Methyu 8:13 - Kriol Baibul

¹³ Afta na Jisas bin tok langa det boswan solja, “Yu gobek langa yu kemp na, dumaji yubin bilib langa mi, en ai garra duwit wanim yu wandim.” En wen Jisas bin tok det wed, streidawei det wekinmen blanga det boswan solja bin gudwan.

Methyu 8:13 Iomraidhean Croise

Aklisiyestis 9:7

Orait ai dalim yu. Yu gin oldei dagadagatbat daga en dringgimbat wain gudbinjiwei, dumaji God im wandim yu blanga dum lagijat.

Methyu 15:28

Wal Jisas bin tok, “Olgamen, yu bilib brabliwei! Wal ai garra dum wanim yubin askim mi.” En streidawei wen Jisas bin tok lagijat, det lilgel bin gudwan.

Methyu 17:20

En Jisas bin tok, “Yumob nomo bin bilib brabliwei. Trubala ai dalim yumob. Nomeda yumob bilib lilbit, bat stil yumob gin dum enijing weya ebribodi reken nobodi kaan dum. If yumob bilib lilbit, yumob gin dum bigwan ting.”

Methyu 8:4

en Jisas bin dalim im, “Yu nomo dalim enibodi. Yu go streit langa det serramonimen en shoum miselp langa im. Yu garra larram im luk yu basdam, en afta yu garra abum det serramoni weya God bin gibit langa Mosis blanga meigim yuselp fri wulijim ola pipul garra sabi yu gudwan.” Lagijat na Jisas bin tok.

Methyu 9:22

Wen det olgamen bin tatjim im klos, Jisas bin tenim miselp, en imbin luk det olgamen, en imbin tok, “Olgamen, yu garra gudbinji, dumaji yubin bilib langa mi brabliwei. En yu gudbala na.” En streidawei det olgamen bin gudbala.

Mak Bin Dalim Ola Stori Blanga Jisas 7:29

Wal Jisas bin tok, “Dumaji yubin ensim mi klebawei yu gin gobek langa yu kemp na. Yu doda im rait. Det dibuldibul bin gowei brom im.”

Mak Bin Dalim Ola Stori Blanga Jisas 9:23

Wal Jisas bin dalim det dediwan, “Wal wotabat yu? God gin dum enijing blanga enibodi if dei bilib langa im.”

Jon Bin Dalim Det Gudnyus Blanga Jisas Det San Blanga God 4:50

Wal Jisas bin dalim im, “Yu go na, dumaji yu san im gudbala.” Wal det gabman bos bin bilib det wed blanga Jisas, en imbin gowei.