Methyu 28:8 - Kriol Baibul

⁸ Wal det dubala wuman bin gowei brom det greibyad kwikbala na. Dubala bin bradin, en dubala bin brabli gudbinji du, en dubala bin ran blanga dalim ola wekinmen blanga Jisas.

Methyu 28:8 Iomraidhean Croise

Ola Saam 2:11

Yumob garra shoum rispek en teiknodis langa YAWEI. Yumob garra bradin langa im, en jidan brabli gudbinjiwei garram im.

Methyu 28:7

Wal dubala bin luk, en afta det einjul bin dalim dubala, “Yunbala gobek kwikbala na en dalim ola wekinmen blanga im. Yunbala dalim olabat Jisas bin kambek laibala brom dedbala, en imbin gidap brom det greibyad. Yunbala dalim olabat im garra go lida langa Gelali. Deya na olabat garra luk im. Lagijat na yunbala garra dalim olabat.”

Methyu 28:9

En wen dubala bin go, Jisas imselp bin midim dubala langa roud, en imbin tok, “Wujei yunbala go?” Wal dubala bin baudan langa graun lida langa im, en dubala bin holdim im langa im fut, en dubala bin weship langa im,

Mak Bin Dalim Ola Stori Blanga Jisas 16:8

Wal detlot gel bin ranawei brom det greib na, en deibin brabli hatjamp, en deibin sheiksheik nomo lilbit, en dei nomo bin dalim enibodi wanim deibin luk, dumaji olabat bin bradin.

Jon Bin Dalim Det Gudnyus Blanga Jisas Det San Blanga God 16:20

“Wal yumob jinggabat det gel weya garra abum beibi. Im nogudbinji, dumaji det taim blanga im blanga abum det pein bin kaman na. Bat afta wen im abum det beibi, im nomo jinggabat det pein, dumaji im gudbinji blanga det beibi weya imbin abum. “Wal im lagijat du langa yumob. Trubala ai dalim yumob. Yumob garra nogudbinji en kraikrai detmatj. Bat ola pipul langa dijan wel garra gudbinji. En det taim weya yumob garra nogudbinji bin kaman na. Bat afta yumob garra jidan gudbinji, dumaji ai garra kambek en luk yumob igin. En det taim na yumob garra jidan brabli gudbinji, en nobodi kaan meigim yumob nogudbinji enimo.