Methyu 4:10 - Kriol Baibul

¹⁰ Wal Jisas bin tok, “Yu gowei brom mi, Seitin. Ai kaan dum wanim yu wandim, dumaji im tok langa oltestaman, ‘Yu garra weship langa God, dumaji oni im na Bos, en yu garra wek blanga im.’ ”

Methyu 4:10 Iomraidhean Croise

Fes Kranakuls 21:1

Wal Seitin bin wandi bringimap trabul langa ol detlot Isreil pipul, en imbin tok langa King Deibid blanga kaundimap ola pipul en King Deibid bin duwit.

Job Wotfo Gudbala Pipul Abum Trabul? 1:12

Wal YAWEI bin tok, “Orait, yu gin dum enijing yu wandim dum langa ola ebrijing blanga im, bat yu nomo ardim im.” Afta tharran det nogudwan einjul bin gowei na.

Job Wotfo Gudbala Pipul Abum Trabul? 1:6

Wal wandei detlot einjul bin majurrumap miselp raidaran langa YAWEI det trubala God. Det nogudwan einjul gulum Seitin hubin oldei testimbat pipul bin deya du garram olabat.

Job Wotfo Gudbala Pipul Abum Trabul? 2:1

Wal wen detlot einjul bin go en majurrumap miselp raidaran langa YAWEI det trubala God igin, det nogudwan einjul bin deya garram olabat du.

Ola Saam 109:6

YAWEI yu garra pikimat nogudwan jadj blanga kotim main enami, en yu meigim im ronwan enami kotim im.

Eksadas 23:25

en if yumob weship mi, wal ai garra gibit yumob loda daga en woda, en ai garra deigidawei ola siknis brom yumob du.

Aisaiya 30:22

En brom deya yumob garra libum detlot drimin sheip weya yumob bin meigim brom silba en gol, dumaji olabat rabishwan. En yumob garra tjakidawei detlot ting, jis laik wen yumob oldei tjakidawei det brabli dardiwan reig.

Methyu 16:23

Wal Jisas bin tenaran, en imbin dalimof Pida, “Seitin, yu gowei brom iya, dumaji yu meigimbat trabul blanga mi, dumaji yu nomo jinggabat seimwei laik God jinggabat. Yu jinggabat seimwei laik men oldei jinggabat.”

Mak Bin Dalim Ola Stori Blanga Jisas 1:13

en imbin jidanbat deya 40 dei, en Seitin bin oldei temtimbat im. En olkain wailwan enimul bin deya du. Bat sambala einjul bin kaman en lukaftumbat im.

Luk Bin Dalim Ola Stori Blanga Jisas Langa Wan Jintail Men 10:18

Wal Jisas bin dalim olabat, “Aibin luk Seitin det boswan dibuldibul, en imbin buldan brom hebin jis laik laitining.

Luk Bin Dalim Ola Stori Blanga Jisas Langa Wan Jintail Men 11:18

En im lagijat gin garram Seitin. If Seitin en im dibuldibul olabat kadimat miselp en fait gija, wal dei garra binijimap miselp gin, en afta Seitin kaan jidan bos. “Wal yumob bin tok mi andimwei dibuldibul garram det pawa brom Belsibul.

Luk Bin Dalim Ola Stori Blanga Jisas Langa Wan Jintail Men 13:16

En iya na dijan gel im grengrendoda blanga Eibrahem det grengrenfatha blanga wi, en Seitin bin taiyimap im 18 yiya. Wal wotfo ai kaan deigimat im en larramgo im fri wen im Sebathdei?”

Luk Bin Dalim Ola Stori Blanga Jisas Langa Wan Jintail Men 22:3

Wal Seitin det boswan dibuldibul bin gowin insaid langa det wekinmen blanga Jisas neim Judas Askeriyat,

Luk Bin Dalim Ola Stori Blanga Jisas Langa Wan Jintail Men 22:31

Afta na Jisas bin tok langa Saiman Pida, “Saiman, Saiman. Yu irrim mi na. God garra larram Seitin testimbat yumob blanga kadimat ola gudbala brom nogudbala jis laik det fama weya im deigimat det sid daga en tjakidawei ola nogudwan gras.

