Methyu 5:5 - Kriol Baibul

⁵ “Ol yumob pipul hu jidan kainbalawei, yumob garra gudbinji, dumaji God garra gibit langa yumob det prais weya imbin pramis.

Methyu 5:5 Iomraidhean Croise

Ola Saam 147:6

Im album ola lobala pipul, bat im tjakamdan ola nogudbala pipul langa graun.

Ola Saam 149:4

YAWEI im jidan gudbinji langa im pipul olabat. Garram rispek im meigim ola lobalawan pipul win na.

Ola Saam 22:26

Ola powan pipul garra dagat blendibala daga raidap dei bulap. Wen pipul kaman langa yu YAWEI, dei garra preisim yu. God, yu oldei gibitbat olabat ola gudbala ting.

Ola Saam 25:13

Olabat garra oldei abum detmatj ebrijing. Blanga olabat ola bigininimob garra jidan boswan blanga olabat ronwan kantri.

Ola Saam 25:9

Im shoum ol lobala pipul wujei blanga go langa det raitwan wei, en im lenimbat olabat ebrijing im wandim olabat blanga dum.

Ola Saam 37:11

Bat ola lobala pipul garra jidan langa det kantri, en dei garra jidan gudbinjiwei garram ola ebrijing.

Ola Saam 37:22

Ol detlot pipul weya YAWEI oldei gibit ola gudbala ting garra jidan langa det kantri, bat YAWEI garra tok nogudbala wed langa najalot pipul en andimwei olabat brom det kantri.

Ola Saam 37:29

Ol detlot pipul hu jidan raitwei langa YAWEI, olabat na garra jidan olagijawan langa det kantri.

Ola Saam 37:34

Trastim YAWEI en bulurrum im, en im na garra meigim yumob haibala en gibit yumob det kantri, en yumob garra luk detlot nogudbala pipul ol binijap.

Ola Saam 37:9

Detlot pipul hu trastim YAWEI garra gedim det kantri weya imbin pramis, bat YAWEI garra binijimap ola nogudbala pipul.

Ola Saam 69:32

Wen ol detlot pipul hu abumbat adtaim luk dijan, dei garra gudbinji. Detlot hu weshipbat God garra jidan mowa strongbala.

Aisaiya 11:4

Detlot powan pipul en detlot pipul hu nomo garram enibodi, garra abum feyago en jidan brabli gudbalawei. Det wed blanga im garra jidan jis laik det wadi blanga panishim detlot nogudbala pipul.

Aisaiya 29:19

Detlot powan pipul, en detlot pipul hu nomo garram enibodi blanga lukaftumbat olabat, garra jinginatbat brabli hepiwan langa YAWEI det brabli holiwan God blanga ola Isreil pipul.

Aisaiya 60:21

Blanga yu pipul olabat garra dumbat ola raitwan ting, en olabat garra abum olabat ronwan kantri olagijawan. Olabat jis laik detlot tri aibin plentim en meigim olabat blanga shoum main strongbala pawa langa najalot pipul.

Aisaiya 61:1

Wal det spirit blanga YAWEI det boswan God im jidan garram mi na, dumaji im na bin pikimat langa mi en imbin jandim mi blanga dalimbat det gudbala nyus langa ola powan pipul, en blanga album detlot hubin jidanbat sedwan, en blanga dalimbat detlot hu jidan prisana olabat garra jidan friwan.

Sefanaiya 2:3

Tenim miselp en kambek langa YAWEI ol yumob lobala pipul langa dijan kantri, ol yumob pipul hu teiknodis langa im. Yumob garra trai en dum ola gudbala ting, en yumob garra kipgon en jidan lobala pipul en maitbi YAWEI garra blandim yumob langa seifwan pleis langa det dei bambai wen im garra panishim ola najalot pipul.”

Nambas 12:3

Bat Mosis bin jidan lobala men, mowa lobala langa enibodi langa dijan wel.

Methyu 11:29

Yu kaman en bulurrum mi, dumaji det wei blanga mi im nomo adwan, en mi brabli kainbalawan en nomo meigim miselp haibala.

