Methyu 4:11 - Kriol Baibul

¹¹ Brom deya det dibuldibul bin gowei brom Jisas, en ola einjul bin kaman langa Jisas, en deibin album im.

Methyu 4:11 Iomraidhean Croise

Fes Kings 19:6

Ilaija bin gidap en imbin luk wanbala damba en woda wansaid langa im hed en imbin dagat en dringgim en imbin gobek en silip igin.

Methyu 26:53

If ai wandim, ai gin jingat langa main Dedi blanga jandim bigmob einjul blanga album mi.

Methyu 4:6

en imbin tok, “If trubala yu blanga God San, wal yu tjakamdan miselp brom dijan haiwan haus, dumaji im tok langa oltestaman, ‘God garra dalim ola einjul blanga im blanga lukaftumbat yu.’ En im tok langa oltestaman, ‘Detlot einjul garra holdim yu ontop garram olabat bingga weya yu kaan ardim miselp.’ ”

Mak Bin Dalim Ola Stori Blanga Jisas 1:13

en imbin jidanbat deya 40 dei, en Seitin bin oldei temtimbat im. En olkain wailwan enimul bin deya du. Bat sambala einjul bin kaman en lukaftumbat im.

Luk Bin Dalim Ola Stori Blanga Jisas Langa Wan Jintail Men 22:43

Wal wanbala einjul bin kamat langa Jisas blanga meigim im strongbala,

Luk Bin Dalim Ola Stori Blanga Jisas Langa Wan Jintail Men 22:53

Aibin oldei jidanbat deya langa det Serramoni Pleis titjimbat ola pipul. Wotfo yumob nomo bin grebum mi deya? Ai dalim yumob wotfo. Dumaji det rait taim bin kaman blanga det boswan dibuldibul na, en yumob na garra dum det wek blanga im.”

Luk Bin Dalim Ola Stori Blanga Jisas Langa Wan Jintail Men 4:13

Wal det dibuldibul bin trai en temtimbat Jisas. Bat Jisas nomo bin duwit langa im, en afta det dibuldibul bin gowei brom im. Bat im nomo bin gowei olagijawan. Imbin gowei blanga weidabat blanga det rait taim.

Jon Bin Dalim Det Gudnyus Blanga Jisas Det San Blanga God 14:30

“Ai kaan toktok langa yumob enimo na, dumaji Seitin det boswan blanga dijan wel im kaminap na. Im nomo garram pawa oba langa mi.

Fes Timathi 3:16

Trubala ai dalim yu. God bin shoum wi brabli bigbala ting iya. Nobodi bin sabi dijan ting bifo. Bat wi sabi na hau blanga jidan trubalawei blanga God. Yu sabi wanim mi toktok? Imbin kaman garram bodi laik wi, en det Holi Spirit bin shoum wi trubala im det San blanga God, en ola einjul bin luk langa im, en loda pipul bin spredimatbat det wed blanga im langa ebri kantri, en pipul brom ebri kantri bin bilib langa im, en God bin deigimbek im langa hebin.

Hibrus 1:14

Bat God nomo bin tok lagijat langa eni einjul, dumaji ola einjul olabat wekinmen blanga im. Olabat gudbala spirit, en im oldei jandim olabat blanga album detlot pipul weya imbin pikimat blanga seibum olabat.

Hibrus 1:6

En wi sabi det San blanga God im haibala langa ola einjul, dumaji wen God bin redi blanga jandim im langa dijan graun, imbin tok, “Ol main einjul olabat garra weship im.”