Methyu 9:27 - Kriol Baibul

²⁷ Afta na Jisas bin gowei brom det pleis, en wen imbin wokwok langa roud, dubala blainwan men bin bulurrum im biyain, en dubala bin jingat langa im, “Grengrensan blanga Deibid! Yu sori langa minbala en meigim minbala gudbala!”

Methyu 9:27 Iomraidhean Croise

Methyu 1:1

Orait, dijan stori im blanga Jisas Krais det grengrensan blanga det Juwish king neim Deibid hubin grengrensan blanga Eibrahem. Wal iya ola neim blanga Jisas grengrenfatha olabat. Im stat brom Eibrahem.

Methyu 11:5

Yumob dalim im ol detlot blain pipul gin luk na, en ol detlot leimbala pipul gin wok na, en detlot pipul hubin abum leprasi olabat gudbala na, en ola defwan pipul gin lisin na, en detlot dedbala pipul bin gidap laibala na, en ol detlot po pipul bin lisin det gudnyus blanga God.

Methyu 15:22

Wal wan olgamen brom det traib gulum Keinanait bin oldei jidan langa det kantri, en imbin kaman langa Jisas, en imbin jingat langa im, “Grengrensan blanga Deibid! Bos, yu album mi, dumaji dibuldibul jidan insaid langa main doda en imbin meigimbat main doda brabli nogud.”

Methyu 17:15

en imbin tok, “Bos, yu sori langa main san, dumaji im brabli sikbala, en im oldei deigimbat fit. Wen im deigim fit, im oldei buldan langa faiya, en im oldei buldan langa woda du.

Methyu 20:29

Brom deya Jisas en im wekinmen olabat bin gowei brom Jeriko, en loda pipul bin bulurrum olabat.

Methyu 21:15

en ola biginini hubin deya langa det pleis bin jingat, “Melabat preisim dijan grengrensan blanga King Deibid!” Wal ola haibala serramonimen en lowamen bin luk Jisas dumbat detlot klebabala ting weya imbin meigim detlot pipul gudbala, en deibin irrim detlot biginini jinginat, en deibin gitwail langa Jisas,

Methyu 21:9

Afta na sambala pipul bin go lida langa Jisas, en sambala pipul bin bulurrum im biyain, en deibin ol jinginat adbala, “Melabat preisim dijan grengrensan blanga King Deibid! Melabat askim God blanga album im en meigim im brabli gudbinji, dumaji God bin jandim im. Melabat preisim God! Aleiluya!”

Methyu 9:28

Bambai na Jisas bin go insaid langa haus, en det dubala blainwan men bin bulurrum im insaid du, en Jisas bin askim dubala na, “Yunbala reken ai gin meigim yunbala gudbala?” En dubala bin tok, “Yuwai, bos! Yu gin meigim minbala gudbala!”

Mak Bin Dalim Ola Stori Blanga Jisas 11:10

God garra album dijan grensan blanga King Deibid jidan bos seimwei jis laik Deibid bin jidan. King Deibid bin jis laiga dedi blanga melabat kantri, en melabat preisim God blanga dijan nyubala King blanga melabat. Aleiluya!” Lagijat na detlot pipul bin jinginatbat.

Mak Bin Dalim Ola Stori Blanga Jisas 9:22

En det dediwan bin tok, “Brom beibitaim. Lodataim det dibuldibul bin tjakambat im langa faiya en langa woda blanga trai en kilim im. Bat if yu gin dum enijing, wal yu sori langa melabat en album melabat.”

Luk Bin Dalim Ola Stori Blanga Jisas Langa Wan Jintail Men 17:13

en deibin jingat langa im, “Jisas! Bos! Yu sori langa melabat!”

Luk Bin Dalim Ola Stori Blanga Jisas Langa Wan Jintail Men 20:41

Wal Jisas bin askim olabat kwestjan na. Imbin tok, “Wotfo sambala pipul tok det speshalwan Bos gulum Masaiya im grengrensan blanga King Deibid?

Luk Bin Dalim Ola Stori Blanga Jisas Langa Wan Jintail Men 7:21

Wal wen det dubala wekinmen blanga Jon bin deya kwestjanimbat im, Jisas bin meigimbat loda sikbala pipul gudbala, en imbin andimwei loda nogudbala spirit brom insaid langa sambala pipul, en imbin meigimbat loda blainwan pipul luk gudwei.

Jon Bin Dalim Det Gudnyus Blanga Jisas Det San Blanga God 7:42

en wi sabi det Masaiya kaan kaman brom det kantri, dumaji langa oltestaman im tok, ‘Det Boswan gulum Masaiya garra jidan grengrensan blanga King Deibid, en im garra bon langa det lilwan taun gulum Bethlahem weya King Deibid bin jidan.’ ”

Romans 1:3

en det gudnyus na im blanga Jisas Krais det San blanga God en det Bos blanga wi. Wal nomeda Jisas Krais bin God San, bat stil imbin kaman laik wi, en imbin kaman brom det femili lain blanga King Deibid,

Romans 9:5

en ol detlot Isreil pipul bin ol kamat brom detlot thribala speshalwan men neim Eibrahem en Aisik en Jeikob, en brom detlot Isreil pipul na Jisas Krais bin kaman. En wi garra preisimbat God ebridei olagijawan. Trubala.