Methyu 6:30 - Kriol Baibul

³⁰ Nomeda det purdiflawa im laibala tudei en neksdei im gon, bat stil God gibit det kala langa det purdiflawa. En if God im lagijat langa purdiflawa, wal nomeda oni lilbit yu bilib langa im, bat stil im garra lukaftumbat yu du.

Methyu 6:30 Iomraidhean Croise

Ola Saam 92:7

Wulijim bindiyai weya im gro isibalawei en spredat ebriweya, lagijat du nogudbala pipul nomo abum eni trabul en gajimbat detmatj ebrijing isibalawei tudei, bat bambai yu na YAWEI garra binijimap olabat olagijawan,

Methyu 14:31

Wal Jisas bin gibit im bingga blanga album im, en imbin tok, “Oni lilbit yu bilib. Wotfo yu nomo bilib brabli?”

Methyu 16:8

Wal Jisas bin sabi wanim detlot wekinmen bin toktokbat, en imbin askim olabat, “Wotfo yumob toktok blanga daga? Wojameda yumob kaan trastim mi blanga daga?

Methyu 17:17

Wal Jisas bin tok langa ebribodi deya, “Wotfo yumob kaan bilib brabliwei? Wotfo yumob oldei dumbat nogudbala ting? Haulong ai garra stap iya garram yumob? En haulong ai garra kipgon shoumbat yumob? Wal bringimap det lilboi iya langa mi.”

Methyu 8:26

Wal Jisas bin dalim detlot wekinmen, “Wotfo yumob nomo bilib langa mi?” Afta na Jisas bin gidap, en imbin dalim det strongbala win en bigbala weib blanga stap, en streidawei det win en weib bin stap, en ebrijing bin jidan kwaitbala na.

Mak Bin Dalim Ola Stori Blanga Jisas 4:40

En Jisas bin tok langa im wekinmen olabat na, “Wotfo yumob bradin? Maitbi yumob nomo bilib langa mi?”

Mak Bin Dalim Ola Stori Blanga Jisas 9:19

Wal Jisas bin tok, “Wotfo yumob kaan bilib brabliwei? Haulong ai garra stap iya garram yumob? Haulong ai garra kipgon shoumbat yumob? Wal yu bringimap det lilboi langa mi.”

Luk Bin Dalim Ola Stori Blanga Jisas Langa Wan Jintail Men 12:28

Bat detlot klos blanga im nomo bin purdiwan laik ol detlot purdiflawa, dumaji God gibit detlot purdiflawa det kala. Nomeda det purdiflawa im laibala tudei en neksdei im binij, bat stil God gibit det kala langa im. En if God oldei dum lagijat langa purdiflawa, wal im garra lukaftum yumob du. Wal wotfo yumob nomo bilib langa im brabliwei?

Luk Bin Dalim Ola Stori Blanga Jisas Langa Wan Jintail Men 9:41

Wal wen det men bin tok lagijat, Jisas bin tok, “Wotfo yumob kaan bilib brabliwei? Haulong ai garra stap iya garram yumob? Haulong ai garra kipgon shoumbat yumob?” En langa det men Jisas bin tok, “Yu bringimap yu san iya.”

Jon Bin Dalim Det Gudnyus Blanga Jisas Det San Blanga God 20:27

Afta na Jisas bin dalim Tamas, “Yu pudum yu bingga iya langa main bingga en yu luk gudwei. En yu pudum yu bingga langa main said du. En yu stap askimbat oldei. Yu garra bilib langa mi weya aibin gidap laibala brom dedbala.”

Hibrus 3:12

Wal main braja en sista olabat, lagijat na det Holi Spirit bin tok, en yumob garra wotjim miselp en meiksho nobodi brom yumob hafbilib en jidan nogudbala insaid, dumaji wen enibodi jidan lagijat, bambai im garra tenim miselp brom det brabliwan God.

Fes Pida 1:24

Wi sabi tharran, dumaji langa oltestaman im tok, “Ola pipul jidan jis laiga gras, en ola enijing weya meigim olabat haibala jidan jis laiga purdiflawa. Det gras oldei dai, en det purdiflawa oldei buldan.