Methyu 6:5 - Kriol Baibul

⁵ “Wal wen yu prei, yu nomo wandi prei seimwei laik ol detlot tufeis pipul oldei dum. Dei oldei jandap en prei adbala deya langa det miting pleis en eniweya langa roud, dumaji dei wandim ebribodi garra luk langa olabat en preisim olabat. Ai dalim yumob. Deibin gedim olabat prais olredi brom detlot pipul hubin preisimbat olabat.

Methyu 6:5 Iomraidhean Croise

Ola Saam 5:2

Irrim mi wen mi jingat langa yu blanga album mi, dumaji mi prei langa yu main God en main king.

Ola Saam 55:17

Ailibala, dinataim en naitaim, mi jingat en toktok langa im blanga main trabul en pein, en im garra irrim mi.

Prabebs 15:8

YAWEI nomo laigim detlot ofring weya detlot nogudbala pipul oldei gibitbat, bat im oldei gudbinji langa detlot trubala pipul weya oldei preipreibat.

Prabebs 16:5

YAWEI nomo laigim detlot pipul hu oldei jidan praudbalawei, en olabat garra abum panishmen.

Aisaiya 1:15

“ ‘Nomeda haumatj yumob preipreibat langa mi, ai kaan lisin langa yumob, dumaji yumob bingga jidan garram detmatj blad brom detlot sekrifais.

Jeramaiya 29:12

Wen yumob garra jingat en prei langa mi, wal ai garra ensim yumob.

Denyul 6:10

Wal wen Denyul bin irrim imbin pudum im mak langa det strongbala oda, imbin gobek langa im kemp. Langa im rum det windo bin feising langa Jerusalemwei. Deya na weya imbin oldei prei langa det opinwan windo, imbin nildan en prei langa God. Imbin dum laigijat 3 taim ebridei.

Methyu 21:22

If yu bilib brabliwei langa God, wen yu prei en askim im blanga enijing, im garra gibit yu.”

Methyu 23:13

Brom deya Jisas bin tok langa detlot lowamen en detlot serramonimen gulum Ferasi, “Im garra brabli nogud blanga ol yumob lowamen en serramonimen, dumaji yumob tufeis. Yumob sabi det wei blanga God. Bat yumob nomo bulurrum det wei, en yumob nomo larram ola najalot pipul bulurrum det wei du. Im jis laik yumob jadimap det dowa en nomo larram enibodi gowin, en yumob nomo gowin du.

Methyu 23:5

Dei oldei dum olkain ting atsaidwei blanga meigim ola pipul luk langa olabat. Dei oldei werrimbat bigwan hetben en amben garram baibul wed blanga meigim ola pipul teiknodis langa olabat, en dei oldei werrimbat det speshalwan longwan kout blanga meigim miselp haibala,

Methyu 23:6

en dei oldei pikimat ola gudwan tjeya blanga jidan langa det Juwish Miting Pleis en langa bigwan padi,

Methyu 6:1

“Wal wen yu dumbat eni gudbala ting dumaji yu bulurrum God, yu kaan dumbat opinwei blanga meigim ola pipul preisim yu. If yu dumbat gudbala ting blanga meigim olabat tok gudbalawei blanga yu, en yu laigim miselp, wal det Dedi blanga wi langa hebin kaan gibit yu prais blanga tharran.

Methyu 6:16

“Wal wen yu prei en abum det serramoni weya yu nomo dagadagat daga, yu nomo wandi meigim miselp luk nogudbinji seimwei laik ol detlot tufeis pipul oldei dum. Dei oldei meigim miselp luk nogudbinji, dumaji dei wandim ebribodi garra sabi dei abum det serramoni, en dei wandim ebribodi garra preisim olabat. Ai dalim yumob, deibin gedim olabat prais olredi brom detlot pipul hubin preisimbat olabat.

