Methyu 5:3 - Kriol Baibul

³ “Ol yumob pipul hu meigim miselp lobala langa God, yumob garra gudbinji, dumaji yumob jidan blanga God, en im na garra meigim yumob haibala.

Methyu 5:3 Iomraidhean Croise

Sekan Kranakuls 33:12

Wen King Manesa bin jidan prisana deya, imbin askim God blanga larramgo im fri en album im.

Sekan Kranakuls 33:19

Ol dislot ting blanga King Manesa en im preya en det ensa brom God deibin raidimdan langa det buk gulum Ola stori blanga ola speshalwan mesinja. Deibin raidimdan ola nogudbala ting weya King Manesa bin dum bifo imbin tenim miselp langa God igin. En deibin raidimdan ola pleis weya imbin pudum drimin sheip, en weya imbin pudum serramoni pleis blanga weship det gelwan god gulum Eshara.

Sekan Kranakuls 33:23

King Manesa bin kambek langa YAWEI bat King Eman nomo bin dum tharran. Imbin kipgon dum mowes nogudbala ting langa im dedi.

Sekan Kranakuls 7:14

if dei prei langa mi en sori miselp en stap dumbat ola nogudbala ting, wal ai garra irrim brom top, en ai garra larramgo olabat fri brom olabat nogudbalawei, en meigim det kantri blanga olabat abum loda gudwan ebrijing igin.

Job Wotfo Gudbala Pipul Abum Trabul? 42:6

Mi rili sheim miselp na en mi brabli sori. En blanga tharran na mi jidanbat iya langa das en eshis.” Lagijat na Job bin tok.

Ola Saam 1:1

23Detlot pipul hu nomo teiknodis langa wanim detlot nogudbala pipul tok, dei garra jidan gudbinji. Dei nomo bulurrum det wei blanga detlot nogudbala pipul. Dei nomo miksap garram ola nogudbala pipul. Dei nomo jidan garram detlot pipul hu mokimbat God, en nomo wandi sabi im.

Ola Saam 112:1

Preisim YAWEI det trubalawan God! Im gudbinji langa ol detlot pipul hu weship langa im, en hu teiknodis langa ol im lowa gudbinjiwei.

Ola Saam 128:1

Ol detlot pipul hu teiknodis langa YAWEI en hu bulurrum im wei, olabat na garra jidan gudbinjiwei.

Ola Saam 146:5

YAWEI, det God blanga wi grenfatha Jeikob, im na album wi wen wi trastim en weship langa im. Dumaji im lagijat wi jidan hepiwan.

Ola Saam 2:12

Yumob meigim miselp lobala langa im en weship langa im. If yumob nomo dum lagijat, im garra gitwail detmatj en yumob garra ol binij, dumaji im gin gitwail kwikbala. Bat detlot pipul hu trastim im blanga lukaftumbat olabat, wal dei garra gudbinji.

Ola Saam 34:18

YAWEI im jidan gulijap langa detlot pipul hu jidan nogudbinji insaid langa olabat hat. Im garra album detlot pipul na wen najalot pipul gibit olabat adtaim.

Ola Saam 41:1

Ol detlot pipul hu album ola powan pipul, olabat na garra jidan gudbinjiwei. YAWEI garra album olabat wen olabat abum trabul.

Ola Saam 51:17

Main God, wen mi sori en meigim miselp lobala, det taim na yu kaan andimwei mi. Wen mi brabli sori en nomo jidan praudbala, tharran na det gudwan sekrifais blanga yu blanga jidan gudbinji garram mi igin.

Ola Saam 84:12

YAWEI, Boswan God, ol detlot hu trastimbat yu jidan gudbalawei.

Prabebs 16:19

Im mobeda blanga jidan lobala en powan den blanga sherimbat ola ebrijing weya ola haibala pipul bin stilimbat.

Prabebs 29:23

If enibodi jidanbat praudbalawei im garra sheim miselp brabliwei, bat if enibodi meigim miselp lobala im garra abum rispek brom pipul.

Prabebs 8:32

“Orait ol yumob yangmen, yumob garra lisin langa mi na. Yumob dum wanim mi dalimbat yumob blanga dum, wulijim yumob garra jidan hepiwan.

