Methyu 5:1 - Kriol Baibul

¹ Bambai na wen Jisas bin luk ol detlot pipul, imbin gowap langa wan hil, en imbin jidan deya na, en ola wekinmen blanga im bin jidan olaran langa im,

Methyu 5:1 Iomraidhean Croise

Methyu 13:2

Detmatj pipul bin kaman blanga lisin langa im, en imbin lafta gowin langa bout blanga gajim rum. Imbin jidan langa det bout ontop langa woda, en ola pipul bin jandap ebriwei langa bitjsaid lukinat langa im, en imbin dalim olabat stori blanga meigim olabat jinggabat.

Methyu 15:29

Brom deya Jisas en im wekinmen olabat bin gowei brom det kantri, en deibin gobek langa det pleis wansaid langa Leik Gelali, en deya na Jisas bin gowap langa hil blanga titjimbat ola pipul.

Methyu 4:25

Wal detmatj pipul bin bulurrum Jisas na. Deibin kaman brom Gelali en brom det kantri gulum Dikapalas en brom Jerusalem en brom Judiya en brom det kantri najasaid langa det Jodan Riba.

Methyu 5:2

en imbin stat titjimbat olabat.

Mak Bin Dalim Ola Stori Blanga Jisas 3:13

Brom deya Jisas bin gowap langa wan hil, en imbin jingat langa detlot men weya imbin wandim blanga go garram im, en deibin kaman langa im,

Mak Bin Dalim Ola Stori Blanga Jisas 3:20

Brom deya Jisas bin gobek langa det kemp langa Kapeniyam, en detmatj pipul bin stil wandim im, en deibin majurrumap miselp langa det kemp, en Jisas en im wekinmen olabat nomo bin abum taim blanga dagat daga.

Mak Bin Dalim Ola Stori Blanga Jisas 4:1

Bambai na Jisas bin gobek langa Leik Gelali blanga titjimbat ola pipul. Detmatj pipul bin kaman blanga lisin langa im, en imbin lafta gowin langa bout. Imbin jidan langa det bout langa woda, en ola pipul bin jandap ebriweya langa bitjsaid lukinat langa im,

Luk Bin Dalim Ola Stori Blanga Jisas Langa Wan Jintail Men 6:12

Afta na Jisas bin gowap langa wan hil, en imbin jidanbat deya olnait blanga prei langa God.

Luk Bin Dalim Ola Stori Blanga Jisas Langa Wan Jintail Men 6:17

Brom deya Jisas bin kamdan brom det hil garram detlot speshalwan mishanri blanga im, en imbin jandap langa lebulwan pleis garram loda wekinmen blanga im, en bigmob pipul brom ebriweya bin kaman langa im. Deibin kaman brom ebriweya langa Judiya en Jerusalem en brom det dubala taun wansaid langa solwoda gulum Taya en Saidan.

Luk Bin Dalim Ola Stori Blanga Jisas Langa Wan Jintail Men 6:20

Wal Jisas bin luk langa ola wekinmen blanga im, en imbin tok, “Ol yumob pipul hu nomo meigim miselp haibala, yumob garra gudbinji, dumaji yumob blanga God brabli, en im na garra meigim yumob haibala.

Luk Bin Dalim Ola Stori Blanga Jisas Langa Wan Jintail Men 9:28

Brom deya nekswik Jisas bin deigim detlot thribala wekinmen blanga im neim Pida, Jon en Jeims, en deibin go ontop langa wan hil blanga prei.

Jon Bin Dalim Det Gudnyus Blanga Jisas Det San Blanga God 6:15

Wal Jisas bin gowei langa det hil kantri miselp na, dumaji imbin sabi detlot pipul bin wandi fosim im blanga jidan king blanga olabat streidawei.