Methyu 6:27 - Kriol Baibul

²⁷ Wal wanim yumob reken? Yu gin wori en meigim miselp jidan laibala longtaim? Najing. Yu kaan wori en meigim miselp jidan laibala longtaim.

Methyu 6:27 Iomraidhean Croise

Aklisiyestis 3:14

Wal ai sabi ebrijing weya God bin dum garra jidan olagijawan. Dumaji God bin meigim ebrijing brabli gudwan. Wal pipul kaan edimap enijing en dei kaan deigidawei enijing brom wanim imbin dum. God bin dum dijan, en wi ol hatjamp blanga wanim imbin dum.

Methyu 5:36

En yu nomo lau yusum det neim blanga yu ronselp, dumaji yu nomo bin meigim miselp.

Methyu 6:25

“Yumob sabi na? Yu kaan oldei wori en jinggabat weya yu garra faindim daga blanga dagadagat, en yu kaan oldei wori en jinggabat weya yu garra faindim klos blanga werrimon, dumaji God nomo bin gibit yu laif jis blanga dagat daga, en im nomo bin gibit yu bodi jis blanga werrimonbat klos.

Methyu 6:28

Wal wotfo yu wori blanga olkain ting? “Yumob jinggabat detlot purdiflawa na. Dei nomo wek adbala blanga meigim det kala blanga olabat.

Methyu 6:31

“Wal yu kaan wori blanga daga en dringk en klos. Yu kaan oldei jinggabat wanim yu garra dagadagat en dringgimbat en werrimbat, dumaji wen yu oldei wori blanga enijing, yu meigim detlot enijing bos blanga yu.

Methyu 6:34

“Wal yu kaan wori blanga najawan dei, dumaji wi sabi wi garra abum trabul langa det najawan dei, en yu nomo wandi weistimbat taim tudei jinggabat det trabul weya yu garra abum tumorro.

Luk Bin Dalim Ola Stori Blanga Jisas Langa Wan Jintail Men 10:41

Wal Jisas bin tok, “Matha, yu oldei jinggabat en wori blanga olkain ting.

Luk Bin Dalim Ola Stori Blanga Jisas Langa Wan Jintail Men 12:11

“Wal yumob irrim mi na. Wen dei deigim yumob eniweya langa serramonimen o gabman bos blanga kotimbat yumob, wal yumob kaan wori blanga wanim yumob garra tok, dumaji wen im taim blanga yumob blanga tok, det Holi Spirit na garra dalim yumob wanim yumob garra tok.” Lagijat na Jisas bin tok langa im wekinmen olabat.

Luk Bin Dalim Ola Stori Blanga Jisas Langa Wan Jintail Men 12:22

Afta na Jisas bin tok langa ola wekinmen blanga im, “Yumob irrim mi na. Yumob nomo wandi wori en oldei jinggabat weya yumob garra faindim daga blanga dagadagat. En yumob nomo wandi wori en oldei jinggabat weya yumob garra faindim klos blanga werrimon, dumaji God nomo bin gibit yumob laif jis blanga dagat daga. En im nomo bin gibit yumob bodi jis blanga werrimon klos.

Fes Karinthiyans 12:18

Yu si? God bin meigim wi garram olkain difrinwan pat jis laik imbin wandi meigim wi.

Falipiyans 4:6

Wal yumob kaan wori blanga enijing, dumaji if yumob wandim enijing, yumob garra oldei prei langa God en askimbat im, en wen yumob prei, yumob garra oldei gibit theingks langa im,

Fes Pida 5:7

En wen yumob abum olkain trabul, yumob kaan jinggabat det trabul. Yumob garra hendimoba det trabul langa God, dumaji im na lukaftumbat yumob.