Luk Bin Dalim Ola Stori Blanga Jisas Langa Wan Jintail Men 4:8

Wal Jisas bin tok, “Nomo. Ai kaan duwit, dumaji langa oltestaman im tok, ‘Yu garra weship God, dumaji oni im na Bos, en yu garra wek blanga im.’ ”

Jon Bin Dalim Det Gudnyus Blanga Jisas Det San Blanga God 13:27

en streidawei wen Judas bin gajim det daga, Seitin bin gowin insaid langa im, en Jisas bin dalim im, “Wal yu dum wanim yu garra dum kwikbala na.”

Eks Hau Det Gudnyus Blanga Jisas Krais Bin Spredat Ebriweya 26:18

Yu garra meigim olabat tenim miselp brom det pawa blanga det boswan dibuldibul en go langa God, en wen dei bilib langa mi, ai garra larramgo olabat fri brom ola nogudbala ting weya deibin dumbat, en ai garra meigim olabat jidan main ronwan pipul olabat.’ Lagijat na God bin tok langa mi.

Eks Hau Det Gudnyus Blanga Jisas Krais Bin Spredat Ebriweya 5:3

en Pida bin tok, “Enanaiyas, yubin kadimat haf mani weya yubin gedim brom det fam. Wal wotfo yubin lisin langa Seitin wen imbin dalim yu blanga dum lagijat? Wotfo yubin laiya langa det Holi Spirit?

Fes Karinthiyans 5:5

en deya na langa det miting yumob garra andimwei im brom det tjetj en hendimoba det men langa Seitin blanga binijimap det bodi blanga im wulijim God garra seibum det spirit blanga im langa det dei weya Jisas Krais det Bos blanga wi garra kambek.

Fes Karinthiyans 7:5

En det men kaan kadimat miselp en nomo larram im waif silip garram im. En seimwei du det gel kaan kadimat miselp en nomo larram im hasbin silip garram im. If dubala agri gija, wal im rait. Dubala gin kadimat miselp. Bat nomo olagija. Oni lilwail blanga prei, en afta dubala garra kipgon silipsilip gija, dumaji Seitin garra temtimbat dubala, en dubala nomo wandim im blanga bidim dubala weya dubala kaan hendulum miselp.

Sekan Karinthiyans 11:14

Wal wi kaan hatjamp blanga tharran, dumaji Seitin du gin tenim miselp en meigim miselp luk jis laiga einjul.

Sekan Karinthiyans 12:7

Wal God bin shoum mi olkain bigbala ting langa detlot speshalwan drim weya imbin gibit mi, en detlot ting bina meigim mi reken miselp en tok praudbalawei. Bat God bin gibit mi siknis blanga stapam mi brom reken miselp, en det siknis bin jis laiga mesinja brom Seitin weya bin oldei meigim mi brabli nogudbinji.

Sekan Karinthiyans 2:11

En ai wandim yumob garra jidan lagijat, dumaji wi sabi det plen blanga Seitin, en wi nomo wandim im garra bidim wi.

Dyudaranami 10:20

Yumob garra rispek brabliwei langa YAWEI en weship oni langa im. Yumob garra jidan trubala langa im en wen yumob meigim pramis langa enibodi, askim oni YAWEI imselp blanga jidan witnis blanga yumob.

Jeims 4:7

Wal blanga tharran na, yumob garra gibit miselp langa im, en yumob garra jandap strongbalawei langa Seitin blanga meigim im gowei brom yumob.

Joshuwa 24:14

Wal Joshuwa bin kipgon tok langa detlot Isreil pipul, “Wal yumob kaan bradin langa enijing. Oni langa YAWEI yumob garra bradin. En yumob garra jidan trubalawei langa im en nomo slekbek. Yumob garra libum ol detlot drimin weya yumob grengrenfatha olabat bin oldei bulurrumbat langa det dubala kantri gulum Mesapoteimiya en Ijip, en yumob garra bulurrum oni YAWEI.

Fes Pida 5:9

Wal yumob garra jandap brabli strongbalawei weya yumob bilib langa Jisas Krais, en yumob kaan larram det dibuldibul deigidawei yumob, dumaji yumob sabi ola Kristjan pipul ebriweya langa dijan wel oldei go thru langa det trabul du.

Fes Semyul 7:3

Wal Semyul bin dalim olabat, “If yumob wandi gibit miselp langa YAWEI brabliwei, wal yumob garra libum bulurrumbat ol detlot drimin blanga ola najalot pipul, en yumob garra tjakidawei ola toiwan drimin blanga det gelwan drimin gulum Estatei. Yumob garra bulurrum YAWEI. Oni im na yumob garra weship, en afta im garra album yumob brom ol detlot Filastain enami blanga yumob.” Lagijat na Semyul bin tok.