Methyu 27:52 - Kriol Baibul

^52-53 en ola greibyad bin opinap, en bigmob dedbala pipul hubin bilib langa God bin gidap, en deibin gowei brom det greibyad laibala.

Methyu 27:52 Iomraidhean Croise

Sekan Kings 13:21

Wal wandei, wen ola Isreil pipul bin abumbat fyunral, deibin luk ola Moweb pipul kaminap en deibin tjakam det ded bodi langa det seim greib weya deibin berrim det bodi blanga Ilaisha en deibin ol ranawei brom deya. Bat wen det dedwan bodi bin tatjim detlot boun blanga Ilaisha det dedwan men bin gidap laibala igin en imbin jandap.

Aisaiya 25:8

YAWEI det boswan God garra binijimap det pawa blanga det greibyad, en im garra lukaftumbat enibodi hu kraikraibat. Im kaan larram enibodi tok nogudbalawei en mokimbat langa im pipul olabat.

Aisaiya 26:19

“Detlot pipul hu bulurrum yu God garra jidan laibala, en olabat bodi garra gidap laibala igin. Detlot dedbala pipul langa greibyad garra gidap en sing gudbinjiwei. YAWEI yu na det lait weya gibit laif, wulijim det dyu weya im wetim det graun ailibala. Yu gibit laif langa ola dedbala pipul.”

Denyul 12:2

Loda pipul hubin dai basdam garra gidap laibala igin. Sambala garra jidan brabli gudbinji olagijawan, en sambala garra sheim miselp na olagijawan.

Hoseiya 13:14

“Wal ai kaan seibum yumob brom det pawa weya det greibyad garram, en ai kaan seibum yumob brom dedbala du. Det pawa blanga det greibyad garra kaman en grebum yumob, dumaji im taim blanga det trabul weya yumob garra dai, en ai kaan fil sori blanga yumob na.

Jon Bin Dalim Det Gudnyus Blanga Jisas Det San Blanga God 11:11

en afta imbin kipgon tok langa detlot wekinmen blanga im, “Lesaras det gudfren blanga wi im silip na. En ai garra go en weikimap im.”

Eks Hau Det Gudnyus Blanga Jisas Krais Bin Spredat Ebriweya 7:60

Brom deya Stibin bin nildan, en imbin jingat adbala, “Bos! Yu larramgo olabat fri brom dijan ting weya dei dumbat!” Lagijat na imbin jingat, en afta imbin dai.

Fes Karinthiyans 11:30

Yu si? Blanga tharran na sambala pipul brom yumob olabat sikwan en olabat jidan brabli wikwan, en sambala pipul brom yumob bin dai olredi.

Fes Karinthiyans 15:20

Bat ai dalim yumob. Trubala Jisas Krais bin gidap laibala brom dedbala. Im na det feswan hubin gidap laibala brom dedbala, en ola dedbala Kristjan pipul garra bulurrum im biyain en gidap du.

Fes Karinthiyans 15:51

Wal yumob irrim mi na, dumaji ai garra dalim yumob samting weya nobodi bin sabi bifo. Wi kaan ol dai, dumaji wen det laswan wisul garra jingat, God garra tjeinjim wi kwikbalawei jis laik wen yu jadimap en opinim yu ai kwikbalawei, dumaji wen det wisul garra jingat, God garra meigim ola dedbala Kristjan pipul gidap laibala brom dedbala,

Fes Thesaloniyans 4:14

Wi bilib Jisas bin dai en afta imbin gidap laibala brom dedbala en bambai im garra kambek blanga gajim ola bilibamob. En wi bilib ol detlot bilibamob hubin dai garra gidap laibala brom dedbala du en God garra meigim olabat go langa top garram Jisas.

Fes Thesaloniyans 5:10

Imbin pikimat wi blanga seibum wi thru langa Jisas Krais det Bos blanga wi, dumaji Jisas bin dai blanga wi blanga meigim wi jidan garram im. Nomeda wi dai bifo im kambek, bat stil wi garra ol jidan garram im.