Methyu 9:12 - Kriol Baibul

^12-13 Wal Jisas bin irrim olabat tok lagijat, en imbin tok, “Yumob jinggabat dokta. Im nomo luk ola helthiwan pipul. Im luk oni sikbala pipul. En mi lagijat du. Ai nomo bin kaman blanga gudbala pipul. Aibin kaman blanga nogudbala pipul. Aibin kaman blanga dalim diskain nogudbala pipul blanga bulurrum det gudbalawei. “Wal yumob serramonimen garra go en jinggabat det wed weya det speshalwan mesinja neim Hoseiya bin raidimdan langa det oltestaman. Det wed im tok, ‘God bin tok im nomo wandim yu blanga abum det sekrifais serramoni. Im wandim yu garra jidan kainbala langa ola pipul.’ ” Lagijat na Jisas bin tok.

Methyu 9:12 Iomraidhean Croise

Ola Saam 147:3

Detlot pipul hu jidan brabli nogudbinji, im meigim olabat jidan gudbinji igin, en im taiyimap olabat sowa garram bendij.

Ola Saam 41:4

Aibin tok, “Aibin dum nogudwan ting langa yu, YAWEI. Yu sori langa mi en meigim mi gudwan.”

Ola Saam 6:2

Yu jidan kain langa mi, YAWEI, dumaji mi wikwan. Meigim mi gudwan igin, YAWEI, dumaji main bodi ardimbat mi.

Jeramaiya 17:14

Wal aibin kipgon tok, “YAWEI, yu pudum yu bingga langa mi en meigim mi strongbala. Yu seibum mi brom main enami, en ai garra jidan seifwan. Dumaji oni langa yu na ai garra preisimbat.

Jeramaiya 30:17

Ai garra meigim yumob jidan brabli gudwan na, en ai garra meigim yumob sowa gudwan igin, nomeda yumob enamimob oldei toktokbat, ‘Saiyan im nomo gudwan. Nobodi nomo wori blanga im.’ Bat mi na YAWEI bin tok dijan.”

Jeramaiya 33:6

Bat bambai ai garra meigim dijan taun en ola pipul jidan gudwan igin. Ai garra shoum olabat hau blanga jidan gudwei en seifwan.

Jeramaiya 8:22

Weya det medisin blanga Giliyad? Eni dokta deya? Wotfo main pipul nomo bin gitbeda?”

Hoseiya 14:4

Wal YAWEI bin tok, “Ai garra bringimbek main ronwan pipul olabat langa mi, en ai garra kipgon laigimbat olabat, en ai kaan wail langa olabat enimo.

Mak Bin Dalim Ola Stori Blanga Jisas 2:17

Wal Jisas bin irrim olabat tok lagijat, en imbin dalim olabat, “Yumob jinggabat na. Det dokta nomo luk ola gudbala pipul. Im luk oni sikbala pipul. En mi lagijat du. Ai nomo bin kaman blanga gudbala pipul. Aibin kaman blanga nogudbala pipul. Blanga diskain nogudbala pipul na aibin kaman blanga dalim olabat blanga bulurrum det gudbalawei.”

Luk Bin Dalim Ola Stori Blanga Jisas Langa Wan Jintail Men 5:31

Wal Jisas bin ensim olabat, “If enibodi gudbala, wal im nomo go langa dokta, dumaji dokta kaan luk gudbala pipul. Im luk oni sikbala pipul.

Luk Bin Dalim Ola Stori Blanga Jisas Langa Wan Jintail Men 8:43

Wal wan olgamen bin deya du garram detlot pipul. Det olgamen bin abum siknis 12 yiya, en imbin oldei lujim loda blad. Bat nobodi bin meigim im gudbala.

Luk Bin Dalim Ola Stori Blanga Jisas Langa Wan Jintail Men 9:11

Wal wen ola pipul bin irrim deibin wandi go langa det taun, deibin gajimap Jisas langa roud, en Jisas bin welkam detlot pipul, en imbin dalimbat olabat blanga det nyubalawei blanga God, en imbin meigim ola sikbala pipul gudbala.

Kaloshans 4:14

Det dokta neim Luk im brabliwan fren blanga wi, en im en det men neim Dimas dubala tok gudei langa yumob du.