Methyu 4:12 - Kriol Baibul

¹² Bambai na deibin pudum Jon Beptis langa jeil, en wen Jisas bin irrim det wed, imbin gobek langa Gelali.

Methyu 4:12 Iomraidhean Croise

Methyu 11:2

Wal det taim na det speshalwan mesinja blanga God neim Jon Beptis bin jidan langa jeil, en wen imbin irrim wanim Jisas bin dumbat, imbin jandim sambala wekinmen blanga im langa Jisas blanga askim im kwestjan,

Methyu 14:3

Lagijat na Herod bin tok, dumaji imbin jinggabat wanim imbin dum langa Jon Beptis basdam. Imbin dalim im wekinmen olabat blanga go en grebum im en taiyimap im garram tjein en pudum im langa jeil. Imbin dum lagijat langa Jon, dumaji Herod bin merrit langa im ron braja Filip waif neim Herodiyas,

Mak Bin Dalim Ola Stori Blanga Jisas 1:14

Bambai na deibin pudum Jon Beptis langa jeil, en afta Jisas bin go langa Gelali, en deya na imbin dalimbat ola pipul det gudnyus blanga God,

Mak Bin Dalim Ola Stori Blanga Jisas 6:17

Wal Herod bin jinggabat na wanim imbin dum langa Jon Beptis bifo. Imbin dalim im wekinmen olabat blanga go en grebum im en taiyimap im garram tjein en pudum im langa jeil.

Luk Bin Dalim Ola Stori Blanga Jisas Langa Wan Jintail Men 23:5

Bat detlot pipul bin kipgon tok strongbalawei langa Pailat, “Wal imbin oldei toktok en trai en meigim trabul blanga ola pipul ebriweya langa dijan kantri Judiya. Imbin trai en meigim trabul langa Gelali basdam, en imbin kaman iya blanga meigim trabul langa melabat kantri na.”

Luk Bin Dalim Ola Stori Blanga Jisas Langa Wan Jintail Men 4:14

Afta na Jisas bin gobek langa Gelali, en imbin abum pawa brom det Holi Spirit, en imbin spredimat det gudnyus blanga God ebriweya deya langa det kantri.

Luk Bin Dalim Ola Stori Blanga Jisas Langa Wan Jintail Men 4:31

Brom deya Jisas bin go langa det taun gulum Kapeniyam deya langa Gelali, en wen imbin Sebathdei, imbin go langa det miting pleis blanga ola Juwish pipul, en imbin toktok langa detlot pipul deya,

Jon Bin Dalim Det Gudnyus Blanga Jisas Det San Blanga God 1:43

Wal det neksdei na Jisas bin jinggabat blanga go langa Gelali, en imbin faindim wan men neim Filip hubin brom det seimwan taun gulum Bethsaida weya Endru en Pida bin jidan. Wal Jisas bin dalim Filip, “Yu garra kaman garram mi.”

Jon Bin Dalim Det Gudnyus Blanga Jisas Det San Blanga God 2:11

Wal lagijat na deya langa det taun gulum Keina langa Gelali, Jisas bin dum det feswan speshal klebabala ting, en deya na imbin shoum miselp im brabli haibala, en detlot wekinmen blanga im bin bilib langa im.

Jon Bin Dalim Det Gudnyus Blanga Jisas Det San Blanga God 4:43

Wal afta wen Jisas bin jidan garram detlot Sameriya pipul tudeis, im en im wekinmen olabat bin gowei brom deya, en deibin go langa im ron kantri gulum Gelali,

Jon Bin Dalim Det Gudnyus Blanga Jisas Det San Blanga God 4:54

Wal lagijat na Jisas bin dum det sekanwan speshalwan klebabala ting wen imbin kaman brom Judiya langa Gelali.