Methyu 8:29 - Kriol Baibul

²⁹ Wal wen det dubala men bin luk Jisas, dubala bin jingat adbala, “Minbala sabi yu det San blanga det brabli haibala God. Wal wanim yu wandim brom minbala? Maitbi yubin kaman blanga panishim minbala bifo det rait taim garra kaman.” Lagijat na dubala bin tok, dumaji bigmob dibuldibul bin jidan insaid langa dubala.

Methyu 8:29 Iomraidhean Croise

Sekan Semyul 16:10

Wal King Deibid bin dalim Ebishai en im braja Jowab, “Yunbala nomo pudum miselp, dumaji yunbala nomo sabi wanim det men dumbat. If YAWEI bin dalim im blanga toktok nogudbalawei langa mi, wal nobodi garram det rait blanga stapam im.” Lagijat na King Deibid bin tok.

Sekan Semyul 19:22

Wal King Deibid bin dalim Ebishai en im braja Jowab, “Nobodi bin askim yunbala blanga tok. Wal wotfo yunbala pudum miselp? Maitbi yunbala wandi meigim trabul blanga mi. Bat ai dalim yunbala. Mi na det king blanga ola Isreil pipul. En nomo eni Isreil pipul garra dai tudei.”

Fes Kings 17:18

Wal det widogel bin tok langa Ilaija na, “Yu speshalwan mesinja blanga God. Wotfo yubin dum dijan ting langa mi? Yubin kaman iya blanga meigim God jinggabat ola nogudbala ting weya aibin dum, en yubin kaman blanga kilim main san?”

Sekan Kings 3:13

Wal Ilaisha bin tok langa det king brom Isreil, “Wotfo ai garra album yu? Yu gin go deya langa detlot speshalwan mesinja blanga yu mami en dedi.” King Joram bin tok, “Nomo. YAWEI na bin bringimap melabat iya wulijim ola Moweb traib garra bidim wi.”

Sekan Kranakuls 35:21

Wal King Neiko bin jandim mesij langa King Josaiya, “Ai nomo wandim fait langa yu, king blanga Juda. Melabat kaan fait langa yu. Bat God bin dalim mi blanga go kwikbala en binijimap main enamimob. God im langa main said, en if yu stapam mi, wal God garra binijimap yu.”

Jowal 3:4

“Wal ol yumob pipul deya langa det dubala taun gulum Taya en Saidan en langa det kantri gulum Filastain, wotfo yumob dum det nogudbala ting lagijat langa mi? Maitbi yumob trai peiyimbek langa mi blanga samting weya aibin dum langa yumob. “If yumob trai peiyimbek langa mi, wal ai garra peiyimbek langa yumob streidawei,

Methyu 4:3

Afta imbin brabli hanggri, en det boswan dibuldibul bin kamat langa im, en imbin stat temtimbat im na. Imbin stat toktok olkainwei langa Jisas, “Yu reken yu San blanga God. Wal yu dalim dijan ston blanga meigim miselp daga blanga yu.”

Methyu 8:30

Wal nomo longwei brom deya bigmob bigibigi bin fidabat,

Mak Bin Dalim Ola Stori Blanga Jisas 1:24

“Jisas brom Nesareth, wotfo yubin kaman iya langa melabat? Yubin kaman blanga binijimap melabat? Ai sabi hu yu. Yu na det Holiwan hubin kaman brom God.”

Mak Bin Dalim Ola Stori Blanga Jisas 3:11

en ol detlot pipul hubin abum nogudbala spirit insaid langa olabat, wen deibin luk Jisas, detlot spirit bin meigim olabat buldan langa im fut, en deibin jingat, “Yu na det San blanga God!”

Mak Bin Dalim Ola Stori Blanga Jisas 5:7

en Jisas bin dalim det nogudbala spirit blanga kamat brom im, en det men bin jingat adbala, “Wanim yu wandim brom mi, Jisas? Ai sabi yu det san blanga det brabli haibala God. Yu meigim pramis langa mi lida langa God nomo blanga ardim mi.” Lagijat na det men bin jingat.

Luk Bin Dalim Ola Stori Blanga Jisas Langa Wan Jintail Men 4:34

“Jisas brom Nesareth, wotfo yubin kaman iya langa melabat? Yubin kaman blanga binijimap melabat? Ai sabi hu yu. Yu na det Holiwan mesinja hubin kaman brom God.”

Luk Bin Dalim Ola Stori Blanga Jisas Langa Wan Jintail Men 4:41

En imbin andimwei loda nogudwan dibuldibul brom insaid langa sambala pipul du, en wen detlot dibuldibul bin kamat brom detlot pipul, detlot dibuldibul bin jingat, “Jisas, yu na det San blanga God!” En Jisas bin dalim olabat blanga jidan kwait, en im nomo bin larram olabat tok, dumaji deibin sabi hu im. Detlot dibuldibul bin sabi im na det Boswan gulum Masaiya.

Luk Bin Dalim Ola Stori Blanga Jisas Langa Wan Jintail Men 8:28

Lodataim detlot pipul langa det taun bin trai en taiyimap det men langa im bingga en langa im fut garram tjein jis laiga prisana. Bat det nogudbala spirit bin oldei wek insaid langa im, en det men bin oldei breigim detlot tjein, en det nogudbala spirit bin oldei deigidawei im langa det bush kantri. Wal wen det men bin luk Jisas, imbin jingat adbala, en imbin buldan langa Jisas fut, en Jisas bin dalim det nogudbala spirit blanga gowei brom det men, en det men bin tok, “Jisas, ai sabi yu det san blanga det brabli haibala God. Wal wanim yu wandim brom mi? Yu pramis mi yu kaan ardim mi.”

Jon Bin Dalim Det Gudnyus Blanga Jisas Det San Blanga God 2:4

Wal Jisas bin tok, “Olgamen, yu nomo wandi dalim mi wanim blanga dum, dumaji det taim blanga mi blanga shoum miselp nomo bin kaman yet.”

Eks Hau Det Gudnyus Blanga Jisas Krais Bin Spredat Ebriweya 16:17

Wal det wekingel bin stat bulurrumbat melabat, en imbin jingat langa enibodi. Imbin tok, “Dislot men iya olabat wekinmen blanga det brabli haibala God, en dei dalimbat yumob hau God garra seibum yumob!”

Jeims 2:19

Wal yumob lisin langa mi na. Im rili gud if yumob tok yumob bilib oni wanbala God im jidan. Bat ola dibuldibul bilib lagijat du, en olabat brabli bradin langa God.

Sekan Pida 2:4

Wal yumob jinggabat ol detlot einjul hubin dum nogudbala ting. God nomo bin larramgo olabat. Nomo. Imbin tjakamdan olabat langa det helfaiya, en imbin taiyimap olabat garram tjein deya langa det brabli dakbala pleis, en deya na dei weidabat blanga det taim weya God garra jadjim olabat.

Jud Det Leda Blanga Gibit Woning Blanga Laiyawan Titja 1:6

En yumob jinggabat detlot einjul hubin wandim go olabat ronwei. Deibin gowei brom det pleis weya God bin dalim olabat blanga jidanbat, en God bin grebum olabat, en imbin taiyimap olabat olagija, en imbin pudum olabat langa det dakbala pleis blanga weidabat det dei wen im garra abum det laswan kotkeis garram ebribodi, en afta im garra panishimbat olabat brabliwei.

Jadjis 11:12

Brom deya Jeftha bin jandim wed langa det king blanga ola Emanait pipul, imbin tok, “Wanim melabat bin dum langa yumob blanga meigim yu jandim ola solja blanga yu blanga fait langa melabat?”