Methyu 5:6 - Kriol Baibul

⁶ “Ol yumob pipul hu brabli wandi dumbat wanim God wandim yumob blanga dum, yumob garra gudbinji, dumaji God garra meigim yumob sedisfaid brabliwei.

Methyu 5:6 Iomraidhean Croise

Ola Saam 107:9

Im meigim sedisfaid ol detlot hu jidan thestiwan, en im meigim bulap detlot pipul hu jidan hanggriwan garram ola gudwan daga.

Ola Saam 145:19

YAWEI oldei gibit ebrijing langa ol detlot pipul hu rispek im. Im irrim olabat wen dei jingat langa im en im seibum olabat.

Ola Saam 17:15

YAWEI, mi nomo gilti, en ai garra luk yu! Wen ai garra weikap, ai garra luk yu, en tharran na garra meigim mi gudbinji.

Ola Saam 63:5

Main spirit garra jidan bulap en sedisfaid jis laik aibin dagat detmatj daga. Ai garra sing ola hepiwan song blanga preisim yu.

Ola Saam 65:4

Ol detlot pipul weya yubin pikimat en bringimap blanga jidan langa det seikridwan haus blanga yu, jidan gudbinjiwan. Melabat garra jidan gudbinjiwei garram ola gudwan ting langa det seikridwan haus blanga yu.

Ola Saam 84:2

Mi wandim jidan langa det Serramoni Pleis blanga YAWEI brabliwei! Garram ol main laif mi sing gudbinjiwei langa det laibalawan God.

Prabebs 10:24

Det gudbala men garra gedim ola gudbala ting weya im wandim, bat det nogudbala men garra gedim det ting weya meigim im jidan brabli bradinwan.

Prabebs 21:21

If yu jidan kainbala en trubala, najalot pipul garra rispek langa yu, en yu garra jidan laibala longtaim.

Brabli Gudwan Song 5:1

Main pramis, aibin kaman langa main gadin na. Mi gajimbat lilbit gudsmelwan medisin. Mi dagadagatbat main switwan shugabeig. Mi dringgimbat main wain en milk. Yunmi laigim gija. Yu gin dagadagatbat en dringgimbat raidap yu brabli bulap, dumaji yunmi laigim gija detmatj.

Aisaiya 25:6

Wal aibin tok na, “Deya langa Jerusalem YAWEI det boswan God garra abum brabli gudwan padi blanga ebribodi langa dijan wel. Det padi garra abum brabli gudwan daga en bif en wain.

Aisaiya 41:17

“Wal wen detlot powan pipul en detlot hu nomo garram enibodi blanga lukaftumbat olabat jidan thestibala en olabat kaan faindim eni woda blanga dringgim, wal mi na, YAWEI det trubala God blanga ola Isreil pipul garra kaman en seibum olabat. Ai kaan neba foget olabat.

Aisaiya 44:3

“Ai garra gibit yumob bigmob woda blanga yumob draiwan kantri, en ai garra gibit main spirit langa ol yumob bigininimob.

Aisaiya 65:13

“Wal mi na YAWEI garra gibit daga en woda langa main wekinmenmob, en olabat garra abum bigwan padi. Bat ol yumob nogudbala pipul garra jidan hanggribala en thestibala, en yumob garra sheim miselp nomo lilbit.

Aisaiya 66:11

Dumaji Jerusalem im jis laik yumob ronwan mami, im garra nesimbat en albumbat yumob raidap yumob garra sedisfaid. En yumob garra jidan brabli hepiwan langa det brabli gudbala taun.

Jeramaiya 31:25

Ai garra meigim strongbala detlot hu nokap en jidan wikwan. En ol detlot hu oldei jidanbat wikwan en hanggriwan ai garra meigim olabat bulap binji garram loda daga,

Luk Bin Dalim Ola Stori Blanga Jisas Langa Wan Jintail Men 1:53

Imbin lukaftumbat ola hanggribala pipul garram olkain gudbala ting, en imbin jandimwei ola ritj pipul nomo garram enijing langa olabat bingga.

Luk Bin Dalim Ola Stori Blanga Jisas Langa Wan Jintail Men 6:21

“Ol yumob pipul hu jidan hanggribala, God garra meigim yumob sedisfaid. “Ol yumob pipul hu kraikrai dumaji yu nogudbinji, yumob garra hepi en jinginat, dumaji yumob garra jidan gudbinjiwei.

Luk Bin Dalim Ola Stori Blanga Jisas Langa Wan Jintail Men 6:25

“Ol detlot pipul hubin jidan sedisfaid garra jidan hanggribala. “Ol detlot pipul hubin jinginat gudbinjiwei garra nogudbinji en kraikrai.

Jon Bin Dalim Det Gudnyus Blanga Jisas Det San Blanga God 4:14

Bat enibodi hu dringgim det woda weya ai garra gibit im kaan neba thesti, dumaji det woda weya ai garra gibit im garra meigim miselp jis laiga springwoda insaid langa im, en det springwoda garra oldei boilap brabliwei en meigim im jidan laibala olagijawan.”

Jon Bin Dalim Det Gudnyus Blanga Jisas Det San Blanga God 6:27

Bat ai dalim yumob. Yumob nomo wandi adwek blanga detkain daga weya oldei go nogud. Yumob garra adwek blanga detkain daga weya meigim yu jidan laibala olagijawan. Nobodi kaan gibit yumob detkain daga. Oni mi na, dumaji mi na det Speshalwan Men, en main Dedi God bin shoum yumob mi na garra gibit yumob det daga weya garra meigim yumob jidan garram det olagijawan laif.” Lagijat na Jisas bin tok langa detlot pipul.

Jon Bin Dalim Det Gudnyus Blanga Jisas Det San Blanga God 7:37

Bambai na langa det laswan speshalwan dei blanga det serramoni, Jisas bin jandap deya langa det Serramoni Pleis, en imbin tok langa ola pipul adbala, “Ol yumob pipul hu jidan thestibala blanga God insaid langa yumob hat, yumob garra kaman langa mi en dringgim det speshalwan woda, dumaji langa oltestaman im tok, ‘If enibodi bilib langa mi, wal det woda weya gibit laif garra boilap brom insaid langa im.’ ”

Rebaleishan 7:16

Olabat kaan hanggri blanga daga. En olabat kaan lukabat blanga woda du. En wen olabat wek, det san kaan barnimbat olabat, dumaji det Yangwan Ship deya langa det speshalwan tjeya, im na garra maindimbat olabat imselp.