Methyu 6:2

“If yu gibit enijing langa po pipul, wal yu kaan jingat langa ebribodi seimwei laik ol detlot tufeis pipul oldei dum. Dei oldei jingat langa enibodi langa det miting pleis en eniweya langa roud, en dei oldei dalimbat olabat blanga meigim olabat preisim olabat. Ai dalim yumob. Deibin gedim olabat prais olredi brom detlot pipul hubin preisimbat olabat.

Methyu 9:38

Wal yumob garra askimbat God blanga jandim bigmob wekinmen blanga dalimbat olabat.” Lagijat na Jisas bin tok.

Mak Bin Dalim Ola Stori Blanga Jisas 11:25

En if enibodi bin dum enijing langa yumob blanga meigim yumob abum bedfiling langa im, wal wen yumob prei, yumob garra libum det ting en larramgo im fri. If yumob dum lagijat, wal yumob Dedi langa hebin garra larramgo yumob du brom ola nogudbala ting weya yumob bin dumbat.” Lagijat na Jisas bin tok.

Mak Bin Dalim Ola Stori Blanga Jisas 12:38

en imbin dalim olabat, “Yumob garra wotjim miselp blanga detlot lowamen hu oldei laigim werrimonbat det speshalwan longwan kout. Dei werrimonbat det kout blanga meigim miselp haibala, dumaji dei reken miselp, en dei wandim ola pipul garra teiknodis en shoum rispek langa olabat wen dei go wokabat eniweya.

Luk Bin Dalim Ola Stori Blanga Jisas Langa Wan Jintail Men 11:43

“Ai dalim yu. Im garra brabli nogud blanga ol yumob serramonimen, dumaji yumob oldei laigim jidan langa gudwan pleis deya insaid langa det Juwish Miting Pleis, en yumob oldei wandim ola pipul garra rispek yumob langa ebri shop wulijim ebribodi gin luk en sabi yumob haibala men.

Luk Bin Dalim Ola Stori Blanga Jisas Langa Wan Jintail Men 18:1

Afta na Jisas bin dalim im wekinmen olabat dijan stori blanga lenim olabat blanga oldei prei en nomo nokap.

Luk Bin Dalim Ola Stori Blanga Jisas Langa Wan Jintail Men 18:13

“Bat det sekanwan men bin jandap lilbit longwei, en imbin sheim blanga lukap langa hebin, en imbin hitim miselp, dumaji imbin sori blanga im nogudbalawei, en imbin tok, ‘God, yu sori langa mi, dumaji mi nogudbala.’ ”

Luk Bin Dalim Ola Stori Blanga Jisas Langa Wan Jintail Men 20:47

En dei oldei pulumat mani brom ola widogel, en afta dei oldei abumbat longwan preya wulijim ola pipul garra luk olabat en tok olabat gudbala. Bat najing. Olabat nomo gudbala. En God garra panishim olabat brabliwei.” Lagijat na Jisas bin tok.

Luk Bin Dalim Ola Stori Blanga Jisas Langa Wan Jintail Men 6:24

“Ol detlot ritj pipul hu jinggabat olabat ronselp garra abum raftaim, dumaji deibin abum det isibala laif olredi.

Jon Bin Dalim Det Gudnyus Blanga Jisas Det San Blanga God 16:24

Yumob nomo bin askim im enijing langa main neim. Bat yumob garra askim im na. En yumob garra gedim wanim yumob askim im wulijim yumob garra jidan brabli gudbinjiwei.”

Ifishans 6:18

Wal yumob garra oldei dum ol detlot ting na, en yumob garra oldei prei langa God du en askim im blanga album yumob. En yumob garra oldei larram det Holi Spirit lidim yumob wen yumob prei. En yumob garra oldei wotjim miselp en nomo slekap. Yumob garra oldei prei blanga ola Kristjan pipul.

Fes Thesaloniyans 5:17

en yumob garra oldei prei du,

Jeims 4:6

Yumob sabi? Yumob laigim ola enijing langa dijan wel. Bat God laigim yumob detmatj. En langa oltestaman im tok, “God nomo laigim detlot pipul hu meigim miselp haibala langa im. Bat im oldei album detlot pipul hu meigim miselp lobala langa im.”