Methyu 6:13 - Kriol Baibul

¹³ Melabat askim yu nomo blanga larram enijing testimbat melabat brabli adbalawei, en yu nomo larram Seitin deigidawei melabat brom yu.’ “Lagijat na yu garra prei,

Methyu 6:13 Iomraidhean Croise

Jenasis 22:1

Bambai na God bin testim Eibrahem. Imbin jingat langa im, “Eibrahem!” En Eibrahem bin ensim, “Wanim? Mi iya.”

Fes Kings 1:36

Wal Benaiya bin ensim im na, “Yuwai, maitbi YAWEI det God blanga yu reken tharran raitwei du.

Fes Kranakuls 16:36

Preisim YAWEI det God blanga Isreil pipul. Preisimbat im olataim. En ola pipul bin tok “Trubala”, en deibin preisimbat YAWEI.

Fes Kranakuls 29:11

Yu na brabli haibala en yu na garram detmatj pawa. Yu brabli gudwan, en yu na det brabli shainiwan lait, en yu na det king. Ebrijing langa hebin en langa dijan wel blanga yu, en yu jidan det boswan king blanga ebrijing na.

Fes Kranakuls 4:10

Jeibes bin prei langa det God blanga ola Isreil pipul. Imbin tok, “Dedi langa top, yu album mi, en gibit mi brabli gudwan kantri. Yu jidan garram mi, en seibum mi brom ola nogudbala ting weya oldei ardimbat main bodi.” Lagijat na Jeibes bin tok. En God bin kain langa im en imbin gibit im ebrijing weya imbin askim im.

Ola Saam 10:16

YAWEI det trubala God im jidan bos olagijawan. Detlot hu weship najalot drimin, im garra meigim olabat gowei brom im kantri.

Ola Saam 106:48

Preisim YAWEI det trubala God blanga Isreil. Preisim im tudei en olagijawan! Ebribodi tok, “Yuwai! Trubala!” Preisim YAWEI det trubala God!

Ola Saam 22:28

YAWEI det trubala God im brabli Bos, en im jidan Bos langa ebri kantri.

Ola Saam 41:13

Preisim YAWEI, det God blanga Isreil! Preisim im tudei en olagijawan du. Yuwai! Trubala!

Ola Saam 47:2

YAWEI na det brabli haibalawan God en wi garra rispek oni langa im. Im na det brabli nambawan king, en im jidan bos blanga ebrijing langa dijan wel.

Ola Saam 47:7

God im jidan king ebriweya langa dijan wel. Preisim im garram ola song.

Ola Saam 72:19

Preisim im haibala neim olagijawan. Larram ola pipul ebriweya sabi det haibalawei blanga im. Yuwai! Trubala!

Ola Saam 89:52

Preisim YAWEI det trubala God olagijawan. Yuwai! Trubala!

Eksadas 15:18

YAWEI, yu na det wanbala trubala God, en yu garra jidan haibala king olagijawan.” Lagijat na ola pipul bin sing,

Prabebs 30:8

Yu meigim mi jidan brabli trubalawei, en yu nomo larram mi jidan brabli ritjwan o brabli powan, bat jis gibit mi naf daga ebridei.

Jeramaiya 15:21

Ai garra lukaftumbat yu wen detlot granggiwan en nogudbala men garra kaman langa yu.”

Jeramaiya 28:6

Aibin tok, “Im brabli gudbala ting en ai wandim YAWEI garra dum dijan. Ai wandim tharran garra kaman trubala en im garra bringimbek brom Bebalon ol detlot silba en gol ting weya bin jidan langa det Serramoni Pleis bifo, en ol detlot pipul hubin gowei prisana du.

Denyul 4:25

Yubin oldei jidan garram ola pipul bat olabat garra andimwei yu na en yu garra jidan garram ola wailwan enimul. Blanga 7 yiya yu garra dagadagatbat gras laik ola buligi en yu garra silip eniweya en det dyu garra buldan langa yu. Afta na yu garra sabi det Brabli Haibala God na bos oba langa ebribodi en ola boswan du. Im na gin gibit pawa blanga jidan bos langa enibodi weya im pikimat.

Denyul 7:18

Bat bambai det Brabli Haibala God garra gibit im pipul olabat det pawa en olabat garra jidan haibala bos en dei garra jidan olagijawan.”

