Methyu 5:34 - Kriol Baibul

³⁴ “Wal tudei ai dalim yumob. Wen yu tok enijing o meigim pramis, yu nomo lau yusum God neim eniwei blanga bekimap miselp en meigim det wed blanga yu strongbala. En yu nomo lau yusum det neim blanga hebin du, dumaji im det pleis blanga God.

Methyu 5:34 Iomraidhean Croise

Ola Saam 11:4

YAWEI, im jidan langa im seikridwan pleis. Im jidan bos langa hebin. Im wotjimbat pipul ebriweya en im sabi wanim olabat dumbat.

Aklisiyestis 9:2

Wal det seimwan ting garra hepin langa ebribodi, langa detlot pipul hu bulurrum det gudbalawei, en langa detlot pipul hu bulurrum det nogudbalawei, en langa detlot pipul hu jidan raitwei langa God, en langa detlot pipul hu nomo jidan raitwei langa God, en langa detlot pipul hu weshipbat God, en langa detlot pipul hu nomo weshipbat God, en langa detlot pipul hu oldei meigim sekrifais langa God, en langa detlot pipul hu nomo meigim sekrifais langa God, en langa detlot pipul hu dum gudbala ting, en langa detlot pipul hu dum nogudbala ting, en langa detlot pipul hu meigim det brabli strongbala pramis langa God, en langa detlot pipul hu nomo wandi meigim brabli strongbala pramis langa God. Holot garra binijap.

Aisaiya 57:15

“Mi na det holiwan God, en ai jidan langa hebin olagijawan. Nomeda ai jidan iya langa top langa dijan holiwan pleis, mi iya du blanga album detlot pipul hu oldei jidan lobala, en hu oldei trastimbat oni langa mi.

Aisaiya 66:1

Wal YAWEI bin tok, “Wal ai jidan langa hebin en ai pudum main fut langa dijan graun. Wotkainaba haus yu garra bildimap blanga main blanga jidan?

Eks Hau Det Gudnyus Blanga Jisas Krais Bin Spredat Ebriweya 7:49

‘God im jidan langa hebin, en im pudum im fut langa dijan graun. Wal wotkain haus men gin bildimap blanga im blanga jidan?

Jeims 5:12

Wal main braja en sista olabat, yumob lisin langa mi na. Wen yumob tok enijing o meigim pramis, yumob nomo wandi yusum God neim eniwei blanga meigim det wed blanga yumob strongbala. Yumob nomo wandi yusum im neim o det neim blanga eni kantri o enijing blanga meigim det wed blanga yumob strongbala. Yumob garra jis tok streidat. Wen yumob wandi tok yuwai, wal yumob garra jis tok yuwai. En wen yumob wandi tok nomo, wal yumob garra jis tok nomo. If yumob yusumbat detlot najalot wed blanga bekimap det wed blanga yumob, wal God garra jadjim yumob blanga tharran, dumaji im nogud.