Aisaiya 30:18

“Bat YAWEI im weidabat blanga yumob blanga kambek langa im, dumaji im laigim yumob detmatj, en im brabli kainbalawan du en im fil sori blanga yumob. YAWEI na oldei dum ebrijing gudwei, en if yumob trastim im, wal yumob garra jidan brabli gudbinji.”

Aisaiya 57:15

“Mi na det holiwan God, en ai jidan langa hebin olagijawan. Nomeda ai jidan iya langa top langa dijan holiwan pleis, mi iya du blanga album detlot pipul hu oldei jidan lobala, en hu oldei trastimbat oni langa mi.

Aisaiya 61:1

Wal det spirit blanga YAWEI det boswan God im jidan garram mi na, dumaji im na bin pikimat langa mi en imbin jandim mi blanga dalimbat det gudbala nyus langa ola powan pipul, en blanga album detlot hubin jidanbat sedwan, en blanga dalimbat detlot hu jidan prisana olabat garra jidan friwan.

Aisaiya 66:2

Wal mi na YAWEI det trubala God bin meigim ebrijing. Detlot pipul weya mi laigim olabat brabliwei, dei oldei jidan lobala en dei oldei jinggabat oni langa mi blanga albumbat olabat, en olabat sheik wen dei irrim mi toktokbat.

Maika 6:8

Nomo. YAWEI bin shoum wi ola gudbala ting, en imbin dalim wi wanim im wandim. En iya na det ting weya im wandim. Im wandim wi blanga dum wanim rait, en tridim najalot pipul kainbalawei en meigim miselp lobala en bulurrum im.

Methyu 11:25

Afta na Jisas bin prei langa God, “Dedi, yu na Bos langa hebin en langa ola kantri iya langa graun, en ai gibit yu theingks, dumaji loda ting deya yu nomo bin shoum langa detlot pipul hu reken miselp klebabala. Yubin shoum ol detlot ting blanga yu langa detlot pipul hu nomo reken miselp klebabala, jis laik ola bigininimob.

Methyu 11:6

If enibodi hu bulurrum main wei en nomo gibit bekboun langa mi wal larram im jidan brabli gudbinji.” Lagijat na Jisas bin tok.

Methyu 13:16

“Wal yumob brabli lakiwan, dumaji yumob gin luk garram yumob ai, en yumob gin irrim garram yumob irriwol.

Methyu 19:14

en wen Jisas bin irrim detlot wekinmen, imbin tok, “Yumob nomo andimwei detlot biginini. Yumob larram olabat kaman langa mi, dumaji ola pipul hu meigim miselp lobala jis laik dislot biginini, wal olabat na garra jidan garram God.”

Methyu 24:46

en afta det boswan wekinmen garra gudbinji if det bos blanga im kambek en faindim imbin dum ebrijing weya imbin dalim im.

Methyu 25:34

Afta ai garra tok langa detlot gudbala pipul langa main raidensaid, ‘Yumob kaman na, dumaji God im gudbinji langa yumob. Yumob garra gedim samting gudwan weya God bin meigim redi blanga yumob longtaim wen imbin meigim ola kantri.

Methyu 8:11

Ai dalim yumob. Loda pipul brom ola najalot kantri garra go langa hebin en jidan gudbinji garram Eibrahem, Aisik en Jeikob.

Mak Bin Dalim Ola Stori Blanga Jisas 10:14

Wal wen Jisas bin luk detlot wekinmen blanga im bin lagijat, imbin gitwail langa olabat, en imbin tok, “Yumob nomo andimwei ol detlot biginini. Yumob larram olabat kaman iya langa mi, dumaji ola pipul hu meigim miselp lobala jis laik dislot biginini garra jidan garram God. Yumob lisin langa mi na.

Luk Bin Dalim Ola Stori Blanga Jisas Langa Wan Jintail Men 11:28

Wal Jisas bin tok, “Trubala tharran yubin tok. Bat detlot pipul hu irrim det wed blanga God en duwit, olabat na brabli lakiwan.”

Luk Bin Dalim Ola Stori Blanga Jisas Langa Wan Jintail Men 18:14

Wal Jisas bin kipgon tok, “Ai dalim yumob. Wen det dubala men bin gobek langa dubala kemp, det serramonimen nomo bin jidan raitwei garram God. Oni det sekanwan men bin jidan raitwei. Trubala ai dalim yumob. Ol detlot pipul hu meigim miselp haibala, God garra meigim olabat lobala, en ol detlot pipul hu meigim miselp lobala God garra meigim olabat haibala.”

