Methyu 28:9 - Kriol Baibul

⁹ En wen dubala bin go, Jisas imselp bin midim dubala langa roud, en imbin tok, “Wujei yunbala go?” Wal dubala bin baudan langa graun lida langa im, en dubala bin holdim im langa im fut, en dubala bin weship langa im,

Methyu 28:9 Iomraidhean Croise

Aisaiya 64:5

Yu oldei album detlot pipul hu oldei dum wanim yu wandim olabat blanga dum, bat yu oldei gitwail kwikbala wen olabat dumbat ola nogudbala ting. Longtaim na melabat bin kipgon dumbat nogudbala ting. Oni yu na gin album en seibum melabat.

Methyu 14:33

en ola wekinmen blanga Jisas bin weship langa im en deibin tok, “Trubala yu San blanga God!”

Methyu 23:7

en wen dei go wokabat eniweya, dei oldei wandim ola pipul garra rispek langa olabat en gulum olabat ‘Titja’.

Methyu 28:10

en imbin dalim dubala, “Yunbala nomo bradin. Yunbala go en dalim ola braja main blanga go langa Gelali. Deya na olabat garra luk langa mi.”

Methyu 28:17

en deya na deibin luk Jisas, en wen deibin luk im, nomeda sambala bin oni hafbilib, bat stil deibin ol nildan en weship langa im.

Methyu 28:8

Wal det dubala wuman bin gowei brom det greibyad kwikbala na. Dubala bin bradin, en dubala bin brabli gudbinji du, en dubala bin ran blanga dalim ola wekinmen blanga Jisas.

Luk Bin Dalim Ola Stori Blanga Jisas Langa Wan Jintail Men 1:28

Wal wen det einjul bin kamat langa Meri, imbin tok, “Meri, God im laigim yu brabli, en im jidan garram yu.”

Luk Bin Dalim Ola Stori Blanga Jisas Langa Wan Jintail Men 24:52

en deibin weship langa im, en afta deibin gobek langa Jerusalem brabli gudbinji,

Luk Bin Dalim Ola Stori Blanga Jisas Langa Wan Jintail Men 7:38

en imbin go en jandap biyain langa Jisas langa im futwei, en imbin krai en wetim im dubala fut garram im tiyas, en afta imbin draiyim det dubala fut blanga Jisas garram im heya, en imbin kis langa im dubala fut, en imbin rabum dubala garram det gudsmelwan medisin.

Jon Bin Dalim Det Gudnyus Blanga Jisas Det San Blanga God 12:3

Wal Meri bin gajim sambala gudsmelwan medisin gulum nard. Detkain medisin bin kos loda mani, en Meri bin go langa Jisas, en imbin spilim det medisin langa Jisas fut, en afta imbin draiyim im fut garram im heya. Wal det smel blanga det medisin bin go ebriweya langa det haus,

Jon Bin Dalim Det Gudnyus Blanga Jisas Det San Blanga God 20:19

Wal wen imbin naitaim det seimdei, ola wekinmen blanga Jisas bin majurrumap miselp insaid langa haus, en deibin lokimap ola dowa blanga det haus, dumaji deibin bradin blanga ol detlot haibala serramonimen. Bambai na Jisas bin kamat langa olabat deya insaid langa det haus, en imbin jandap langa midul langa olabat, en imbin tok, “Yumob garra jidan gudbinjiwei.”

Jon Bin Dalim Det Gudnyus Blanga Jisas Det San Blanga God 20:28

Wal Tamas bin tok, “Yu na main Bos en main God!”

Sekan Karinthiyans 13:11

Wal main braja en sista olabat, ai garra tok gudbai langa yumob na. Bat yumob garra trai en jidan nomo garram enijing rong, en yumob garra lisin langa det wed weya aibin dalim yumob, en yumob garra jidan mijamet garram seimwan main, en yumob garra jidan gudbalawei garram yumob braja en sista olabat. En God hu oldei laigim wi en hu oldei meigim wi jidan gudbalawei garra jidan garram yumob.

Rebaleishan 3:9

“Yu lisin langa mi na. Sambala pipul deya reken miselp Juwish pipul. Bat dei nomo God pipul. Dei blanga Seitin. Wal ai garra meigim olabat kaman langa yu en baudan langa yu fut en rispek yu. Dei garra sabi mi na laigim yu.