Methyu 27:5 - Kriol Baibul

⁵ Wal Judas bin tjakamdan det mani deya gin langa det Serramoni Pleis, en imbin gowei brom deya, en imbin kilim miselp ded garram roup.

Methyu 27:5 Iomraidhean Croise

Sekan Semyul 17:23

Wal Ebsalom bin duwit langa det wed weya Hushai bin gibit im, en imbin stat majurrumap ola Isreil men brom ebriweya langa det kantri. Wal wen Ahithafel bin luk Ebsalom nomo bin duwit langa det wed weya imbin gibit im, imbin brabli nogudbinji, en imbin gajim im dongki, en imbin gowei brom Jerusalem, en imbin gobek langa im ronwan taun, en deya na imbin meigim ebrijing rait langa im femili, en afta imbin go en heingim miselp, en deibin berrim im bodi deya gin langa im femili greibyad.

Job Wotfo Gudbala Pipul Abum Trabul? 2:9

Wal im waif bin askim im, “Wotfo yu oldei rispekbat langa God? Wotfo yu kaan tok nogudbalawei blanga im, wulijim yu gin dai?” Lagijat na im waif bin tok.

Job Wotfo Gudbala Pipul Abum Trabul? 7:15

Ai lafta jugum miselp garram roup en nomo jidanbat garram dijan bodi. Yu libum mi na, en larram mi dai. Main laif im najing na.

Ola Saam 55:23

Bat yu na God garra meigim ol detlot pipul hu oldei medrimbat enibodi, en ol detlot laiyinbala pipul godan langa greib wen olabat stil yangbala en strongbala. Bat mi, mi garra trastimbat yu.

Methyu 26:61

Bambai na dubala men bin kaman, en dubala bin tok, “Minbala bin irrim im tok im garra meigim det Serramoni Pleis blanga God buldan, en imbin tok im garra bildimbek igin thrideistaim det seimwan haus.”

Methyu 27:6

Wal detlot haibala serramonimen bin pikimap det mani, en deibin tok, “Dijan mani im blad mani, dumaji imbin pei blanga kilim det men ded. Wal wi nomo lau pudum det mani langa det mani boks blanga dijan Serramoni Pleis.”

Luk Bin Dalim Ola Stori Blanga Jisas Langa Wan Jintail Men 1:21

Wal Sekaraiya bin jidan longtaim deya insaid langa det Serramoni Pleis, en detlot pipul hubin weidabat atsaid bin stat askimbat miselp blanga im.

Jadjis 9:54

en streidawei imbin jingat langa det wekinmen blanga im, en imbin dalim im, “Yu deigimat yu longwan naif en kilim mi ded, dumaji ai nomo wandim stori blanga goran ebriweya weya det gel bin kilim mi ded.” Wal det wekinmen bin deigimat im longwan naif, en imbin kilim Abimalek ded,