Methyu 27:26 - Kriol Baibul

²⁶ Wal streidawei Pailat bin larramgo Barebas fri, dumaji ola pipul bin wandim im, en ola wekinmen blanga Pailat bin beldim Jisas brabliwei, en afta Pailat bin hendimoba im langa ola solja blanga neilimap im langa det kros.

Methyu 27:26 Iomraidhean Croise

Aisaiya 50:6

Ai larram detlot hu nomo laigim mi hitim mi langa main bekboun, en pulumbat main wiska. Ai nomo bin gibit olabat bekboun wen olabat bin tok nogudbalawei langa mi en spit langa main feis.

Aisaiya 53:5

Dumaji blanga melabat nogudbalawei deibin beldim im, en gibit im loda pein langa im bodi. Imbin deigim det panishmen blanga melabat en imbin meigim melabat jidan brabli gudbalawei.

Methyu 20:19

Afta dei garra gibit mi langa najalot pipul, en dei garra mokim mi, en dei garra spit langa mi, en dei garra beldim mi garram wip, en afta dei garra neilimap mi langa kros en kilim mi ded. Bat thrideistaim ai garra gidap brom det greib en jidan laibala.”

Mak Bin Dalim Ola Stori Blanga Jisas 10:34

en dei garra mokim mi, en dei garra spit langa mi, en dei garra beldim mi garram wip, en afta dei garra kilim mi ded. Bat thrideistaim ai garra gidap brom det greib en jidan laibala.” Lagijat na Jisas bin tok.

Mak Bin Dalim Ola Stori Blanga Jisas 15:15

Wal Pailat bin lafta duwit langa detlot pipul blanga meigim olabat sedisfaid. Imbin larramgo Barebas fri, en imbin hendimoba Jisas langa detlot solja blanga beldimbat im en blanga neilimap im langa kros.

Luk Bin Dalim Ola Stori Blanga Jisas Langa Wan Jintail Men 23:16

Maitbi ai garra beldim im brabliwei garram shotbala wip en larramgo im.” Lagijat na Pailat bin tok.

Jon Bin Dalim Det Gudnyus Blanga Jisas Det San Blanga God 19:1

Afta na Pailat bin dalim detlot solja blanga gajim Jisas, en deibin deigim im. Deibin beldim im garram wip,

Jon Bin Dalim Det Gudnyus Blanga Jisas Det San Blanga God 19:16

Wal Pailat bin lafta duwit langa olabat, en imbin hendimoba Jisas langa olabat, en detlot solja bin deigim Jisas blanga kilim im langa det kros.

Fes Pida 2:24

Wal wen Jisas Krais bin dai langa det kros, imbin garrimap ola nogudbala ting blanga wi langa im ron bodi blanga meigim wi libum det nogudbalawei en jidan gudbalawei.