Methyu 5:18 - Kriol Baibul18 “Trubala ai dalim yumob. Nomo eni lowa blanga God kaan binij. Wen dijan graun en hebin garra binij, en wen det nyubala graun en hebin garra kamdan, wal det taim na det lowa garra binij. Faic an caibideil |
Methyu 5:18
82 Iomraidhean Croise
Yumob luk gudwei langa det skai. En yumob luk langa det graun gudwei du. Det skai garra binijap jis laik det smok, en dijan wel garra binijap jis laik detlot olwan klos weya binijap. Ebribodi langa dijan wel garra dai jis laik detlot flai. Bat wanim ai dum kaan neba binij. Im garra kipgon jidan lagijat olagijawan.
Wal Jisas bin tok, “Trubala ai dalim yumob. Wen det taim garra kaman weya ai garra meigim ebrijing nyuwan, ai garra jidan bos langa brabli speshalwan tjeya, en yumob twelbala men hubin bulurrum mi garra jidan langa twelbala speshalwan tjeya du, en yumob garra jidan bos blanga detlot twelbala klen blanga ola Isreil pipul.
“Wal wen yu prei en abum det serramoni weya yu nomo dagadagat daga, yu nomo wandi meigim miselp luk nogudbinji seimwei laik ol detlot tufeis pipul oldei dum. Dei oldei meigim miselp luk nogudbinji, dumaji dei wandim ebribodi garra sabi dei abum det serramoni, en dei wandim ebribodi garra preisim olabat. Ai dalim yumob, deibin gedim olabat prais olredi brom detlot pipul hubin preisimbat olabat.
“If yu gibit enijing langa po pipul, wal yu kaan jingat langa ebribodi seimwei laik ol detlot tufeis pipul oldei dum. Dei oldei jingat langa enibodi langa det miting pleis en eniweya langa roud, en dei oldei dalimbat olabat blanga meigim olabat preisim olabat. Ai dalim yumob. Deibin gedim olabat prais olredi brom detlot pipul hubin preisimbat olabat.
En Jisas bin tok, “Ai sabi yumob bin libum ebrijing lagijat. Bat ai dalim yumob. If enibodi libum im kemp o im waif o im braja o im sista o im mami o im dedi o im biginini blanga jidan raitwei garram God, wal God garra gibit im detmatj mowa iya langa im laif, en bambai God garra gibit im det olagijawan laif.”
Jisas bin kipgon tok langa detlot pipul, en imbin dalim olabat dijan stori, “Trubala ai dalim yumob. Wen enibodi gowin langa stakyad blanga gajimbat ship, im oldei gowin thru langa det raitwan geit. En if im nomo yusum det raitwan geit blanga gowin, wal im gowin blanga stilimbat detlot ship, dumaji im stilinbala.
Afta na Jisas bin kipgon tok langa ol detlot pipul deya, “Wal yumob jinggabat ola sid daga na. If yu abum wanbala lilwan sid daga, en yu nomo pudum im insaid langa graun, wal det sid daga jidan miselp. En if yu wandi abum bigmob sid daga brom det wanbala sid, wal yu garra pudum det sid insaid langa graun, en det sid garra dai basdam, en afta im garra kamat igin, en im garra abum loda daga. Bat if det sid nomo gowin langa graun en dai, wal im kaan abum enimo sid daga.
“Wal yumob jinggabat det gel weya garra abum beibi. Im nogudbinji, dumaji det taim blanga im blanga abum det pein bin kaman na. Bat afta wen im abum det beibi, im nomo jinggabat det pein, dumaji im gudbinji blanga det beibi weya imbin abum. “Wal im lagijat du langa yumob. Trubala ai dalim yumob. Yumob garra nogudbinji en kraikrai detmatj. Bat ola pipul langa dijan wel garra gudbinji. En det taim weya yumob garra nogudbinji bin kaman na. Bat afta yumob garra jidan gudbinji, dumaji ai garra kambek en luk yumob igin. En det taim na yumob garra jidan brabli gudbinji, en nobodi kaan meigim yumob nogudbinji enimo.
Sanasan