Methyu 8:27 - Kriol Baibul

²⁷ Wal detlot wekinmen bin hatjamp, en deibin bradin du, en deibin askim miselp, “Wotkain men dijan? Imbin dalim win en weib blanga stap, en det win en weib bin duwit langa im!”

Methyu 8:27 Iomraidhean Croise

Methyu 14:33

en ola wekinmen blanga Jisas bin weship langa im en deibin tok, “Trubala yu San blanga God!”

Methyu 15:31

Ola pipul bin luk detlot leimbala pipul wok en detlot kripulwan pipul gudbala, en deibin irrim detlot pipul hu nomo bin toktok stat tok, en deibin luk detlot blainwan pipul bin luk. En wen ola pipul bin luk ol detlot pipul bin gudwan, deibin ol hatjamp en deibin gibit theingks langa det God blanga ola Isreil pipul.

Methyu 8:10

Wal wen Jisas bin lisin det boswan solja tok lagijat imbin hatjamp, en imbin dalim detlot pipul hubin bulurrumbat im, “Trubala ai nomo bin faindim enibodi hu bilib brabliwei lagijat. Nomo enibodi langa dijan kantri Isreil bilib brabliwei lagijat.

Methyu 8:26

Wal Jisas bin dalim detlot wekinmen, “Wotfo yumob nomo bilib langa mi?” Afta na Jisas bin gidap, en imbin dalim det strongbala win en bigbala weib blanga stap, en streidawei det win en weib bin stap, en ebrijing bin jidan kwaitbala na.

Methyu 8:28

Wal Jisas en im wekinmen olabat bin krosim najasaid langa det bigwan woda gulum Leik Gelali, en wen deibin kamat langa det kantri gulum Gedara, dubala men bin midim olabat deya. Det dubala men bin oldei jidanbat langa detlot keib weya deibin oldei pudumbat ola dedbala pipul, en dubala bin abum dibuldibul insaid langa dubala, en nobodi bin oldei yusumbat det roud deya langa det pleis dumaji det dubala men bin brabli jigibala.

Mak Bin Dalim Ola Stori Blanga Jisas 1:27

Wal ol detlot pipul deya bin gida shok, en deibin askim miselp, “Wanim dijan? Im difrinkain ting dijan. Det men im tok garram pawa. Im tok langa nogudbala spirit, en dei duwit langa im.”

Mak Bin Dalim Ola Stori Blanga Jisas 6:51

En imbin galimap langa det bout garram olabat, en det win bin stap na,

Mak Bin Dalim Ola Stori Blanga Jisas 7:37

en ebribodi hubin irrim det nyus bin ol hatjamp brabliwei, en deibin tok, “Im meigim defwan irrim, en im meigim damwan tok gudwei. Im dum ebrijing brabli gudbalawei.”