Methyu 7:24 - Kriol Baibul

²⁴ “Wal yumob irrim mi na. If enibodi kaman langa mi, en im lisin langa main wed, en im duwit langa det wed, wal im jis laik det men hubin bildimap im haus langa gudwan rokibala pleis brabli gudwei.

Methyu 7:24 Iomraidhean Croise

Job Wotfo Gudbala Pipul Abum Trabul? 28:28

God bin dalim langa wi, ‘If yu rispek langa mi, wal yu garra sabi main trubalawei en yu garra libum det nogudbalawei.’ ”

Ola Saam 111:10

Yu garra abum rispek langa YAWEI basdam blanga jidan sabibala, en im garra gibit ol detlot pipul hu teiknodis langa im lowa gudbala main blanga jinggabat raitwei. Pipul garra oldei kipgon preisimbat im olagijawan.

Ola Saam 119:130

YAWEI, yu wed im shoum pipul wanim blanga dum jis laiga lait langa dakbala pleis. Im meigim pipul sabi ebrijing brabliwei.

Ola Saam 119:99

YAWEI, ai sabi mowa den main titja olabat, dumaji mi jinggabat wanim yu oldei titjimbat mi.

Prabebs 10:25

Brabli strongbala rein garra kaman en blowimwei detlot nogudbala pipul, bat detlot gudbala pipul garra oldei jidan langa seifwan pleis.

Prabebs 10:8

Det sabibala men oldei duwit langa ola gudwan wed, bat detlot pipul hu toktok silibalawei garra ol binijap.

Prabebs 12:7

Ol detlot wikitwan pipul oldei daidaibat en dei nomo libum eni femili biyain, bat detlot gudbala men femili kipgon jidanbat laibala.

Prabebs 14:8

Klebabala pipul oldei sabi wanim blanga dum, but silibala pipul reken dei sabi ebrijing, bat najing.

Methyu 12:50

Ai dalim yumob. If enibodi dum wanim main Dedi langa hebin wandim im blanga dum, wal im na main femili.”

Methyu 16:18

Trubala ai dalim yu, Pida. Yu jidan jis laiga rok, en ai garra bildimap main tjetj langa det rok na, en nomo enijing kaan binijimap main tjetj. Seitin kaan binijimap main pipul olabat. En nomeda olabat dai, bat stil dei kaan binij.

Methyu 24:45

“Yumob jinggabat na. Wotkain wekinmen im gudwan en klebawan? Wen det bos blanga det haus gowei, im pikimat wanbala wekinmen blanga jidan bos langa ola najalot wekinmen en blanga lukaftum olabat,

Methyu 25:2

Wal faibala gel bin siliwan, en faibala gel bin klebabalawan.

Methyu 25:4

Detlot klebabalawan gel bin deigim blendibala speyawan oil blanga olabat lemp.

Methyu 25:9

Wal detlot klebabalawan gel bin tok, ‘Nomo. Melabat nomo garra naf blanga gibit langa yumob. Yumob go langa shop en baiyim yumob ron oil.’

Methyu 7:25

Wen det win en rein en det fladwoda bin kaman, dei nomo bin deigidawei det haus, dumaji det men bin bildimap det haus brabli strongbala langa det rokibala pleis.

Methyu 7:26

Bat detlot pipul hu irrim main wed, en dei nomo duwit, olabat jis laik det najawan men hubin bildimap im haus eniwei langa sengraun.

Luk Bin Dalim Ola Stori Blanga Jisas Langa Wan Jintail Men 11:28

Wal Jisas bin tok, “Trubala tharran yubin tok. Bat detlot pipul hu irrim det wed blanga God en duwit, olabat na brabli lakiwan.”

Jon Bin Dalim Det Gudnyus Blanga Jisas Det San Blanga God 13:17

“Wal yumob sabi na. En if yumob dum lagijat, wal yumob garra brabli gudbinji.

Jon Bin Dalim Det Gudnyus Blanga Jisas Det San Blanga God 14:15

If yumob laigim mi brabliwei, wal yumob garra duwit langa ol detlot wed main,

Jon Bin Dalim Det Gudnyus Blanga Jisas Det San Blanga God 15:10

Ai nomo bin stapam main Dedi brom laigimbat mi, dumaji aibin oldei duwit langa detlot wed weya imbin gibit mi. En im seimwei du langa yumob. If yumob duwit langa main wed olabat, wal yumob kaan stapam mi brom laigimbat yumob.

Jon Bin Dalim Det Gudnyus Blanga Jisas Det San Blanga God 15:14

En if yumob dum wanim aibin dalim yumob blanga dum, wal yumob na main fren olabat.

Romans 2:13

Yu si? Nobodi kaan jidan raitwei langa God jis brom irrimbat det lowa. Nomo. Detlot pipul hu dum wanim det lowa tok garra jidan raitwei langa God.

Fes Jon 2:3

Wal wi garra dum ebrijing weya God bin dalim wi blanga dum. En wen wi dum, tharran na shoum wi trubala wi sabi God.