Luk Bin Dalim Ola Stori Blanga Jisas Langa Wan Jintail Men 22:29

En ai garra meigim yumob jidan bos jis laik main Dedi bin meigim mi jidan bos.

Luk Bin Dalim Ola Stori Blanga Jisas Langa Wan Jintail Men 22:30

En yumob garra dagat langa main teibul deya langa main pleis, en yumob garra jidan langa detlot speshalwan tjeya blanga jidan bos langa det twelbala klen blanga ola Isreil pipul.” Lagijat na Jisas bin tok langa im wekinmen olabat wen deibin askimbat miselp wujan brom olabat garra jidan haibala langa olabat.

Luk Bin Dalim Ola Stori Blanga Jisas Langa Wan Jintail Men 4:18

Imbin tok, “Det spirit blanga God im jidan garram mi, dumaji imbin pikimat mi blanga dalimbat det gudnyus langa ola powan pipul. Imbin jandim mi blanga dalim ola prisana God garra larramgo olabat fri, en imbin jandim mi blanga dalim ola blainwan pipul God garra meigim olabat luk gudwei, en imbin jandim mi blanga dalim ol detlot pipul hu oldei abumbat trabul God garra meigim olabat jidan gudbalawei.

Jon Bin Dalim Det Gudnyus Blanga Jisas Det San Blanga God 20:29

Wal Jisas bin dalim im, “Yu bilib langa mi dumaji yubin luk mi. Bat detlot pipul hu garra bilib langa mi nomeda dei nomo luk mi garra gudbinji brabliwei.”

Dyudaranami 8:2

Yumob jinggabat detlot 40 yiya na weya YAWEI bin deigim wi thru det deset kantri. Imbin jandim detlot trabul blanga meigim yumob jidan lobala en blanga testimbat yumob, wulijim im gin luk wanim yumob garra dum en if yumob garra bulurrumap im trubalawei.

Jeims 1:10

Nomeda God deigidawei ola enijing brom detlot Kristjan pipul hu jidan ritjwan, bat stil dei garra gudbinji du. Ola ritjmen dei jis laiga purdiflawa.

Jeims 1:12

Wal wen trabul kamat langa yumob blanga testimbat yumob, yumob garra gudbinji if yumob nomo gibap, dumaji yumob garra win det prais weya God bin meigim det pramis blanga gibit langa detlot pipul hu laigim im. Yumob sabi? Imbin pramis blanga gibit det brabli gudwan laif langa detlot pipul hu laigim im.

Jeims 2:5

Wal main braja en sista olabat, yumob lisin langa mi na. God bin pikimat detlot po pipul langa ebri kantri blanga meigim olabat jidan blanga im. Olabat oldei trastimbat im brabliwei, en dei garra jidan ritjwan langa det gudwan pleis blanga im, dumaji imbin meigim pramis langa detlot pipul hu laigim im, en imbin dalim olabat dei garra jidan garram im langa hebin.

Rebaleishan 19:9

Brom deya det einjul bin dalim mi, “Yu raidimdan dijan na. Dei garra askimbat sambala pipul blanga kaman langa det merrit padi blanga det yangwan ship. En detlot pipul na garra jidan gudbinji detmatj.” Wal det einjul bin kipgon tok langa mi na, “Dijan na trubala wed brom God weya mi dalimbat yu.”

Rebaleishan 22:14

Detlot pipul hu bilib langa Jisas Krais brabliwei, im jis laik olabat washim olabat klos klinbala, en olabat garra gudbinji, dumaji olabat lau dagadagat det daga brom det tri blanga laif. Olabat lau go thru langa detlot geit en go insaid langa det taun.

Rebaleishan 3:17

“Yu oldei tok, ‘Mi ritjwan. Ai garram ebrijing mi wandim. Ai kaan lukabat enijing na.’ Bat najing. Yu brabli granggibala! Yu nomo sabi yu nogudwan, bobala yu. Ebribodi sori langa yu, dumaji yu nomo garram enijing. Yu blainwan, en yu jidan neigidbala.