan Boks, en detlot sebenbala serramonimen garra ol garrimap nenigout hon. En langa det namba 7 dei, yu en yu solja olabat en ol detlot serramonimen garra wok raidaran langa det taun 7 taim, en seimtaim detlot serramonimen garra blowim detlot hon adbala.

Rebaleishan 8:2

Brom deya aibin luk detlot 7 einjul bin jandap lida langa God, en sambodi bin gibit olabat 7 longwan wisul.

Jadjis 7:20

en detlot najalot Isreil solja bin dum seimwei du, en deibin ol barnim olabat faiyastik. Deibin holdim detlot faiyastik langa olabat lefthensaid bingga en detlot hon langa olabat raidensaid bingga, en deibin ol jingat adbala, “Dijan na det longwan naif blanga YAWEI det trubala God en blanga Gidiyan!”