Methyu 6:6 - Kriol Baibul

⁶ “Wen yu prei, yu garra go insaid langa yu ronwan haus, en yu garra jadimap det dowa weya nobodi kaan luk yu, en deya na yu garra abum preya langa wi Dedi langa hebin. Nobodi kaan luk im. Bat im luk yu, en im na garra gibit prais langa yu.

Methyu 6:6 Iomraidhean Croise

Sekan Kings 4:33

Imbin jadimap det dowa en imbin prei langa YAWEI.

Ola Saam 34:15

YAWEI oldei lukaftumbat detlot pipul hu bulurrum im. En wen dei jingat langa im, im oldei irrim.

Prabebs 25:22

dumaji wen yu dum lagijat langa im yu garra meigim im sheim, en YAWEI det trubala God garra gibit yu gudbala ting.

Aisaiya 26:20

“Main pipul olabat, yumob gobek langa yumob ronwan haus, en lokimap miselp insaid. Yumob blandim miselp raidap God garra stap wailwail langa ebribodi.

Aisaiya 65:24

Ai garra oldei ensim olabat preya bifo olabat binij preipreibat.

Methyu 14:23

Afta na wen imbin jandimwei ol detlot pipul, imbin gowap ontop langa wan hil miselp blanga prei, en wen imbin sangodan, imbin jidan miselp langa det hil.

Methyu 6:4

Oni yunbala det powan sambodi garra sabi yubin dum det gudbala ting, en wen det Dedi blanga wi langa hebin garra luk wanim yubin dum, im na garra gibit prais langa yu.”

Jon Bin Dalim Det Gudnyus Blanga Jisas Det San Blanga God 1:48

Wal Nathenyul bin askim Jisas na, “Hau yu sabi mi?” En Jisas bin tok, “Aibin luk yu deya wansaid langa det figtri bifo Filip bin jingat langa yu.”

Jon Bin Dalim Det Gudnyus Blanga Jisas Det San Blanga God 20:17

Wal Jisas bin dalim Meri, “Nomo holdim mi, dumaji ai nomo bin gobek langa main Dedi langa top. Bat yu gobek en dalim main braja en sista olabat ai garra gobek langa main Dedi. En yu dalim olabat main Dedi im blanga yumob Dedi du, en main God im blanga yumob God du.”

Eks Hau Det Gudnyus Blanga Jisas Krais Bin Spredat Ebriweya 10:30

Wal Koniliyas bin tok, “Fodeisago lagijat taim aibin prei langa main kemp, en wan men garram brabli shainiwan klos bin jandap lida langa mi,

Eks Hau Det Gudnyus Blanga Jisas Krais Bin Spredat Ebriweya 10:9

Wal neksdei bifo detlot thribala men bin kamat langa Jopa, Pida bin gowap ontop langa det haus dinataim blanga prei,

Eks Hau Det Gudnyus Blanga Jisas Krais Bin Spredat Ebriweya 9:40

Wal Pida bin jandim ol detlot pipul atsaid brom det rum, en imbin nildan, en imbin prei langa God, en afta imbin tok langa det dedbala wuman, “Tebatha, yu gidap.” En det wuman bin opinim im ai dubala, en wen imbin luk Pida, imbin gidap en jidan,

Romans 8:5

Wal ol wi pipul hu bulurrum det Holi Spirit oldei jinggabat langa wi main wanim det Holi Spirit wandim, en det Holi Spirit gibit wi laif en meigim wi jidan gudbalawei, dumaji im jidan Bos blanga wi. Bat detlot pipul hu bulurrum det ronwan filing blanga olabat oldei jinggabat langa olabat main wanim det filing blanga olabat wandim, en det nogudbala filing blanga olabat garra meigim olabat dai, dumaji det nogudbala filing jidan bos blanga olabat main,

Ifishans 3:14

Wal mi oldei prei langa wi Dedi blanga yumob, dumaji imbin joinimap yumob garram Jisas Krais,