Methyu 27:18 - Kriol Baibul

¹⁸ Wal Pailat bin sabi detlot serramonimen en bosmen bin jelas langa Jisas, en blanga tharran na deibin hendimoba Jisas langa im,

Methyu 27:18 Iomraidhean Croise

Jenasis 37:11

Wal ola braja blanga Josef bin oldei wail langa im na. Bat im dedi bin oldei jinggabat blanga det drim.

Ola Saam 106:16

Deya na langa det deset kantri deibin git jelas langa Mosis, en deibin git jelas langa Eran det serramonimen weya YAWEI bin pikimat.

Prabebs 27:4

Wen enibodi wail im gin dum brabli krulbala ting, bat jelasbala im mowes.

Aklisiyestis 4:4

Wal aibin len wi oldei dumbat adwek dumaji wi jelas langa najalot pipul. Wal im jis laik aibin trai dalimbat det win wujei blanga go.

Aisaiya 26:11

YAWEI, olabat nomo luk yu bingga wen yu redi blanga panishimbat olabat. Yu shoum olabat yu oldei lukaftumbat yu ronwan pipul olabat, en maitbi olabat garra sheim miselp. Larram yu faiya barnimap ol yu enamimob.

Methyu 27:17

en wen detlot pipul bin majurrap, Pailat bin askim olabat, “Wujan prisana yumob wandim mi blanga larramgo fri? Yumob wandim mi blanga larramgo Barebas o Jisas weya dei gulum im Krais?”

Methyu 27:19

en wen Pailat bin jidanbat deya toktok langa olabat, im waif bin jandim wed langa im. Imbin tok, “Yu nomo wandi tatjim det gudbala men, dumaji aibin abum drim en imbin meigim mi brabli nogudbinji.”

Mak Bin Dalim Ola Stori Blanga Jisas 15:10

Lagijat na imbin askimbat olabat, dumaji imbin sabi detlot haibala serramonimen bin jelas langa Jisas, en blanga tharran na deibin hendimoba Jisas langa im.

Eks Hau Det Gudnyus Blanga Jisas Krais Bin Spredat Ebriweya 13:45

en wen detlot Juwish pipul bin luk ol detlot Jintail pipul kaman deya, deibin gitwail, en deibin tok nogudbalawei langa Pol en blanga det wed weya imbin toktok.

Eks Hau Det Gudnyus Blanga Jisas Krais Bin Spredat Ebriweya 5:17

Wal det boswan haibala serramonimen en ol im meit brom detlot serramonimen gulum Sedyusi, deibin ol jelas langa detlot speshalwan mishanri na,

Eks Hau Det Gudnyus Blanga Jisas Krais Bin Spredat Ebriweya 7:9

“Wal yumob sabi det stori weya ola braja blanga Josef bin jelas langa im. Deibin selim im langa detlot pipul hubin deigim im langa Ijip. Bat God bin deya garram im,

Jeims 4:5

Wal God bin gibit det spirit langa wi, en trubala im tok langa oltestaman, God wandim det spirit blanga wi brabliwei.