Methyu 8:3 - Kriol Baibul

³ Wal Jisas bin pudumat im bingga, en imbin tatjim det leprasimen, en imbin tok, “Yuwai. Mi wandim. Wal yu gudbala na.” Wal streidawei det siknis bin gowei brom det men,

Methyu 8:3 Iomraidhean Croise

Jenasis 1:3

Brom deya God bin tok, “Lait!” En streidawei det lait bin kamat.

Sekan Kings 5:11

Brom deya Neiman bin gowei en imbin brabli wail en imbin tok, “Aibin reken im garra kamat, lidimap im bingga en jis prei langa YAWEI det God blanga im blanga meigim mi gudbala.

Sekan Kings 5:14

Wal Neiman bin go langa det Jodan Riba. Imbin bogi sebenbala taim jis laik Ilaisha bin dalim im en imbin gudbala igin. Im skin bin strongbala en brabli gudwan jis laik ola biginini.

Ola Saam 33:9

Wen imbin tok dijan wel bin kamat. Wen imbin gibit oda ebrijing bin kamat.

Eksadas 4:7

Afta na YAWEI bin dalim im blanga pudumbek im bingga insaid langa im kout, en Mosis bin pudumbek im bingga insaid langa im kout, en wen imbin deigimat, im bingga bin gobek gudwan na.

Methyu 12:13

Afta na Jisas bin tok langa det men garram kripulwan bingga, “Yu pudumat det kripulwan bingga.” En det men bin duwit langa im, en streidawei det bingga bin gudbala jis laik im najawan bingga.

Mak Bin Dalim Ola Stori Blanga Jisas 1:41

Wal Jisas bin brabli sori blanga det men, en imbin pudum im bingga langa im, en imbin tok, “Yuwai. Mi wandim. Wal yu gudbala na.”

Mak Bin Dalim Ola Stori Blanga Jisas 4:39

Wal Jisas bin gidap, en imbin dalim det win blanga stap, en imbin dalim det woda blanga jidan kwaitbala, en det win bin stap, en detlot weib bin ol jidan kwaitbala.

Mak Bin Dalim Ola Stori Blanga Jisas 5:41

en imbin gajim det lilgel bingga, en imbin tok, “Lilgel, yu gidap!”

Mak Bin Dalim Ola Stori Blanga Jisas 7:34

en imbin lukap langa top, en imbin fil sori blanga det men, en imbin tok langa det men na. Garram im ron langgus imbin tok, “Opinap na.”

Mak Bin Dalim Ola Stori Blanga Jisas 9:25

Wal wen Jisas bin luk detlot pipul bin hipimapbat miselp deya, imbin tok langa det nogudbala spirit, “Yu defwan en damwan spirit, ai dalim yu blanga kamat brom dijan lilboi, en yu kaan kambek langa im enimo!”

Luk Bin Dalim Ola Stori Blanga Jisas Langa Wan Jintail Men 4:27

“En yumob jinggabat du det taim wen det speshalwan mesinja neim Ilaisha bin jidan iya langa dijan kantri Isreil. Loda pipul iya langa dijan kantri bin abum det brabli nogudwan skin siknis langa olabat bodi. Bat God nomo bin dalim det speshalwan mesinja blanga meigim olabat gudbala. Imbin dalim im blanga meigim gudbala det men neim Neiman brom det longweiwan kantri gulum Siriya.” Lagijat na Jisas bin tok.

Luk Bin Dalim Ola Stori Blanga Jisas Langa Wan Jintail Men 5:13

Wal Jisas bin pudumat im bingga, en imbin tatjim det men, en imbin tok, “Yuwai. Mi wandim. En yu gudbala na.” Wal streidawei det siknis bin gowei brom det men,

Luk Bin Dalim Ola Stori Blanga Jisas Langa Wan Jintail Men 7:14

En imbin go en tatjim det stretja garram det bodi, en ol detlot men hubin garrimap det stretja bin stap, en Jisas bin tok, “Yangmen, ai dalim yu. Gidap!”

Jon Bin Dalim Det Gudnyus Blanga Jisas Det San Blanga God 11:43

Afta wen Jisas bin tok lagijat, imbin jingat adbala, “Lesaras! Yu kamat!”

Jon Bin Dalim Det Gudnyus Blanga Jisas Det San Blanga God 5:21

Main Dedi oldei meigim dedbala pipul gidap laibala, en seimwei du ai gin meigim enibodi mi wandim, gidap laibala brom dedbala.