Methyu 6:21 - Kriol Baibul

²¹ Yu garra oldei jinggabat wanim yu wandim, nomeda im langa hebin o langa dijan kantri.

Methyu 6:21 Iomraidhean Croise

Prabebs 4:23

Yu garra wotjim wanim yu jinggabat, dumaji yu laif shoum wanim yu oldei jinggabat.

Aisaiya 33:6

Oni yu na det brabli gudwan rok, en oni yu na gin seibum melabat en meigim melabat sabi ola gudbala ting. Wal melabat garra trastimbat oni langa yu, en nomo enijing mowa haibala wulijim yu.

Jeramaiya 22:17

Bat yu oni sabi hau blanga jidan brabli gridibala. Yu oldei tridimbat gudbala pipul rafwei, en kilimbat gudbala pipul.

Jeramaiya 4:14

“Wal Jerusalem, yumob lafta washimwei detlot nogudbala ting brom yumob hat, wulijim yumob garra jidanbat seifwan. Haulong yumob garra kipgon jinggabat en dumbat detlot nogudbala ting?

Methyu 12:34

“Wal yumob jigibala pipul jis laiga sneik, en yumob jidan jis laik det nogudwan tri. Yumob kaan tok gudwei, dumaji yumob nogudwan insaid, en ola wed weya yumob oldei tok, dei kamat brom insaid langa yumob. Ol detlot ting weya yumob jinggabat langa yumob hat, detlot ting na yumob oldei meigim olabat kamat brom yumob mawus.

Methyu 6:22

“Yumob jinggabat na. Det dubala ai blanga yu, dubala jis laiga lemp blanga yu. Wen dubala gudwan, yu gin luk det lait brabliwei.

Luk Bin Dalim Ola Stori Blanga Jisas Langa Wan Jintail Men 12:34

“Yumob jinggabat na. Pipul oldei jinggabat ola enijing blanga olabat, en dei oldei wandi go weya ola enijing blanga olabat jidan. “Yumob sabi wanim mi toktok? If yumob wandi jinggabat God, wal yumob garra hipimapbat ola enijing blanga yumob langa hebin.” Lagijat na Jisas bin tok langa im wekinmen olabat.

Eks Hau Det Gudnyus Blanga Jisas Krais Bin Spredat Ebriweya 8:21

Yu kaan joinin langa melabat en album melabat garram dijan wek, dumaji det hat blanga yu im nomo rait langa Godwei.

Sekan Karinthiyans 4:18

En blanga tharran na wi nomo oldei jinggabat detlot trabul. Wi oldei jinggabat detlot ting weya God garra gibit wi. Nomeda wi kaan luk detlot ting garram wi ai dubala, bat stil wi oldei jinggabat detlot ting, dumaji wi sabi detlot ting weya wi luk garram wi ai dubala kaan jidan longtaim. Bat detlot ting weya wi kaan luk garram wi ai dubala garra jidan olagijawan.

Failiman 1:19

en ai garra peiyimbek yu ebrijing weya im owim yu. Yu luk main neim iya langa dijan peipa? Wal mi na, Pol, mi raidimdan main neim iya langa dijan leda garram main ron bingga. Failiman, yu bilib langa Jisas Krais. Wal hubin dalimbat yu det gudnyus blanga im? Mi na, indit?

Failiman 1:3

Wal God det Dedi blanga wi en Jisas Krais det Bos blanga wi garra brabli kainbala langa yumob, en dubala garra meigim yumob jidan brabli gudwei.

Hibrus 3:12

Wal main braja en sista olabat, lagijat na det Holi Spirit bin tok, en yumob garra wotjim miselp en meiksho nobodi brom yumob hafbilib en jidan nogudbala insaid, dumaji wen enibodi jidan lagijat, bambai im garra tenim miselp brom det brabliwan God.