Methyu 7:1 - Kriol Baibul

^1-2 “Wal yumob irrim mi na. Yu nomo wandi faindim eni folt langa enibodi blanga enijing, dumaji God garra tridim yu seimwei laik yu tridim najalot pipul. If yu faindim eni folt langa enibodi, wal God garra faindim folt langa yu du. En if yu pudum bleim langa enibodi, wal God garra pudum bleim langa yu du.

Methyu 7:1 Iomraidhean Croise

Aisaiya 66:5

If yumob sheiksheik wen YAWEI tok, yumob garra irrim langa im gudwei. Im tok, “Sambala yumob ronwan pipul nomo laigim yumob en olabat gibit bekboun langa yumob, dumaji yumob laigim en jidan trubala langa mi. Olabat oldei meigimbat fan blanga yumob en dei oldei tok ‘Larram YAWEI shoum im pawa. Larram wi luk im meigim olabat jidan brabli hepiwan.’ Bat detlot pipul hu tok ol dislot ting garra sheim miselp brabliwei.” Lagijat na YAWEI bin tok.

Methyu 7:5

En if yu trai en deigimat det lilwan wadi brom yu braja ai, wal yu brabli granggibala. Yu si? Yu garra deigimat det bigwan wadi brom yu ron ai basdam, en afta yu gin luk gudwei, en yu gin deigimat det lilwan wadi brom yu braja ai na. Yu sabi na? Yu garra streitinimap yu ron laif basdam, en afta yu gin go en album yu braja streitinimap im laif.

Luk Bin Dalim Ola Stori Blanga Jisas Langa Wan Jintail Men 6:37

“Wal yu nomo wandi faindim folt langa enibodi wulijim God kaan faindim folt langa yu, en yu nomo wandim pudum bleim langa enibodi wulijim God kaan pudum bleim langa yu. Yu garra larramgo enibodi fri wulijim God garra larramgo yu fri du.

Luk Bin Dalim Ola Stori Blanga Jisas Langa Wan Jintail Men 6:41

“Yumob irrim mi na. If yu braja abum lilwan samting langa im ai, wal yu kaan go en deigimat det ting wen yu garram bigwan ting langa yu ron ai.

Jon Bin Dalim Det Gudnyus Blanga Jisas Det San Blanga God 8:7

en detlot lowamen en serramonimen bin kipgon askimbat im, en afta imbin jandap, en imbin dalim olabat, “If enibodi brom yumob nomo bin dum eni nogudbala ting, wal im garra tjakam det feswan ston langa dijan gel.” Lagijat na Jisas bin tok,

Jeims 3:1

Wal main braja en sista olabat, yumob jinggabat detlot titja hu oldei titjimbat God wed langa ola pipul. God garra jadjim detlot titja brabli strongbalawei, en blanga tharran na oni sambala pipul garra jidan titja. Ebribodi oldei meigim misteik. If wi nomo tok eni nogudbala ting wi gin hendulum miselp brabli gudbalawei.