Methyu 28:7 - Kriol Baibul

⁷ Wal dubala bin luk, en afta det einjul bin dalim dubala, “Yunbala gobek kwikbala na en dalim ola wekinmen blanga im. Yunbala dalim olabat Jisas bin kambek laibala brom dedbala, en imbin gidap brom det greibyad. Yunbala dalim olabat im garra go lida langa Gelali. Deya na olabat garra luk im. Lagijat na yunbala garra dalim olabat.”

Methyu 28:7 Iomraidhean Croise

Aisaiya 44:8

Nomo sheiksheik en baudan bradinbalawei! Aibin dalim yumob longtaim, indit? Maitbi yumob nomo bin irrim langa mi. Oni mi na wanbala God. Nomo enibodi mowa. Oni mi na det brabli strongbala rok.” Lagijat na YAWEI bin tok.

Aisaiya 45:21

Wotfo yumob kaan majurrumap miselp en midim mi langa kothaus? Aibin dalim yumob longtaim wanim garra hepin, indit? Oni mi na wanbala God, en nomo enibodi jidan haibala laik mi. Mi oldei gibitbat yumob feyago, en ai garram det pawa blanga seibum yumob.

Methyu 24:25

“Wal yumob garra wotjim miselp, dumaji mi dalimbat yumob ebrijing bifo det taim garra kaman.

Methyu 26:32

Bat afta wen ai gidap brom det greibyad, ai garra go lida langa yumob langa Gelali.”

Methyu 28:10

en imbin dalim dubala, “Yunbala nomo bradin. Yunbala go en dalim ola braja main blanga go langa Gelali. Deya na olabat garra luk langa mi.”

Methyu 28:8

Wal det dubala wuman bin gowei brom det greibyad kwikbala na. Dubala bin bradin, en dubala bin brabli gudbinji du, en dubala bin ran blanga dalim ola wekinmen blanga Jisas.

Mak Bin Dalim Ola Stori Blanga Jisas 14:28

Bat afta wen ai garra gidap laibala brom det greib, ai garra go lida langa yumob langa Gelali.” Lagijat na Jisas bin tok.

Mak Bin Dalim Ola Stori Blanga Jisas 16:10

Wal Meri bin go en dalim detlot pipul hubin oldei wokabat garram Jisas. Olabat bin kraikrai dumaji Jisas bin dai,

Mak Bin Dalim Ola Stori Blanga Jisas 16:13

Afta wen dubala bin gobek en dalim detlot najalot wekinmen, olabat nomo bin bilib langa dubala.

Luk Bin Dalim Ola Stori Blanga Jisas Langa Wan Jintail Men 24:34

Deibin tok, “Trubala det bos bin gidap! Imbin shoum miselp langa Saiman!”

Jon Bin Dalim Det Gudnyus Blanga Jisas Det San Blanga God 14:29

“Aibin dalim yumob ol dislot ting na bifo dei garra hepin wulijim wen dei garra hepin, yumob garra bilib langa mi brabliwei.

Jon Bin Dalim Det Gudnyus Blanga Jisas Det San Blanga God 16:4

En aibin dalim yumob dijan bifo det taim garra kaman weya pipul garra dumbat detlot nogudbala ting langa yumob lagijat, wulijim wen det taim garra kaman, yumob garra jinggabat wanim aibin dalimbat yumob. “Wal ai nomo bin dalim yumob blanga detlot ting basdam, dumaji aibin iya garram yumob.

Fes Karinthiyans 15:4

En wen imbin dai, deibin gaburrumap im. En langa det namba 3 dei imbin gidap laibala brom dedbala jis laik weya ola speshalwan mesinja blanga God bin tok langa oltestaman longtaim.

Fes Karinthiyans 15:6

En afta tharran imbin shoum miselp langa bigmob pipul hubin bilib langa im. Det namba blanga olabat bin mowa langa 500. Lilbit pipul brom detlot pipul bin dai olredi. Bat ola najalot pipul stil jidan laibala tudei weya mi raidimbat dijan leda langa yumob.