Methyu 5:8 - Kriol Baibul

⁸ “Ol yumob pipul hu jidan raitwei insaid langa yumob hat, yumob garra gudbinji, dumaji yumob garra luk God.

Methyu 5:8 Iomraidhean Croise

Jenasis 32:30

Wal Jeikob bin jinggabat tharran en imbin tok, “Garram main ron ai aibin luk God, en ai nomo bin dai. Mi stil jidan laibala. Wal ai garra gibit neim langa dijan pleis. Ai garra gulum dijan pleis Piniyal, dumaji det neim im tok Feis Blanga God.”

Sekan Semyul 22:27

Yu oldei gudbala langa detlot pipul hu jidan gudbala. Bat yu oldei nogudbala langa detlot pipul hu jidan nogudbala.

Ola Saam 15:2

Oni detlot pipul hu oldei duwit langa God en dum wanim rait. Olabat oldei toktokbat trubalawei.

Ola Saam 18:26

Yu oldei gudbala langa detlot pipul hu jidan gudbala. Bat yu oldei nogudbala langa detlot pipul hu jidan nogudbala.

Ola Saam 24:4

Yumob irrim na! Ol detlot pipul hu jidan klinbala brom dumbat en jinggabat ol detlot nogudbala ting, en ol detlot pipul hu nomo weship difrinwan drimin, en ol detlot pipul hu meigim pramis en dum, wal ol dislot pipul na gin gowap langa det Serramoni Pleis.

Ola Saam 51:10

Main God, meigim mi nyu insaid. Meigim mi jinggabat blanga ola gudwan ting.

Ola Saam 51:6

Ai sabi yu wandim mi blanga jidan brabli trubalawei insaid langa main spirit. Yu titjim mi brabliwei wanim yu wandim mi blanga sabi en dum.

Ola Saam 73:1

Trubala YAWEI im brabli gudbala langa ola Isreil pipul, en langa detlot pipul hu jidan trubalawei langa im.

Prabebs 22:11

Det king jidan fren blanga detlot pipul hu im trastimbat en hu oldei toktok gudbinjiwei.

Eks Hau Det Gudnyus Blanga Jisas Krais Bin Spredat Ebriweya 15:9

Im nomo bin tridim olabat difrinwei brom wi, en wen deibin bilib brabliwei, imbin larramgo olabat fri brom olabat nogudbalawei du.

Fes Karinthiyans 13:12

Yu si? Wi gin luk God oni lilbit tudei. Bat bambai garram wi ron ai wi garra luk im brabliwei. En wi sabi im oni lilbit tudei. Bat bambai wi garra sabi im brabliwei jis laik im sabi wi brabliwei.

Sekan Karinthiyans 7:1

Wal main gudfren olabat, wen God bin tok detlot wed, imbin pramisim detlot wed langa wi. En blanga tharran na wi garra meigim miselp klinbala en nomo bulurrumbat detlot nogudbala ting weya meigim wi nogud insaidwei en atsaidwei. En wi garra trai en jidan brabli gudbalawei nomo garram enijing rong, dumaji wi garra rispek God brabliwei.

Taidas 1:15

Wal yu irrim mi na. Ebrijing im gudbala langa detlot pipul hu gudbala insaid. Bat im nogudbala langa detlot pipul hu nogudbala insaid en nomo bilib langa Jisas Krais. Nomo enijing im gudbala langa detlot pipul weya olabat main nomo streit en dei nomo garram filing.

Hibrus 10:22

Wal blanga tharran na wi gin kaman gulijap langa God. Bat wen wi kaman langa im, wi garra kaman trubalawei, en wi garra bilib brabliwei, en wi garra meiksho det blad blanga Jisas bin meigim wi fri insaidwei, en wi garra meiksho det woda weya wibin beptais bin meigim wi klin langa wi laif atsaidwei.

Hibrus 12:14

En yumob garra trai en jidan gudbalawei garram ebribodi. Yumob kaan jidan eniwei. Oni blanga God yumob garra jidan, dumaji nobodi kaan luk God if dei nomo jidan lagijat.

Hibrus 9:14

En if det buligi blad en gout blad bin meigim enibodi fri atsaidwei, wal det blad blanga Jisas bin dum mowa. Thru det olagijawan Spirit blanga God, Jisas bin gibit miselp jis laiga brabliwan sekrifais ofring langa God, en det blad blanga im garra meigim wi fri insaid langa wi hat brom ol detkain ting weya kaan meigim wi jidan laibala. Det blad im meigim wi fri blanga wek blanga det laibalawan God.

Jeims 3:17

Wal nomo enijing rong langa det klebabalawei brom hebin, en detlot pipul hu bulurrum det klebabalawei brom hebin kaan meigimbat eni trabul, dumaji dei garra kain langa enibodi, en dei garra laigim olabat, en dei garra fil sori blanga olabat, en dei garra dumbat gudbala ting blanga olabat du. Dei kaan toktok dubalawei en kadimatbat pipul jis fo najing.

Jeims 4:8

En if yumob wandim God garra kaman en jidan garram yumob, wal yumob garra bulurrum im, en afta im garra kaman langa yumob. Wal ol yumob Kristjan pipul garra stap dumbat ola nogudbala ting. Yumob oldei jinggabat dubalawei en yumob garra tenim miselp brom detkain en jinggabat oni wanwei.

Fes Pida 1:22

Wal yumob bin meigim miselp klin brom yumob nogudbalawei, dumaji yumob bin duwit langa det trubalawan wed, en yumob laigim yumob Kristjan braja en sista olabat trubalawei na.

Rebaleishan 22:4

Detlot wekinmen garra luk im feis, en dei garra abum im neim langa olabat forid,