Nambas 5:22

Larram dijan woda garra jidan langa yu binji en meigim yu swelap, en yu kaan abum enimo biginini if yubin dum det nogudbala ting.’ Lagijat na det serramonimen garra tok. “Wal det wuman garra tok, ‘Yuwai. Lagijat na YAWEI det trubala God garra dum.’

Methyu 26:41

Yumob garra wotjimbat miselp en prei wulijim yumob kaan gobek langa det nogudbalawei. Det hat blanga yumob wandi bulurrum det gudbalawei. Bat det bodi blanga yumob im wikwan, en im wandi gobek langa det nogudbalawei.”

Methyu 28:20

Yumob garra shoumbat olabat blanga dum ebrijing weya aibin shoumbat yumob. En ai kaan libum yumob. Nomeda wujei yumob go, bat stil mi garra oldei jidan deya garram yumob olataim.” Lagijat na Jisas bin tok. Binij na.

Methyu 5:37

Yu kaan toktok eniwei blanga meigim det wed blanga yu strongbala. Yu garra jis tok streidat wanwei. Wen yu tok yuwai, yu garra tok yuwai, en wen yu tok nomo, yu garra tok nomo. En if yu edimap mowa wed blanga bekimap miselp, wal ol detlot wed kaman brom det dibuldibul.”

Methyu 6:10

Melabat wandim yu garra kaman en jidan bos langa melabat, en melabat wandim ola pipul iya langa ebri kantri garra irrim yu wed en teiknodis langa yu seimwei laik olabat dum deya langa hebin.

Jon Bin Dalim Det Gudnyus Blanga Jisas Det San Blanga God 17:15

“Ai nomo askim yu blanga deigidawei detlot wekinmen main brom dijan wel. Ai askim yu blanga lukaftumbat olabat en nomo larram Seitin det brabli nogudwan dibuldibul blanga ardim olabat.

Fes Karinthiyans 10:13

Ebrijing weya temtimbat yumob oldei temtimbat ebribodi du, en God oldei album wi jis laik weya imbin pramisim wi, en im kaan larram enijing mowa strongbala langa wi temtim wi. En wen enijing temtim wi, God oldei gibit wi pawa en meigim wei blanga wi blanga go thru langa det trabul.

Fes Karinthiyans 14:16

Yumob sabi wotfo? If eni odinri pipul jidan deya langa det miting pleis weya yumob preisimbat God garram yumob spirit, wal dei kaan sabi wanim yumob toktok. En if dei kaan sabi, wal hau dei garra tok “Trubala” wen yumob gibit theingks langa God?

Sekan Karinthiyans 1:20

En wi sabi God bin meigim bigmob pramis langa oltestaman taim. En God bin meigim detlot pramis kamat trubala wen Jisas Krais bin kaman. En blanga tharran na wi oldei preisimbat God en tok, “Trubala.”

Galeishans 1:4

Wal Jisas Krais bin gibit miselp blanga dai blanga ola nogudbala ting weya wibin dumbat, en imbin dai blanga wi blanga seibum wi brom det nogudbala pawa blanga dijan wel, en God det Dedi blanga wi bin wandim im blanga dai blanga wi blanga seibum wi.

Dyudaranami 8:16

Langa det deset kantri imbin gibit yumob det daga gulum mena blanga dagat weya wi grengrenfathamob nomo bin dagat bifo. Imbin jandim trabul langa yumob blanga luk hau yumob garra jandap blanga im en blanga meigim yumob jidan lobala. En imbin dum lagijat blanga yumob dumaji imbin wandi gibit yumob olkain gudbala ting.

Dyudaranami 8:2

Yumob jinggabat detlot 40 yiya na weya YAWEI bin deigim wi thru det deset kantri. Imbin jandim detlot trabul blanga meigim yumob jidan lobala en blanga testimbat yumob, wulijim im gin luk wanim yumob garra dum en if yumob garra bulurrumap im trubalawei.

Fes Thesaloniyans 1:10

En dei oldei dalimbat melabat hau yumob oldei weidabat blanga det San blanga God blanga kambek brom hebin. Wal wi sabi det san im neim Jisas. God bin meigim im gidap laibala brom dedbala, en im na tharran hu meigim wi fri wulijim God kaan panishim wi wen im garra gitwail en panishim ol detlot pipul hu nomo bilib langa im San.

