Methyu 9:16 - Kriol Baibul

¹⁶ “Wal yumob jinggabat na. Yu kaan mindimap olwan klos garram nyuwan reig, dumaji wen yu washim det nyuwan reig, im garra godan lilwan, en im garra breigim det olwan klos mowa.

Methyu 9:16 Iomraidhean Croise

Ola Saam 125:3

Ola nogudbala pipul kaan oldei bosoba langa ola kantri blanga ola pipul hu jidan trubalawei langa yu, dumaji if olabat bosoba, bambai detlot pipul hu jidan trubalawei mait stat dumbat nogudwan ting du.

Aisaiya 40:11

YAWEI im oldei lukaftumbat im pipul olabat, jis laik det stakmen wen im oldei lukaftumbat detlot ship blanga im. Im oldei garrimap detlot lilwan ship langa im bingga, en im oldei lidimbat detlot mamiwan ship gudwei.

Methyu 9:15

Wal Jisas bin tok, “Wanim yumob reken? Wen dei abum det padi blanga det men weya garra merrit, dei kaan jidan nogudbinji wen im deya langa olabat. Dei garra jidan gudbinji. En im lagijat langa mi du. Bat bambai wen det taim garra kaman weya dei garra deigidawei mi, det taim na main wekinmen olabat garra jidan nomo garram eni daga.

Methyu 9:17

En yu kaan pudum nyuwan wain jus insaid langa olwan skinbeig, dumaji wen det wain jus babulap, im garra breigim det olwan skinbeig, en det wain en skinbeig dubala garra go nogud na. Yu garra pudum det nyuwan wain jus insaid langa nyuwan skinbeig. Yu si? Yu kaan miksimap det olbalawei garram det nyubalawei.” Lagijat na Jisas bin tok.

Mak Bin Dalim Ola Stori Blanga Jisas 2:21

“Yumob jinggabat na. Yu kaan mindimap olwan klos garram nyuwan reig, dumaji wen yu washim det nyuwan reig, im garra godan lilwan, en im garra breigim det olwan klos mowa.

Luk Bin Dalim Ola Stori Blanga Jisas Langa Wan Jintail Men 5:36

Afta na Jisas bin dalim olabat dijan wed du, “Yu kaan breigim nyuwan klos blanga mindimap olwan klos. If yu dum lagijat, wal yu meigim det nyuwan klos nogud, en dubala kaan luk gud na.

Jon Bin Dalim Det Gudnyus Blanga Jisas Det San Blanga God 16:12

“Wal ai garram loda wed blanga dalim yumob. Bat yumob kaan hendulum ol detlot wed tudei.

Fes Karinthiyans 13:13

Yumob sabi na? Dislot thribala ting na garra kipgon olagijawan. Wi bilib langa God, en wi sabi im garra dum wanim imbin pramis blanga dum, en wi laigim im brabliwei du. En dijan na det meinwan ting brom detlot thribala ting. Wi garra laigim God en im pipul olabat brabliwei.

Sekan Karinthiyans 9:12

Yu si? Wen yumob gibit mani blanga album God pipul olabat, yumob nomo oni album olabat. Yumob meigim olabat gibit theingks langa God brabliwei du.