Methyu 6:9 - Kriol Baibul

⁹ “Wen yu prei, yu garra tok lagijat. ‘Dedi langa hebin, yu neim im brabli haibala, en melabat nomo wandim enibodi garra yusum yu neim nogudbalawei.

Methyu 6:9 Iomraidhean Croise

Sekan Semyul 7:26

En wen yu dum, det neim blanga yu garra jidan brabli haibala, en ola pipul garra oldei tok, ‘YAWEI det boswan God im na det God blanga ola Isreil pipul.’ Lagijat na dei garra tok. En yu garra meigim det femili lain blanga main kipgon jidanbat king olagijawan.

Fes Kings 8:43

yu lisin langa olabat preya. En langa hebin weya yu jidan, lisin langa olabat en yu dum wanim olabat askim yu blanga dum, wulijim ola pipul langa dijan wel garra sabi yu en dei garra duwit langa yu du, laik ola Isreil pipul blanga yu oldei dum. En dei garra sabi dijan Serramoni Pleis weya aibin bildimap, im det pleis weya dei garra weshipbat yu.

Fes Kranakuls 17:24

En wen yu dum, det neim blanga yu garra jidan brabli haibala, en ola pipul garra oldei tok lagijat. Dei garra tok, ‘YAWEI det boswan God en im na det God blanga ola Isreil pipul.’ Lagijat na dei garra tok. En yu garra meigim det femili lain blanga main kipgon jidanbat king olagijawan.

Sekan Kranakuls 20:6

en imbin prei adbala na, “YAWEI, yu na bin det boswan blanga melabat grengrenfathamob, en brom hebin yu na oldei hendulum ola pipul langa dijan wel. Oni yu na garram detmatj pawa en nobodi kaan bidim yu,

Niyamaiya 9:5

Afta na dislot serramonimen bin tok langa ola pipul, Jeshuwa, Kedmiyel, Bani, Hashabaneiya, Sherebaiya, Hodaiya, Shebanaiya en Pethahiya. Deibin tok, “Jandap en preisim YAWEI det trubala God blanga wi. Preisim im olagijawan! Ola pipul garra preisim wi speshalwan God. Im brabli haibala. Wi kaan sabi hau blanga preisim im brabliwei.”

Ola Saam 111:9

Imbin baiyimbek im pipul olabat, en imbin meigim det olagijawan brabli strongwan pramis garram olabat. Im na det holiwan en det haibalawan God.

Ola Saam 115:3

Blanga melabat God im jidan langa hebin. Im gin dum enijing im wandim blanga dum.

Ola Saam 72:18

Preisim YAWEI det God blanga Isreil! Oni im na oldei dumbat ola gudwan ting.

Aisaiya 37:20

Bat YAWEI, yu na God blanga melabat. Wal melabat askim yu blanga kipum melabat seifwan brom det Asiriya king, wulijim ebribodi brom ebri kantri langa dijan wel garra sabi oni yu na YAWEI det trubala God.” Lagijat na King Hesakaiya bin prei.

Aisaiya 57:15

“Mi na det holiwan God, en ai jidan langa hebin olagijawan. Nomeda ai jidan iya langa top langa dijan holiwan pleis, mi iya du blanga album detlot pipul hu oldei jidan lobala, en hu oldei trastimbat oni langa mi.

Aisaiya 6:3

en olabat bin oldei jinginatbat gija, ‘Holi, holi, holi! YAWEI im det boswan God. Im garram mowa pawa langa enijing langa dijan wel.’

Aisaiya 63:16

Melabat grengrenfatha Eibrahem en Jeikob nomo bin sabi melabat. Bat yu stil jidan dedi blanga melabat. Yubin oldei seibum melabat brom longtaim.

Aisaiya 64:8

“YAWEI, yu na jidan melabat dedi. Melabat jis laik det klei, en yu na bin meigim melabat.