Sekan Thesaloniyans 3:3

Bat det Bos blanga wi im oldei duwit, en im garra meigim yumob jandap strongbala, en im garra maindimbat yumob brom Seitin du.

Fes Timathi 1:17

Wal wi garra oldei preisim en rispek langa det olagijawan king hu jidan olagija. Im kaan neba dai, en nobodi kaan luk im. Oni im na det trubalawan God, en wi garra preisim im olagija. Trubala dijan mi dalim yu.

Hibrus 11:36

En detlot nogudbala pipul bin oldei mokimbat sambala bilibamob en beldimbat olabat garram wip. En deibin oldei taiyimapbat sambala bilibamob garram tjein en tjakam olabat langa jeil,

Fes Pida 5:8

Wal yumob garra jinggabat gudbalawei en wotjim miselp, dumaji det boswan dibuldibul na det enami blanga yumob, en im oldei go ebriweya jis laiga hanggriwan laiyan weya im go lukabat daga blanga dagat, dumaji im oldei lukabat enibodi blanga deigidawei im brom God.

Sekan Pida 2:9

Yu si? Det Bos blanga wi sabi hau blanga album ola gudbala pipul wen dei abum trabul, en im sabi hau blanga kipgon panishimbat ola nogudbala pipul raidap det taim weya im garra jadjim olabat en panishim olabat olagijawan.

Fes Jon 3:8

Bat detlot pipul hu oldei dumbat nogudbala ting, olabat blanga det boswan dibuldibul, dumaji det boswan dibuldibul bin dumbat nogudbala ting brom longtaim wen God bin meigim ebrijing. En det San blanga God bin kaman blanga binijimap ol detlot nogudbala ting weya det boswan dibuldibul bin dum.

Rebaleishan 1:18

Mi na det Laibalawan. Aibin dai basdam. Bat afta aibin gidap laibala, en mi jidan laibala olagija. Mi na det brabliwan Bos blanga ola greibyad. Nobodi nomo lau dai if mi nomo larram. Mi na Bos blanga laif.

Rebaleishan 19:1

Brom deya langa main drim aibin lisin bigwan nois langa hebin. Bigmob pipul deya bin jingat, “Aleiluya! Det God blanga melabat im brabliwan! Im strongbala, en im na bin seibum melabat!

Rebaleishan 19:4

Brom deya detlot 24 olmen en detlot 4 najakain enimul bin ol baudan en weship langa God deya langa det speshal boswan tjeya. Deibin gibit theingks langa im, en deibin tok, “Yuwai! Aleiluya!”

Rebaleishan 2:10

Wal yu kaan bradin blanga enijing dei dumbat langa yu. Yu lisin mi na. Seitin garra tjakam sambala pipul insaid langa jeil blanga testimbat olabat. Dei garra meigimbat trabul langa yu fo 10 dei. En nomeda dei kilim yu ded, bat stil yu garra jidan trubala langa mi olawei. En yu garra win, dumaji ai garra gibit langa yu nyubala laif.

Rebaleishan 21:4

en im garra meigim olabat gudbinji. Dei kaan kraikrai na. Nobodi kaan dai. Nomo enijing kaan ardimbat enibodi. Ol detkain ting binij na. Det olbalawei im binij.”

Rebaleishan 3:10

Yubin lisin langa mi weya aibin dalim yu blanga kipgon bulurrum mi, en yu nomo bin slekap. Wal bambai wen ola trabul garra kaman langa dijan kantri blanga testimbat ola pipul, mi na garra lukaftumbat yu.

Rebaleishan 3:14

Brom deya det men bin dalim mi blanga raidimdan dijan wed langa det einjul blanga det tjetj langa det taun gulum Leiyadasiya. Det men oldei tok trubalawei, en dei gulum im Trubala. Im neba gobek en im kaan libum wi, dumaji im Bos blanga ebrijing weya God bin meigim.

Rebaleishan 5:13

Brom deya aibin lisin ebrijing weya jidan laibala bin sing. Ebrijing langa hebin en ebrijing langa ola kantri en ebrijing insaid langa solwoda en ebrijing langa det spiritmob, ol detlot na aibin lisin olabat sing, “Langa det sambodi hu oldei jidan langa det speshal boswan tjeya, en langa det yangwan ship, wal langa det dubala na wi garra gibit theingks, en wi garra preisim dubala. Wi garra lukbek langa dubala en meigim dubala haibala, dumaji dubala brabli strongbala olagija.”