Methyu 26:7 - Kriol Baibul

⁷ en wen deibin dagadagat daga, wan gel bin kaman deya langa olabat, en imbin garrimapbat lilwan ston botul ful garram detkain gudsmelwan oil weya kos loda mani, en imbin spilim det oil ontop langa Jisas hed.

Methyu 26:7 Iomraidhean Croise

Sekan Kings 9:1

Wal langa det seimtaim na det speshalwan mesinja Ilaisha bin dalim wan yangwan speshalwan mesinja, “Yu deigim dijan oliboil en yu go langa det taun gulum Remoth deya langa Giliyad.

Ola Saam 133:2

Im brabli gudwan jis laik wen deibin spilim det brabli gudwan oil ontop langa det hed blanga Eran, en det oil bin randan brom im hed raitdan langa im speshalwan klos.

Aklisiyestis 10:1

Wal if ola dedwan flai jidan insaid langa det botul olabat meigim det gudsmelwan medisin jidan stinggiwan. Wulijim det siliwan ekshan gin meigim det klebabalamen medwan.

Aklisiyestis 9:8

Ai wandim yu blanga werrimon gudwan klos en jidan hepiwan.

Brabli Gudwan Song 1:3

Ebritaim yu kaman langa mi yu smel brabli gudwan. Wen mi irrim yu neim mi jinggabat det brabli gudsmel blanga yu. Ai sabi ol detlot najalot gel oldei wandimbat yu du.

Aisaiya 57:9

Yumob oldei pudum olkain gudsmelwan ting langa yumob bodi blanga go en weshipbat det drimin neim Molek, en yumob oldei askimbat detlot spirit blanga detlot dedbala pipul blanga kaman en album yumob.

Methyu 26:8

Wal wen detlot wekinmen blanga Jisas bin luk, deibin gitwail, en deibin tok, “Wotfo det gel bin weistimbat det gudsmelwan oil?

Mak Bin Dalim Ola Stori Blanga Jisas 14:3

Wal Jisas en im wekinmen olabat bin jidan langa det lilwan taun gulum Bethani. Deya na deibin jidan langa det haus blanga wan men neim Saiman Lepa, en wantaim wen deibin dagadagat daga, wan gel bin kaman deya langa olabat, en imbin garrimapbat lilwan ston botul. Det botul bin ful garram det diyawan gudsmelwan oil brom det purdiflawa gulum nard, en det gel bin deigimat det lid brom det botul, en imbin spilim det oil ontop langa Jisas hed.

Luk Bin Dalim Ola Stori Blanga Jisas Langa Wan Jintail Men 7:46

En yu nomo bin gibit mi det speshalwan medisin blanga rabum main hed. Bat dijan gel bin rabum main fut ebriweya garram det gudsmelwan medisin.