Methyu 4:1 - Kriol Baibul

¹ Brom deya det Holi Spirit bin deigim Jisas langa bush blanga larram det boswan dibuldibul temtimbat im.

Methyu 4:1 Iomraidhean Croise

Jenasis 3:15

En ai garra meigim yunbala det wuman heidim gija. Det biginini blanga det wuman en det biginini blanga yu garra jidan enami gija. En det biginini blanga im garra smeshimap yu hed, en yu garra baidim im fut.”

Fes Kings 18:12

Wanim garra hepin if streidawei wen mi gowei brom iya det spirit blanga YAWEI deigimwei yu langa najawan kantri? En wen ai dalim King Eiheb yu iya en im kaan faindim yu, wal yu jinggabat na. Nomeda aibin weshipbat YAWEI brabli trubalawei brom main lilboitaim, bat stil im garra kilim mi ded.

Sekan Kings 2:16

en deibin tok, “Melabat iya ola strongbala men. Larram melabat go en lukabat yu bos. Maitbi det spirit blanga YAWEI bin deigimwei im en libum im ontop langa hil, o langa sambala plein kantri.” Bat Ilaisha bin tok, “Nomo. Yumob kaan go.”

Isikiyel 11:1

Wal det spirit blanga God bin lidimap mi en imbin deigim mi langa det sanrais geit blanga det Serramoni Pleis. En deya na rait langa det dowawei langa det geit aibin luk 25 men bin deya garram Jasanaiya det san blanga Esura, en Pelataiya det san blanga Benaiya. Dubala bin lida blanga detlot Jerusalem pipul.

Isikiyel 11:24

Wal langa det drim aibin luk en aibin filim det spirit blanga God bin lidimap mi en deigimbek mi langa main kantrimen hubin jidan deya langa Bebalon. En det drim bin binij na,

Isikiyel 3:12

Bambai na det pawa blanga God bin lidimap mi en aibin irrim bigwan nois langa main bek en aibin irrim sambodi jingat adbala, “Preisim YAWEI. Im na det brabli shainiwan boswan God hu oldei jidan deya langa top.” Lagijat na det sambodi bin jingat.

Isikiyel 3:14

Det pawa blanga YAWEI bin lidimap mi en imbin deigimwei mi na. Wen aibin gowei aibin brabli nogudbinji en aibin brabli wail dumaji det pawa blanga YAWEI bin teikoba langa mi.

Isikiyel 43:5

En det spirit blanga YAWEI bin lidimap mi na en imbin deigim mi langa det insaidwan kotyad en deya na aibin luk det brabli shainiwan lait blanga YAWEI bin shain insaid langa det Serramoni Pleis.

Isikiyel 8:3

Wal imbin pudumat im bingga en imbin grebum main heya, en det spirit blanga God bin lidimap mi brabli haibala langa top en imbin deigim mi langa Jerusalem. Imbin deigim mi insaid langa det nowathwei geit blanga det Serramoni Pleis, en deya na wanbala brabli nogudwan drimin sheip bin jidan en imbin meigim God brabli wail.

Jon Bin Dalim Det Gudnyus Blanga Jisas Det San Blanga God 14:30

“Ai kaan toktok langa yumob enimo na, dumaji Seitin det boswan blanga dijan wel im kaminap na. Im nomo garram pawa oba langa mi.

Eks Hau Det Gudnyus Blanga Jisas Krais Bin Spredat Ebriweya 8:39

en wen dubala bin kamat brom det woda, det Holi Spirit bin deigidawei Filip, en det men nomo bin luk langa im igin. Brom deya det men bin kipgon langa im ron kantri, en imbin brabli gudbinji,

Romans 8:14

Wal ol wi pipul hu bulurrum det Holi Spirit jidan jis laiga biginini blanga God, dumaji God nomo bin gibit wi det Holi Spirit blanga meigim wi bradin en jidan jis laiga prisana. Imbin gibit wi det Holi Spirit blanga meigim wi jidan jis laiga biginini blanga im, en det Holi Spirit meigim wi tok langa God lagijat, “Dedi.”

Hibrus 2:18

Wal tudei Jisas gin album detlot pipul weya det dibuldibul temtimbat olabat, dumaji det boswan dibuldibul bin temtimbat im du, en imbin go thru langa det trabul.

Jeims 1:14

Yumob oldei temtimbat miselp wen yumob jinggabat nogudbalawei, en det ting na deigidawei yumob brom det wei blanga God, en afta yumob faindim miselp langa trep na.