Aisaiya 66:1

Wal YAWEI bin tok, “Wal ai jidan langa hebin en ai pudum main fut langa dijan graun. Wotkainaba haus yu garra bildimap blanga main blanga jidan?

Isikiyel 36:23

en wen ai garra dum dijan ai garra shoum detlot pipul brom najalot kantri mi brabli holiwan wulijim olabat garra sabi mi na YAWEI bin tok dijan.

Isikiyel 38:23

Ai garra dum ol dislot ting blanga meigim pipul sabi mi na YAWEI en mi na det brabli holiwan God.”

Labidakas 10:3

En Mosis bin tok langa Eran, “Dijan na wanim YAWEI bin tok, ‘Ol detlot hu wek blanga mi garra rispek mi, en ai garra shoum olabat det brabli strongbala pawa blanga main langa ol main pipul olabat.’ ” Bat Eran bin jidanbat brabli kwaitbala.

Hebakak 2:14

Jis laiga woda weya im bilimap det solwoda, wal ebri kantri du garra abum detmatj pipul hu sabi en rispek mi na.

Sekaraiya 14:9

YAWEI garra jidan king blanga ola kantri. Langa det taim na ebribodi garra weship YAWEI en dei garra sabi im garram det seimwan neim.

Melakai 1:11

Detlot pipul langa ola najalot kantri brom sanrais raidap sangodan olabat rispek mi. Langa ol detlot kantri na dei bringimap gudsmelwan medisin blanga barnim en dei gibit gudwan sekrifais ofring en mi gudbinji blanga tharran. Detlot pipul na rispek mi.

Methyu 10:29

“Yumob sabi ol detlot lilwan bard nomo diyawan dumaji yumob gin baiyim dubala blanga lilwan prais. Bat if God nomo larram olabat dai, wal olabat kaan dai.

Methyu 23:9

Lagijat igin yumob kaan gulum enibodi iya langa graun ‘Dedi’, dumaji yumob garram oni wanbala Dedi, en im langa hebin.

Methyu 26:29

Ai dalim yumob. Ai kaan dringgim dijan wain garram yumob enimo. Bat wen main Dedi jandimbek mi, en ai jidan boswan brabliwei, det taim na ai garra dringgim det wain nyubalawei.”

Methyu 26:42

Brom deya Jisas bin libum olabat, en imbin gobek en prei igin, “Main Dedi, if yu kaan deigidawei dijan trabul brom mi, wal ai garra duwit, dumaji yu wandim mi garra duwit.”

Methyu 5:16

En im lagijat na langa yu laif du. Yu garra jidan gudbalawei, en wen ola pipul luk langa yu, dei garra luk ola gudbala ting weya yu oldei dumbat, en dei garra gibit theingks langa wi Dedi langa hebin.”

Methyu 5:48

“Yumob sabi? Det Dedi blanga wi langa hebin im brabli gudbala, en wi garra jidan brabli gudbala seimwei laik im.”

Methyu 6:14

en if yu larramgo fri enibodi hu dumbat nogudbala ting langa yu, wal wi Dedi langa hebin garra larramgo yu fri du.

Methyu 6:6

“Wen yu prei, yu garra go insaid langa yu ronwan haus, en yu garra jadimap det dowa weya nobodi kaan luk yu, en deya na yu garra abum preya langa wi Dedi langa hebin. Nobodi kaan luk im. Bat im luk yu, en im na garra gibit prais langa yu.

Methyu 7:11

Yu sabi na? Nomeda yu nogudbala, bat stil yu sabi blanga gibit gudbala ting langa yumob biginini olabat. En wi sabi wi Dedi langa hebin im gudbala, en im oldei gibit gudbala ting langa detlot pipul hu askim im.

Luk Bin Dalim Ola Stori Blanga Jisas Langa Wan Jintail Men 15:18

Wal ai lafta gobek langa main dedi en dalim im, “Dedi, aibin dum nogudbala ting langa God en langa yu.

