Methyu 26:59 - Kriol Baibul

⁵⁹ Wal detlot haibala serramonimen en detlot kaunsala bin kotim Jisas na, en deibin trai en faindim rong langa im weya dei garra kilim im ded.

Methyu 26:59 Iomraidhean Croise

Ola Saam 27:12

Dei dalimbat ola laiya blanga mi. Dei tok, “Wi garra kilim im!” Nomo larram olabat blanga bidim mi!

Prabebs 25:18

Wen enibodi hu dalim laiya blanga im fren, tharran im laik yu ardim im garram bigwan wadi o yu kadim im garram bigwan naif o shudum im garram erro.

Methyu 5:22

“Wal tudei ai dalim yumob. If yu gitwail langa enibodi insaidwei, wal dei garra kotim yu blanga tharran. En if yu tok nogudbalawei langa enibodi, en if yu meigim miselp haibala langa im, wal dei garra kotim yu blanga tharran du. En if yu tok nogudbalawei langa enibodi dumaji yu wandi ardim im filing brabliwei, wal yu garra faindim miselp langa helfaiya bambai.

Jon Bin Dalim Det Gudnyus Blanga Jisas Det San Blanga God 18:19

Wal det boswan haibala serramonimen neim Enas bin kwestjanimbat Jisas blanga im wekinmen olabat, en imbin kwestjanimbat im blanga ol detlot wed weya imbin oldei titjimbat ola pipul du.

Jon Bin Dalim Det Gudnyus Blanga Jisas Det San Blanga God 18:21

Wal wotfo yu kwestjanimbat mi? Yu garra kwestjanimbat ola pipul hubin oldei irrim mi toktok. Yu go en askim olabat wanim aibin oldei dalimbat olabat. Olabat sabi.”