Methyu 8:17 - Kriol Baibul

¹⁷ Lagijat na Jisas bin dum, dumaji God bin tok im garra dum lagijat na. Longtaim det speshalwan mesinja blanga God neim Aisaiya bin tok langa oltestaman blanga dijan ting. Imbin tok, “Imbin deigimat ola siknis brom wi, en imbin tjakidawei detlot siknis.”

Methyu 8:17 Iomraidhean Croise

Jenasis 22:6

Wal Eibrahem bin deigimat ola faiyawud brom det dongki, en imbin meigim im san Aisik garrimap ola faiyawud, en Eibrahem bin garrimap naif en laibwan tjakol blanga meigim faiya. Brom deya dubala bin stat wok na.

Aisaiya 53:4

“Melabat bin reken God bin panishim im wen imbin abum detlot trabul en pein. Bat najing! Imbin abum detlot trabul en pein blanga melabat.

Methyu 1:22

Wal lagijat imbin hepin langa det yanggel, dumaji God bin tok im garra hepin lagijat na. Longtaim wan speshalwan mesinja blanga God bin tok langa oltestaman blanga dijan ting.

Methyu 2:15

en deya na deibin jidanbat raidap Herod bin dai. Lagijat na imbin hepin, dumaji God bin tok im garra hepin lagijat na. Longtaim wan speshalwan mesinja blanga God bin tok langa oltestaman blanga dijan ting. Imbin tok, “God bin deigidawei det San blanga im brom Ijip.”

Methyu 2:23

en deya na deibin jidanbat langa Nesareth. Lagijat na imbin hepin, dumaji God bin tok im garra hepin lagijat. Longtaim wan speshalwan mesinja blanga God bin tok langa oltestaman blanga dijan ting. Imbin tok, “Dei garra gulum im Nesareth boi.”

Mak Bin Dalim Ola Stori Blanga Jisas 1:32

Afta na wen det san bin godan, deibin bringimap ola sikbala pipul langa Jisas, en deibin bringimap ol detlot pipul hubin abum nogudwan dibuldibul insaid langa olabat du.

Luk Bin Dalim Ola Stori Blanga Jisas Langa Wan Jintail Men 4:40

Wal wen det san bin godan, loda pipul bin bringimap ola sikwan fren blanga olabat langa Jisas, en imbin pudum im bingga langa ol detlot sikbala pipul, en imbin meigim olabat gudbala.

Sekan Karinthiyans 12:10

Yumob sabi? Pipul oldei gibitbat mi trabul dumaji mi dumbat det wek blanga Jisas Krais, en dei oldei gibitbat mi adtaim blanga det wek blanga im, en dei oldei tok nogudbalawei blanga mi, en dei oldei meigim mi jidan wikwan du. Bat nomeda mi oldei abum detkain trabul, bat stil mi oldei gudbinji, dumaji wen mi jidan wikwan garram main ronwan pawa, det taim na mi jidan strongbala garram det pawa blanga God.

Fes Pida 2:24

Wal wen Jisas Krais bin dai langa det kros, imbin garrimap ola nogudbala ting blanga wi langa im ron bodi blanga meigim wi libum det nogudbalawei en jidan gudbalawei.