Methyu 21:5

Imbin tok, “Olabat! Yumob garra jingat langa ola pipul deya langa det taun gulum Saiyan. Yumob garra tok, ‘Yumob luk! Det king blanga yumob im kaminap na. Imbin meigim miselp lobala, en im raidimbat lilwan dongki.’ ”

Romans 4:13

Wal Eibrahem im wi dedi, en God bin pramisim Eibrahem en im femili olabat blanga gibit ola kantri langa im. Wal Eibrahem bin bulurrum det lowa blanga God. Bat God nomo bin meigim det pramis langa Eibrahem blanga tharran. Nomo. God bin meigim det pramis langa Eibrahem dumaji Eibrahem bin jidan raitwei langa im. En Eibrahem bin jidan raitwei langa God, dumaji imbin bilib langa im.

Galeishans 5:23

en im meigim wi nomo reken miselp langa enibodi, en im meigim wi jidan bos blanga wi bodi. Yu si? Yumob kaan faindim eni lowa weya im tok yumob kaan dum detkain gudbala ting.

Ifishans 4:2

Yumob garra meigim miselp lobala, en yumob kaan jidan ad langa enibodi. Yumob garra jidan sofwan, en yumob garra weit en gibit yumob Kristjan braja en sista olabat taim. Yumob kaan fosim olabat blanga libum ol detlot nogudbala ting weya dei dumbat. Yumob garra shoum olabat yumob laigim olabat.

Kaloshans 3:12

Wal God im laigim yumob brabliwei, en imbin pikimat yumob blanga jidan im ronwan pipul olabat, en blanga tharran na yumob garra oldei abum filing blanga yumob Kristjan braja en sista olabat en kain langa olabat, en yumob garra meigim miselp lobala en nomo tridim enibodi adwei, en yumob kaan gitwail langa enibodi streidawei du.

Fes Timathi 6:11

Wal Timathi, yu kaan bulurrum det nogudbalawei weya aibin jis dalimbat yu, dumaji yu wekinmen blanga God. Yu garra dum wanim rait, en yu garra jidan gudbalawei hau God wandim yu blanga jidan, en yu garra bilib langa God brabliwei, en yu garra laigim ola pipul brabliwei, en wen trabul kaman langa yu, wal yu garra jidan strongbala, en yu garra jidan kainbala langa ebribodi.

Sekan Timathi 2:25

en wen im tok langa detlot pipul hu nomo agri langa im, wal im garra streitinimap olabat en tok gudwei langa olabat. Dumaji wi wandim God blanga album olabat tjeinjim det insaidwei filing blanga olabat wulijim dei garra sabi det trubalawan wed blanga im,

Taidas 3:2

En dei nomo wandi tok nogudbalawei langa enibodi, en dei nomo wandi faidabat langa enibodi. Dei garra kain langa ebribodi, en dei garra oldei jidan kwaitbalawei langa ebribodi.

Jeims 1:21

Wal yumob garra libum ol detlot nogudbalawei blanga yumob, en yumob garra gibit miselp langa God, en yumob garra lisin langa det wed weya imbin gibit langa yumob, dumaji det wed na gin seibum yumob.

Jeims 3:13

Wal yumob jinggabat na. If enibodi reken im klebabala en sabi det wei blanga God, wal im garra dumbat det raitwan ekshan blanga shoum ola pipul. Lagijat na im garra shoum olabat. Im garra jidan brabli gudbalawei.

Fes Pida 3:15

Yumob garra pudum Jisas Krais lida langa yumob en larram im jidan Bos blanga yumob, en yumob garra oldei jidan redibala blanga gibit ensa langa detlot pipul hu askimbat yumob wotfo yumob bilib langa Jisas Krais,

Fes Pida 3:4

Yumob garra meigim miselp purdibala insaidwei garram detlot ting weya kaan neba binij. Yumob garra meigim miselp lobala en jidan gudbalawei, dumaji detkain ting na brabli bigbala langa Godwei.