Methyu 7:19 - Kriol Baibul

¹⁹ En detlot fama oldei kadimdan ol detlot tri weya nomo growimap gudwan daga, en dei oldei tjakam detlot tri langa faiya.

Methyu 7:19 Iomraidhean Croise

Aisaiya 27:11

Wen detlot wadi blanga detlot tri garra buldan langa graun, detlot wuman garra gajim detlot wadi en tjakambat langa faiya. Dumaji detlot pipul brabli granggibala, God hubin meigim olabat, kaan neba kain langa olabat igin.

Denyul 4:14

En imbin tok adbala, ‘Kadimdan det tri, en kadimof ola bushis. Deigimat ola lif, en tjakidawei ola frut daga. Andimwei ola enimul brom andanith langa det tri, en ola bard brom detlot bushis.

Methyu 3:10

Ai sabi yumob jis laiga nogudwan tri. Wal God garram im tomiyauk redi blanga kadimdan detlot nogudwan tri weya nomo meigim gudbala daga. Im garra rudimat ola nogudwan en tjakidawei olabat en barnimap olabat langa faiya.

Luk Bin Dalim Ola Stori Blanga Jisas Langa Wan Jintail Men 3:9

Ai sabi yumob. Yumob jis laiga nogudwan tri. Bat God garram det tomiyauk redibala blanga kadimdan ola nogudwan tri weya nomo meigim gudbala daga, en im garra rudimat detlot tri en tjakidawei olabat en barnimap olabat langa faiya.” Lagijat na Jon bin tok.

Hibrus 6:8

Bat wen enibodi bilib langa Jisas, en afta im tenim miselp brom im, wal im jis laik det graun weya bin growimap ola bindiyai en rabishwan gras. Det graun im nogudwan, en im meigim det fama nogudbinji, en bambai det fama garra barnimap det graun. Yu si? Wen enibodi bilib langa God, im meigim God gudbinji. Bat if im tenawei brom God, wal im meigim God nogudbinji, en bambai God garra barnimap im.

Jud Det Leda Blanga Gibit Woning Blanga Laiyawan Titja 1:12

Wal wen yumob Kristjan pipul majurrumap miselp wanmob blanga dagadagat daga, en wen detlot nogudbala pipul kaman deya langa yumob, dei meigim det sebis nogudwan, en dei oni jinggabat olabat ronselp olataim. Wal detlot pipul jidan emtiwan insaid nomo garram gudwan spirit. Dei jis laik laitwan klaud nomo garram eni rein weya det win kipgon blowimbat det klaud ebriweya. Dei jis laik tri weya im nomo garram eni daga. Dei jis laik draiwan tri weya deibin pulumat brom graun.