Methyu 8:11 - Kriol Baibul

¹¹ Ai dalim yumob. Loda pipul brom ola najalot kantri garra go langa hebin en jidan gudbinji garram Eibrahem, Aisik en Jeikob.

Methyu 8:11 Iomraidhean Croise

Jenasis 12:3

En if enibodi tridim yu nogudbalawei, wal ai garra peiyimbek im nogudbalawei. En if enibodi gudbala langa yu, wal ai garra peiyimbek im gudbalawei. En garram yu na ai garra meigim ola traib langa ebri kantri brabli gudbinji.” Lagijat na God bin tok.

Jenasis 22:18

en brom yu biginini olabat ai garra meigim ola najalot traib ebriweya brabli gudbinji. Ai garra dum lagijat dumaji yubin lisin langa mi en yubin dum wanim aibin dalim yu blanga dum.’ Lagijat na God bin tok.”

Jenasis 28:14

Yu garra abum bigismob biginini olabat. Detmatj yu garra abum, en dei garra jidan jis laik sengraun wulijim nobodi kaan kaundimap olabat. Dei garra kamat brom yu, en dei garra spredat ebriweya langa ebri kantri. En ai garra album ola najalot pipul du. Bat ai garra yusum yu en yu biginini olabat blanga album detlot najalot pipul.

Jenasis 49:10

Yu garra jidan bigbala bos, en ola biginini blanga yu garra jidan bigbala bos biyain langa yu du. En ola najalot pipul garra lukbek langa yu, en dei garra lisin langa yu du.

Ola Saam 22:27

Pipul langa ebri kantri garra jinggabat langa YAWEI en dei kaman langa im. Ola traib langa ebri kantri garra weship langa im.

Ola Saam 98:3

Imbin kipum im pramis langa ola Isreil pipul. Imbin rispek en abum det filing blanga laigim im pipul olabat olataim. Pipul brom ebriweya bin luk God bin win garram im pawa.

Aisaiya 11:10

Wal aibin kipgon tok, “Wal det taim im kaminap na wen wanbala biginini blanga Deibid garra jidan sain blanga ola pipul brom ebri kantri blanga kaman mijamet. Olabat garra oldei bulurrumbat wanim im oldei tok, en im ronwan kantri garra jidan brabli haibala.

Aisaiya 49:12

wulijim main pipul olabat garra kambek brom detlot longweiwan kantri langa nowathwei en sangodanwei, en brom det taun gulum Eswan langa sauthwei.”

Aisaiya 49:6

Wal YAWEI bin dalim mi na, “Im nomo naf blanga mi if yu oni jidan main wekinmen. Yu nomo oni garra bringimbek detlot Isreil pipul hu stil jidan laibala. Aibin pudum yu iya blanga shain wulijim lait blanga ola najalot pipul. Yu garra deigim main pawa weya gin seibumbat ebribodi langa dijan wel.”

Aisaiya 52:10

YAWEI garra seibum im pipul olabat garram im strongbala pawa, en ebribodi brom ebri kantri garra luk det brabli strongbala pawa blanga God.

Aisaiya 59:19

Im garra kaman jis laik det fladwoda en det brabli strongbalawan win. En langa det taim na ola pipul brom sanraiswei en brom sangodanwei garra preisim im brabli gudbala neim en shoum rispek langa im.

Jeramaiya 16:19

Wal aibin prei, “YAWEI, oni yu na oldei maindimbat mi en yu oldei meigim mi jidan strongbala. Yu oldei albumbat mi olataim wen ai abum trabul. Pipul brom najalot kantri garra kaman langa yu en tok, ‘Melabat grengrenfathamob oni bin abum laiyinbala drimin. Olabat bin nogudwan.

Denyul 2:44

“Haibala bos, yubin luk hau det ston bin breik brom det bigwan hil wen nobodi nomo bin tatjim, en hau det ston bin hitim en bitsimap det bigwan drimin sheip weya olabat bin meigim brom aiyan en kopa, klei en silba en gol. Bambai det God hu oldei jidan deya langa top garra meigim detlot kantri jidan blanga wanbala king en im kaan neba binij. Najalot king en boswan kaan bidim im, en im garra binijimap olabat, en afta im garra jidan olagijawan. “Wal haibala bos, det haibala God bin dalim yu wanim garra hepin bambai. Aibin dalim yu wanim det drim en det mining, en aibin dalim yu ola trubalawan wed.” Lagijat na Denyul bin tok.

Melakai 1:11

Detlot pipul langa ola najalot kantri brom sanrais raidap sangodan olabat rispek mi. Langa ol detlot kantri na dei bringimap gudsmelwan medisin blanga barnim en dei gibit gudwan sekrifais ofring en mi gudbinji blanga tharran. Detlot pipul na rispek mi.

Methyu 21:41

Wal deibin tok, “Im garra kaman en kilim detlot nogudbala men ded, en im garra gibit det fam langa najalot fama hu garra gibit im det daga brom det fam wen im det rait taim blanga gajimbat daga.”

Methyu 24:31

God bin pikimat sambala pipul langa ebri kantri, en wen det longwan wisul garra jingat adbala, ai garra jandim main einjul olabat ebriweya langa ola kantri blanga gajimbat ol detlot pipul blanga God.

