Methyu 6:34 - Kriol Baibul

³⁴ “Wal yu kaan wori blanga najawan dei, dumaji wi sabi wi garra abum trabul langa det najawan dei, en yu nomo wandi weistimbat taim tudei jinggabat det trabul weya yu garra abum tumorro.

Methyu 6:34 Iomraidhean Croise

Leminteishans 3:23

Ebri ailibala ai sabi YAWEI im oldei album mi en kain langa mi.

Methyu 6:11

Melabat askim yu blanga gibit melabat daga blanga dagat tudei.

Methyu 6:25

“Yumob sabi na? Yu kaan oldei wori en jinggabat weya yu garra faindim daga blanga dagadagat, en yu kaan oldei wori en jinggabat weya yu garra faindim klos blanga werrimon, dumaji God nomo bin gibit yu laif jis blanga dagat daga, en im nomo bin gibit yu bodi jis blanga werrimonbat klos.

Methyu 6:27

Wal wanim yumob reken? Yu gin wori en meigim miselp jidan laibala longtaim? Najing. Yu kaan wori en meigim miselp jidan laibala longtaim.

Luk Bin Dalim Ola Stori Blanga Jisas Langa Wan Jintail Men 10:41

Wal Jisas bin tok, “Matha, yu oldei jinggabat en wori blanga olkain ting.

Luk Bin Dalim Ola Stori Blanga Jisas Langa Wan Jintail Men 11:3

Melabat askim yu blanga gibit melabat daga blanga dagat tudei.

Luk Bin Dalim Ola Stori Blanga Jisas Langa Wan Jintail Men 12:11

“Wal yumob irrim mi na. Wen dei deigim yumob eniweya langa serramonimen o gabman bos blanga kotimbat yumob, wal yumob kaan wori blanga wanim yumob garra tok, dumaji wen im taim blanga yumob blanga tok, det Holi Spirit na garra dalim yumob wanim yumob garra tok.” Lagijat na Jisas bin tok langa im wekinmen olabat.

Luk Bin Dalim Ola Stori Blanga Jisas Langa Wan Jintail Men 12:22

Afta na Jisas bin tok langa ola wekinmen blanga im, “Yumob irrim mi na. Yumob nomo wandi wori en oldei jinggabat weya yumob garra faindim daga blanga dagadagat. En yumob nomo wandi wori en oldei jinggabat weya yumob garra faindim klos blanga werrimon, dumaji God nomo bin gibit yumob laif jis blanga dagat daga. En im nomo bin gibit yumob bodi jis blanga werrimon klos.

Jon Bin Dalim Det Gudnyus Blanga Jisas Det San Blanga God 14:27

“Wen ai gowei, ai garra meigim yumob jidan gudbalawei, en yumob kaan bradin en nogudbinji, dumaji garram main ronwei ai garra meigim yumob jidan gudbalawei. Nomo garram det wei blanga dijan wel.

Jon Bin Dalim Det Gudnyus Blanga Jisas Det San Blanga God 16:33

En aibin dalim yumob tharran wulijim wen im garra hepin, yumob garra jidan gudbinjiwei, dumaji yumob jidan wanbala garram mi. Nomeda ola pipul langa dijan wel garra gibit yumob trabul, bat stil yumob kaan bradin, dumaji aibin bidim dijan wel.” Lagijat na Jisas bin dalim im wekinmen olabat.

Eks Hau Det Gudnyus Blanga Jisas Krais Bin Spredat Ebriweya 14:22

En dubala bin tok langa ola bilibamob langa detlot thribala taun blanga meigim olabat bilib langa Jisas mowa strongbalawei. En dubala bin meigim olabat gudbinji, en dubala bin tok, “If wi wandi go langa det gudbala pleis, wal wi garra abum loda trabul iya langa dijan laif.”

Dyudaranami 33:25

Im garra meigim detlot taun blanga yumob abum brabli strongwan aiyanwan geit, en larram yumob oldei jidan deya seifwan.”

Falipiyans 4:6

Wal yumob kaan wori blanga enijing, dumaji if yumob wandim enijing, yumob garra oldei prei langa God en askimbat im, en wen yumob prei, yumob garra oldei gibit theingks langa im,

Fes Pida 5:7

En wen yumob abum olkain trabul, yumob kaan jinggabat det trabul. Yumob garra hendimoba det trabul langa God, dumaji im na lukaftumbat yumob.