Methyu 4:9 - Kriol Baibul

⁹ “Ol dislot enijing iya weya yu luk, wal ai garra gibit yu if yu baudan en weship langa mi.”

Methyu 4:9 Iomraidhean Croise

Ola Saam 72:11

Meigim ola king nildan lida langa im, en ola pipul brom ebri kantri garra wek blanga im.

Prabebs 8:15

Mi oldei album ola king en ola lida olabat blanga jidan bos, en meigim ola gudwan lowa.

Denyul 4:32

Yubin oldei jidan garram ola pipul bat olabat garra andimwei yu na en yu garra jidan garram ola wailwan enimul. Blanga 7 yiya yu garra dagadagatbat gras jis laik ola buligi. Afta na yu garra sabi mi det Brabli Haibala God. Mi na det bos blanga ebribodi en ola boswan du. Mi na gin gibit pawa langa enibodi blanga jidan bos weya mi pikimat.”

Methyu 26:15

en imbin tok, “Wanim yumob garra gibit mi if ai hendimoba Jisas langa yumob?” Wal detlot serramonimen bin gudbinji wen deibin irrim im tok lagijat, en deibin kaundimap 30 silbawan mani, en deibin gibit im det mani.

Methyu 4:10

Wal Jisas bin tok, “Yu gowei brom mi, Seitin. Ai kaan dum wanim yu wandim, dumaji im tok langa oltestaman, ‘Yu garra weship langa God, dumaji oni im na Bos, en yu garra wek blanga im.’ ”

Jon Bin Dalim Det Gudnyus Blanga Jisas Det San Blanga God 12:31

Imbin tok blanga album yumob, dumaji det taim bin kaman na weya God garra jadjim ola pipul langa dijan wel, en im garra bidim det boswan dibuldibul hu jidan bos blanga dijan wel.

Jon Bin Dalim Det Gudnyus Blanga Jisas Det San Blanga God 13:3

Wal Jisas bin sabi im Dedi God bin meigim im jidan Bos blanga ebrijing, en imbin sabi imbin kaman brom God en im garra gobek langa God.

Jon Bin Dalim Det Gudnyus Blanga Jisas Det San Blanga God 14:30

“Ai kaan toktok langa yumob enimo na, dumaji Seitin det boswan blanga dijan wel im kaminap na. Im nomo garram pawa oba langa mi.

Jon Bin Dalim Det Gudnyus Blanga Jisas Det San Blanga God 16:11

“En detlot pipul oldei jinggabat rongwei blanga God weya im garra jadjim olabat, dumaji dei reken im kaan jadjim olabat. Bat im garra jadjim olabat, dumaji imbin olredi jadjim det bos blanga dijan wel. En det bos na im Seitin. En det Holi Spirit garra shoum detlot pipul dei nomo jinggabat raitwei blanga God weya im garra jadjimbat olabat.

Sekan Karinthiyans 4:4

Detlot pipul na nomo bilib langa det wed, dumaji Seitin det nogudbala bos blanga dijan wel bin meigim olabat blainwan langa olabat main, en dei kaan luk det lait weya det gudnyus meigim shain langa olabat. Yumob sabi? Det gudnyus na dalimbat olabat hu Jisas Krais. En langa Jisas Krais na wi luk God, dumaji im na shoum wi God.

Fes Timathi 3:6

Wal nobodi kaan jidan minista streidawei wen im nyuwan Kristjan, dumaji im mait reken miselp haibala. En if im reken miselp haibala lagijat, wal God garra panishim im jis laik im garra panishim Seitin det boswan dibuldibul.

Rebaleishan 19:10

Wal wen det einjul bin tok langa mi lagijat, aibin buldan langa graun rait langa im fut blanga weship im. Bat imbin tok, “Yu nomo lagijat! Mi wekinmen jis laik yu en yu braja olabat, en jis laik ol detlot pipul hu bulurrum det gudnyus blanga Jisas Krais brabliwei. Yu garra baudan en weship oni God. Yu garra gibit theingks langa im, nomo langa mi, dumaji det Spirit blanga God na bin dalimbat ola speshalwan mesinja det gudnyus blanga Jisas.”