Luk Bin Dalim Ola Stori Blanga Jisas Langa Wan Jintail Men 15:21

“Wal det san bin tok, ‘Dedi, aibin dum nogudbala ting langa God en langa yu. Mi nomo gudbala. Mi nogudbala. En yu kaan gulum mi san na.’

Luk Bin Dalim Ola Stori Blanga Jisas Langa Wan Jintail Men 2:14

“God im nambawan! Oni im na det brabli haibalawan langa hebin. En im na garra meigim yumob jidan gudbalawei, dumaji im laigim yumob. Im garra meigim ol detlot pipul weya im laigim garra jidan gudwei.” Lagijat na detlot einjul bin jingat, en afta deibin ol gobek langa hebin.

Jon Bin Dalim Det Gudnyus Blanga Jisas Det San Blanga God 20:17

Wal Jisas bin dalim Meri, “Nomo holdim mi, dumaji ai nomo bin gobek langa main Dedi langa top. Bat yu gobek en dalim main braja en sista olabat ai garra gobek langa main Dedi. En yu dalim olabat main Dedi im blanga yumob Dedi du, en main God im blanga yumob God du.”

Romans 1:7

En blanga tharran na mi raidimbat dijan leda langa yumob, dumaji God im brabli laigim yumob, en imbin jingat langa yumob blanga jidan im ronwan pipul olabat. Wal ai wandim God det Dedi blanga wi, en Jisas Krais det Bos blanga wi garra kain langa yumob, en meigim yumob jidan brabli gudbalawei.

Galeishans 1:1

Orait, mi na Pol, en mi jidan speshalwan mishanri. Bat mi nomo speshalwan mishanri dumaji men bin pikimat mi. Nomo. Nobodi bin meigim mi jidan speshalwan mishanri. Oni Jisas Krais en God det Dedi blanga wi hubin meigim im gidap laibala brom dedbala bin meigim mi jidan speshalwan mishanri.

Galeishans 4:6

Wal God bin jandim det Holi Spirit blanga im San blanga jidan insaid langa wi hat, dumaji wi biginini blanga God du, en det Holi Spirit na meigim wi gulum God, “Dedi.”

Fes Timathi 6:16

Nobodi jidan laibala olagijawan en nomo dai. Oni im na. En im jidan langa det lait weya nobodi kaan luk. Nobodi bin luk God bifo, en nobodi kaan neba luk im. Wal wi garra oldei preisim en rispek langa im olagijawan, en ola pawa garra jidan garram im na olagijawan du. Trubala dijan mi dalim yu.

Fes Pida 1:17

Wal nomeda yumob oldei gulum God dedi wen yumob prei langa im, bat stil yumob sabi God garra jadjim ebribodi, en yumob sabi im garra jadjim ebribodi seimwei, en im garra peiyimbek ebribodi seimwei blanga ol detlot ting weya deibin dumbat. Yumob sabi? God garra jadjim ebribodi. En blanga tharran na yumob garra jidanbat iya langa dijan kantri jis laik yumob nomo blanga dijan kantri,

Rebaleishan 4:11

“Yu na Bos blanga melabat en God blanga melabat. Nobodi kaan jidan brabli haibala garram pawa. Oni yu na jidan brabli haibala garram pawa. Oni yu na melabat gin rispek. Oni yu na melabat gin gulum Bos. Dumaji yu na bin meigim ebrijing. Yu na bin gibit laif langa ebrijing, dumaji yubin wandi gibit olabat laif.” Lagijat na detlot olmen bin oldei tok.

Rebaleishan 5:12

Wal aibin lisin olabat sing brabli adbala na, Praise “Det Yangwan Ship hubin dai, oni im na garram pawa. En im brabli ritjwan du. Im brabli sabibala en im strongbala detmatj. Wi kaan rispek langa enibodi. Wi kaan preisim enibodi, najing. Oni im na. Im na wi garra meigim haibala.” Lagijat na detlot einjul bin sing.