Methyu 8:10

Wal wen Jisas bin lisin det boswan solja tok lagijat imbin hatjamp, en imbin dalim detlot pipul hubin bulurrumbat im, “Trubala ai nomo bin faindim enibodi hu bilib brabliwei lagijat. Nomo enibodi langa dijan kantri Isreil bilib brabliwei lagijat.

Luk Bin Dalim Ola Stori Blanga Jisas Langa Wan Jintail Men 12:37

Detlot wekinmen hu jidanbat weik en weidabat blanga det bos garra kambek, wal olabat na garra gudbinji wen im kambek. “Ai dalim yumob. Wen det bos faindim olabat weidabat blanga im, wal im garra deigimat im kout en dalim olabat blanga jidan, en im garra gibit olabat daga na.

Luk Bin Dalim Ola Stori Blanga Jisas Langa Wan Jintail Men 16:22

“Bambai na det pomen bin dai, en ola einjul bin deigidawei im, en imbin jidan wansaid langa det olmen Eibrahem deya langa det bigwan padi langa hebin. “Afta na det ritjmen bin dai, en deibin berrim im,

Eks Hau Det Gudnyus Blanga Jisas Krais Bin Spredat Ebriweya 10:45

en det Holi Spirit bin meigim olabat tok garram olkain langgus, en deibin preisimbat God du. Wal detlot Juwish bilibamob hubin kaman brom Jopa garram Pida bin ol hatjamp wen deibin luk wanim bin hepin, dumaji God bin gibit im Holi Spirit langa detlot Jintail pipul. Wal Pida bin dalim detlot Juwish bilibamob.

Eks Hau Det Gudnyus Blanga Jisas Krais Bin Spredat Ebriweya 11:18

Wal wen detlot mishanri bin irrim det wed, dei nomo bin tok adbalawei langa Pida na. Deibin preisim God, en deibin tok, “Trubala God bin gibit detlot Jintail pipul tjens blanga tenim miselp brom olabat nogudbalawei en jidan laibala.”

Eks Hau Det Gudnyus Blanga Jisas Krais Bin Spredat Ebriweya 14:22

En dubala bin tok langa ola bilibamob langa detlot thribala taun blanga meigim olabat bilib langa Jisas mowa strongbalawei. En dubala bin meigim olabat gudbinji, en dubala bin tok, “If wi wandi go langa det gudbala pleis, wal wi garra abum loda trabul iya langa dijan laif.”

Eks Hau Det Gudnyus Blanga Jisas Krais Bin Spredat Ebriweya 14:27

Wal wen dubala bin kamat langa det taun, dubala bin midap garram ola bilibamob, en dubala bin dalim olabat ebrijing weya God bin dumbat garram dubala, en dubala bin dalim olabat hau God bin gibit im wed langa ola Jintail pipul en hau imbin meigim olabat bilib langa det wed.

Fes Karinthiyans 15:20

Bat ai dalim yumob. Trubala Jisas Krais bin gidap laibala brom dedbala. Im na det feswan hubin gidap laibala brom dedbala, en ola dedbala Kristjan pipul garra bulurrum im biyain en gidap du.

Fes Karinthiyans 6:9

Yumob sabi detlot pipul hu kipgon dumbat nogudbala ting kaan go langa hebin. Ol detlot pipul hu oldei weship langa olkain drimin sheip, en detlot pipul hu oldei silipsilip gija, en detlot pipul hu oldei silip garram merrit pipul, en detlot men hu oldei silip gija, en detlot stilinbala, en detlot pipul hu oldei jidan gridibala, en detlot pipul hu oldei jidan drangginbala, en detlot pipul hu oldei tokabat najalot pipul, wal ol detkain pipul na kaan go langa hebin. En yumob nomo wandi larram enibodi dalim yumob difrin wed.

Ifishans 3:6

Wal God garra dum det plen blanga im garram det gudnyus, en thru det gudnyus na ola Jintail pipul garra gedim ebrijing weya God gibit langa ola Juwish pipul, en God garra joinimap Jintail pipul garram Juwish pipul en meigim olabat wanbala, en det pramis weya God bin meigim langa ola Juwish pipul garra go langa ola Jintail pipul du, dumaji olabat joinap garram Jisas Krais.

Kaloshans 3:11

Yu si? God bin meigim wi laik im, en blanga tharran na ola Kristjan pipul jidan lebul. Nomeda wi Juwish pipul o Jintail pipul, bat stil wi ol jidan lebul. En nomeda wibin sekamsais o wi nomo bin sekamsais, bat stil wi ol jidan lebul. En nomeda wi streinja pipul brom longwei kantri o maiyal pipul hu nomo sabi enijing o wekinmen hu jidan laiga prisana o wekinmen hu jidan fri, bat stil wi ol jidan lebul, dumaji nobodi haibala. Oni Jisas Krais im haibala. En im na jidan insaid langa wi holot.

Sekan Thesaloniyans 1:5

Wal detlot ting weya hepin langa yumob, dei shoum wi God garra gibit feyago langa ebribodi wen im garra kaman en abum det laswan kotkeis garram ebribodi. En wen im kaman, im garra dalim yumob blanga kaman en jidan garram im, dumaji nomeda yumob bin abum loda trabul wen yumob bin bulurrum im, bat stil yumob nomo bin slekbek.

Rebaleishan 7:6

12,000 brom det Esha klen, 12,000 brom det Neftali klen, 12,000 brom det Manesa klen,