Methyu 8:5 - Kriol Baibul

⁵ Brom deya Jisas bin go langa det taun gulum Kapeniyam, en deya na wan Roman boswan solja bin go langa Jisas, en imbin askim im blanga album im.

Methyu 8:5 Iomraidhean Croise

Methyu 11:23

“En ol detlot pipul du langa det taun gulum Kapeniyam, olabat reken dei garra go langa hebin. Bat najing. God garra tjakamdan olabat langa helfaiya. If ola nogudbala pipul langa det taun gulum Sadam bina luk ol detlot klebabala ting weya aibin dum langa Kapeniyam, dei bina tenim miselp brom det nogudbalawei blanga olabat, en God nomo bina binijimap det dubala taun.

Methyu 27:54

Wal det boswan solja en ola najalot solja hubin wotjimbat Jisas, wen deibin filim det graun bin sheik, en deibin luk ebrijing wanim bin hepin, olabat hat bin jamp garram bigiswan frait, en deibin bradin detmatj, en deibin tok, “Trubala dijan im San blanga God!”

Methyu 4:13

Bat im nomo bin jidan langa Nesareth. Imbin go en jidan langa det najawan taun gulum Kapeniyam deya wansaid langa Leik Gelali. Wal det kantri bin blanga Sebyulan en Neftali klen,

Methyu 9:1

Brom deya Jisas en im wekinmen olabat bin gowin langa det bout en deibin gobek najasaid langa Leik Gelali langa im ron taun,

Mak Bin Dalim Ola Stori Blanga Jisas 15:39

Wal det boswan solja hubin jandapbat deya wotjimbat detlot kros bin luk hau Jisas bin dai, en imbin tok, “Trubala dijan im San blanga God!”

Mak Bin Dalim Ola Stori Blanga Jisas 2:1

Fyudeis afta Jisas bin gobek langa det taun gulum Kapeniyam, en wen imbin kamat langa det kemp blanga im, det nyus blanga im bin spredat ebriweya langa det taun,

Eks Hau Det Gudnyus Blanga Jisas Krais Bin Spredat Ebriweya 22:25

en wen deibin taiyimap Pol blanga beldim im, imbin tok langa det boswan solja hubin jandap deya wansaid langa im. Imbin tok, “Yumob nomo lau beldim mi, dumaji mi garram det rait seimwei laik ol yumob Roman pipul, en ai nomo bin abum kotkeis yet.”

Eks Hau Det Gudnyus Blanga Jisas Krais Bin Spredat Ebriweya 23:17

en Pol bin jingat langa wan boswan solja, en imbin dalim im, “Yu deigim dijan yangboi langa det bos blanga ola solja, dumaji im garram wed blanga im.”

Eks Hau Det Gudnyus Blanga Jisas Krais Bin Spredat Ebriweya 23:23

Brom deya det bos blanga ola solja bin jingat langa dubala boswan solja, en imbin dalim dubala, “Yunbala meigim redi 200 solja en 70 hosmen en 200 spiyamen blanga go langa det taun gulum Sesariya, en yumob garra gowei tunait na.

Eks Hau Det Gudnyus Blanga Jisas Krais Bin Spredat Ebriweya 27:13

Bambai na lilwan win bin blo brom sauthwei, en detlot boutmen bin reken imbin rait taim blanga gowei brom deya, en deibin deigimat det roup en eingka, en melabat bin gowei brom deya, en melabat bin ran gulijap langa kous said.

Eks Hau Det Gudnyus Blanga Jisas Krais Bin Spredat Ebriweya 27:31

Bat Pol bin dalim ol detlot solja, “If detlot boutmen ranawei, nomo enijing kaan seibum yumob.”

Eks Hau Det Gudnyus Blanga Jisas Krais Bin Spredat Ebriweya 27:43

Bat det boswan solja bin wandi seibum Pol, en im nomo bin larram olabat kilim ol detlot prisana. Afta na det boswan solja bin dalim ola men hubin sabi swim blanga jampdan brom det bout lida en swim langa beingk,

Eks Hau Det Gudnyus Blanga Jisas Krais Bin Spredat Ebriweya 9:38

Wal det taun gulum Lida nomo bin longwei brom Jopa, en wen detlot bilibamob deya langa Jopa bin irrim Pida bin deya langa Lida, deibin jandim dubala men langa im blanga dalim im blanga kaman kwikbala,